ISAYA 51:2 - Biblia Ilagho Jiboie Kwa Wandu Wose

² Mzighanenyi ndeyo onyu Abrahamu, na Sara uo oremvaeghe. Kwa kukaia neremmbangieghe ngelo usene mwana ungi, ngamrasimia na kum'bonya uve kwa wungi.

ISAYA 51:2 Խաչաձեւ Հղումներ

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

KUZOYA 24:1

Idana Abrahamu orekoghe mghosi wa miaka mingi, na BWANA orekoghe wamrasimia kwa vilambo vose.

KUZOYA 24:35

BWANA wamrasimie bwana wapo kwa wungi ukawuya mzuri wa mali, nao wamnekie ng'ondi, mfugho, feza, na dhahabu, na wadumiki wa womi na wa waka, ngamila na punda.

ISAYA 29:22

Kwa huwo BWANA uo oremkombueghe Abrahamu waghora huwu aighu ya wandu wa Israeli: “Israeli ndeechaafushwa waya hata kughaluka wushu ghwake anduangi.

ISAYA 41:8

“Ela inyo wandu wa Israeli mo wadumiki wapo kivalwa cha Jakobo neremsaghueghe, kivalwa cha Abrahamu mghenyi wapo.

ISAYA 43:27

Ndeyo wa imbiri odebonya kaung'a na wadederii wako wikanikosera.

ISAYA 48:1

Sikirenyi agha inyo wana wa Jakobo, inyo mmbangilo kwa irina ja Israeli; ee, inyo mfumie kwa kivalwa cha Juda; inyo mghemagha kwa irina ja BWANA, na kumshuhudia Mlungu wa Israeli; ela si kwa loli na hachi anduangi.

ISAYA 60:22

Uo mtini uchawuya kichuku, na uo mtini putu uchawuya mbari iwadie ndighi Ini ne BWANA, nichashashira ilagho ijo kwa ngelo yaro.”

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

EZEKIELI 33:24

“Mwana wa mdamu, wandu wikaiagha andu kunonelo kwa isanga ja Israeli waawuyaghamba, ‘Abrahamu odeeka mundu umweri, nao ukanekwa iji isanga ujiwuse; isi dakaia wengi; loli danekelo iji isanga dijiwuse.’

WUKUMBUSO 1:10

BWANA Mlungu onyu wam'bonyere mkachurikia, na idime mooka sa nyerinyeri ra mlungunyi kwa wungi.

WUKUMBUSO 26:5

Na oho kuchaghora malagho agha imbiri ya BWANA Mlungu wako, ‘Aba orekoghe Muarami omara-mara, nao ukasea Misri kukaia mghenyi omara-mara; orekwanyeghe na wandu wake watinieri, ela ukawuya mbari mbaa aho, iko na wandu wengi, wiko na kudima.

JOSHUA 24:3

Niko ngamsaghua ndeyo Abrahamu kufuma kwa ijo isanga, ngamruwusa kimonu cha Moda ghwa Eufrate na kumghenja aghadi ya isanga jose ja Kanaani, na kumneka kivalwa kingi. Ngamneka Isaaka,