ISAYA 51:10 - Biblia Ilagho Jiboie Kwa Wandu Wose

¹⁰ Welee, si oho kumoni koreomerieghe bahari, ee, agho machi ghimilie, hata kukabonya chia aghadi ya bahari kwa wundu ghwa wandu wako wikombolo anguwada?

ISAYA 51:10 Խաչաձեւ Հղումներ

ZABURI 106:10

Ukawikira na awo werewizamiagha; ukawivuvua kufuma kwa wamaiza wawo.

ZABURI 106:9

Orefunyireghe momu, Bahari ya Shamu ikaoma; ukawiisa andu korekoghe kumilie, seji ni kireti.

ZABURI 74:13

Korewaghanyireghe bahari kwa kudima kwako, kukavibara vongo va choka mbaa machinyi.

ZABURI 77:19

Koreghendieghe aighu ya bahari; kukaidia aghadi ya machi mengi; ela sena chwau rako ndererewonekieghe anduangi.

KUFUMA 14:29

Ela Waisraeli wereidieghe andu kuomie ghadi na ghadi ya bahari; machi ghikikaia sa wurigha chia ya mkonu ghwa kiwomi na chia ya mkonu ghwa kiwaka.

KUFUMA 15:13

Oho korewighenjere kwa lukundo lwako lwa loli, awo wandu korewikombueghe kumoni; oho korewilongozere kwa ndighi rako, hata andu kwako kokaia kuelie.

ISAYA 11:15

Na BWANA uchaghuomera putu mwanya ghwa bahari ya Misri, sena uchawetesha mbeo mbaa eomera, nayo ichaomera Moda ghwa Eufrate na kusighara meda mitini mfungade, idimagha kuruwukwa kwa maghu.

ISAYA 11:16

Kuchakaia na chia mbaa kufuma Ashuru, kwa wundu ghwa masighariko gha wandu wake Israeli, sa iji koni werekoghe nayo ngelo werefumagha isanga ja Misri.

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

ISAYA 35:9

Shimba ndeichaawoneka aho, hata nyamandu ibirie ndeichaakaia aho anduangi hata kuwoneka koni nderichaawoneka, ela awo wandu wikombolo wichaghenda na iyo chia.

ISAYA 42:15

Nichainona mighondi mibaa na mitini, na kuomera nyasi rose; nichaighalusa meda iwuye ikara, na kuomera viriwa.

ISAYA 43:16

BWANA, uo ubonyere chia baharinyi, ee, uo ubonyere andu koidia aghadi ya machi mengi,

ISAYA 50:2

Kwaki mndungi userekoghe iji nerechieghe? Na kwaki mndungi useredikieghe iji nerewangieghe? Welee, ndighi rapo reepungua nisedimagha kukombua? Angu welee, siwadie ndighi rekira? Olenyi ngaikemia bahari yadaoma; nani nadaomera meda hata andu kwaro kuwuye ikara. Samaki raro rasowa machi naro rafwa kwa kau na kuwoa.

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

MIKA 7:15

Diwonyere maza ra mashiniko seji korebonyereghe ingelo koredifunyagha isanga ja Misri.

ZEKARIA 10:11

Wikaida aghadi ya bahari ya wasi ghwawo; ini BWANA nichaikaba mivo-mivo ya bahari, na andu kumilie kose kwa Moda ghwa Naili kuchaoma. Waashuru wikukasire wichaserwa na mang'oni gha wandu wa Misri wichalaghasha ndighi rawo.