ISAYA 5:7 - Biblia Ilagho Jiboie Kwa Wandu Wose

⁷ Wandu wa Israeli niwo iyo mbuwa ya BWANA wa majeshi, na wandu wa Juda niwo ugho mzabibu ghuboie oreghuwaeghe; ukalola kuwona loli ikibonywa, ela wulalo ghwaro ukawona kifwa, ukalola kuwona mabonyo gha hachi, ela wulalo ghwaro ukasikira kililo.

ISAYA 5:7 Խաչաձեւ Հղումներ

KUZOYA 4:10

Aho BWANA ukamzera, “Kwabonya wada? Lwaka lwa bagha ya mwanyinyu lwawuyakema imbiri kwapo kufuma ndoenyi.

2 SAMUELI 7:10

Sena nichawisaghuya wandu wapo Israeli andu nichaawiwika, wipate kukaia andu kwawo koni wisechaasumbulwa ni mndungi sena; hata wandu wawiwi ndewichaawikoronga sena sa kala,

AYUBU 34:28

Washekerie wakiwa wikamlilia Mlungu, nao ukasikira kililo chawo.

ZABURI 147:11

ela BWANA wadaboilwa ni wandu wimuobuagha, awo wilusuwiriagha lukundo lwake lukatie.

ZABURI 149:4

BWANA wadaboilwa ni wandu wake; wadawibonya wandu wikuserie wineko ishima kwa kuwibonya wisime.

ZABURI 80:15

Choo kughukire ughu mzabibu koreghuwaeghe, ugho mzabibu mkoo koreghuzoghorieghe ghukawuya m'baa.

KUFUMA 3:7

Niko BWANA ukaghamba, “Namerie kuwona seji wandu wapo wawuyakorongwa andenyi ya isanga ja Misri; nasikire kililo chawo kwa wundu ghwa wanyapara wawo. Naichi wasi ghwawo,

MAKATANISHO 21:13

Mundu uleghagha kusikira kililo cha mkiwa, uo moni wori uchakema nao ndechaasikirwa ni mndungi.

MCHILI 4:1

Niko ngazighana sena, ngawona kusowa hachi kose kwawuyabonyeka wurumwengunyi. Wandu wikorongwaghwa na kulila, wisewadie mndungi owitesia. Wakorongi wawo weeka na ndighi aighu yawo; wisewadie mndungi owitesia.

LUMBO 7:6

Kwaghokie kwaki huwu mkundwa, kwafwano kwaki huwu; lukundo lwako luboie lookata putu.

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

ISAYA 1:6

Kufuma lwau lwako hata chongo, ndekuwadie wubanana ghungi; ela ni kuvonoka na vonda, na ngoru riruchagha; ndevioghoshero hata kufungwa, hata ndevishingilo mavuda anduangi.

ISAYA 27:2

Ngelo iyo, BWANA uchaghora aighu ya mzabibu ghwake:

ISAYA 3:14

BWANA wawitanya waghosi, na wabaa wa wandu wake wawizera, “Ni inyo mjie mbuwenyi ra mizabibu, vindo muwisokie wakiwa veko nyumbenyi konyu.

ISAYA 3:15

Yakaia wada inyo kuwiwonia wandu wapo na kuwikita wakiwa? Ini BWANA Mlungu wa majeshi naghamba.”

ISAYA 3:17

ini BWANA nichawikaba wai wa Jerusalemu na fwali ra chongo, na kughufunukua wuduu ghwawo.”

ISAYA 30:12

Kwa huwo, Mlungu Mweli wa Israeli waghamba huwu, “Kwa kukaia mwamenya malagho ghapo, na kurumiria andenyi ya makorongo na tee, hata mkusaghike naro;

ISAYA 46:12

“Nisikirenyi ini, inyo mkurilo ni ngolo, nisikirenyi inyo muko kula na kukia.

ISAYA 5:2

Oreilimieghe, ukafunya magho gherekoghe, ukawa mzabibu ghuboie; ukaagha mnara ghadi na ghadi ya ndoe, ukakota kina chekamia zabibu, ukaweseria upate zabibu riboie, ela ghukava zabibu ra isakenyi.

ISAYA 59:13

Dakukosere na kukukana ee BWANA, daghalukie na mbai dikalemwa ni kukunugha oho Mlungu odu. Dadedie wuwiwi dikakulegha, dikiririkanya mawiwi na kudeda malagho gha tee kufuma ngolonyi kodu.

ISAYA 59:14

Daiwikie na mbai iyo loli, na hachi ikakaia kula nesi; kwa kukaia loli yamerie kulaghashwa wandunyi, wuloli ndeghuwadie wulalo.

ISAYA 59:4

Ndekuwadie ungi onyu ughendagha kotinyi ukikaia na hachi, hata ndekuwadie ungi onyu ukaiagha mloli kwa sharia. Mwakusaghika kwa malagho gha duu, mkighora tee, mwachua mikalo emredia wuwiwi.

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

JEREMIA 12:10

Wabonyi nguma wengi wa kighenyi wamerie mbuwa yapo ya mizabibu, wikaiwadia na maghu ghawo, na kujibonya isanga japo jiboie jiwuye kireti kiduu.

JEREMIA 24:2

Kikapu chimu cherekoghe na tini riboie nandighi, sa tini ra imbiri razoya kuwurwa, ela chija kikapu chimu cherekoghe na tini rizamie nandighi, rizamie hata isedimikagha rijike.

JEREMIA 50:46

Ndoenyi kuchasughusika ngelo esikira kuwadwa kwa Babuloni, na kililo charo chichasikirika kwa iro mbari ra wandu.”

EZEKIELI 22:29

Waisanga weekuzaisira kukita na kusoka; wamkorongie mkiwa na uo usena kilambo chingi, na kumkita mghenyi kwa kumsoka hachi yake.

HOSEA 10:1

Wandu wa Israeli weeka sa mzabibu ghuvagha matunda kwa wungi. Ngelo wawuyachurikia kukaia nicha, niko wawuyachuria kuagha madhabahu mengi. Seji isanga jake jichuriagha kuva mavalo mengi, ni huwo wichurie kuagha nguro rake ra magho riboie retasa.

MIKA 6:12

Wazuri wako wa mali waawuyasoka wakiwa na inyo mmbose mooka watee.

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

HABAKUKI 1:3

Kwaki kunibonyagha niwoneghe makosa, na wasi? Naamarwa ni kunoneka na makorongo. Wuda na marashano ghachua kula andu.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

MATHAYO 23:23

“Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

LUKA 18:7

Welee, na Mlungu nao ndechaawitanyira hachi wasaghulwa wake wimliliagha kio na dime anguwada? Loli uchamuka kuwitesia?

JOHANE 15:2

Uo wadainja kula lumbashu andenyi kwapo lusevagha matunda, na kula lumbashu luvagha matunda wadaluboisa luchurie kuva matunda.

WUKUMBUSO 15:9

Kulindie kusekaie na maghesho gheleghamtesia angu mwaka ghwa mfungade gholekia sile ghuko kaavui, ukamlilia BWANA kwa wundu ghwako, ichakaia ni kaung'a kwako.

JAKOBO 5:4

Olenyi mafungu gha wadumiki wimlimie mbuwa, nenyo mwaghilegherie kwa mikalo, ghaawuyakema; na kililo cha awo wikuwidire, chasikirika kwa Bwana wa majeshi.