ISAYA 5:14 - Biblia Ilagho Jiboie Kwa Wandu Wose

¹⁴ Kwa huwo Andu kwa Wafu kwakaia na bea mbaa, kwatambarua momu ghwake kuwimila; wabaa wa Jerusalemu na wandu wawo wengi wasea aho, chiaimweri na wandu wake wengi wizumagha andenyi yaro.

ISAYA 5:14 Խաչաձեւ Հղումներ

ZABURI 49:14

Wawikilo kufwa karakara na ng'ondi; kifwa chichakaia mlisha wawo. Wandu wa hachi wichawibonyera nguma kafwani, mimbi yawo ichawoa, na andu kwa wafu kuchakaia muzi ghwawo.

ZABURI 55:15

Wamaiza wapo ndewifo imbiri ya ngelo yawo, wisee Andu kwa Wafu wimoo; wuwiwi ghoko mizinyi kwawo na ngolonyi kwawo.

MAKATANISHO 1:12

Nndokonyi diwimerie sa kumilwa wimoo ni Kaburi; sa awo wiserwagha kaburinyi.

MAKATANISHO 27:20

Andu kwa Wafu ndekukatwagha jingi, na wokoni bea ya mdamu ndeikatwagha jingi.

MAKATANISHO 30:16

Andu kwa Wafu, muka uko kolowi, ndoenyi kuomie kukundagha vua, na modo ghuhiagha ngelo rose.

ISAYA 14:11

Wubaa ghwako ghwaserwa hata Andu kwa Wafu, na chwaka ra vinubi vako wori; ming'ori niyo wuli ghwako, na vizi nivo brangeti wako.’

ISAYA 14:9

Andu kwa Wafu kwawuka kukwana na oho, ngelo kwaghenda aho ee Mzuri wa Babuloni; kwarinyavura roho ra awo wifue wikuroghuo. Awo wose werekoghe vilongozi va ndoenyi, kwawiwusira kufuma vifumbinyi vawo va nguma, awo wose werekoghe wazuri wa iro mbari ra wandu.

ISAYA 21:4

Nakambwa ni chongo, na kiture chaningia; ugho mwengere naghusuwiriagha, ghwaachawuya kusughusika.

ISAYA 24:8

Chwaka ra mayanga ranyamirishiro, na kuboilwa kwa wandu kwasirie; vinubi vawo na misherembe yawo vanyamirishiro.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

EZEKIELI 7:12

Ngelo yavika, ituku jakaia kaavui. Uo ughuagha useboilo, na uo uuzagha usekaie na wasi, angu machu ghapo ghichawichea wose.

DANIELI 5:30

Kio icho cheni, Belshazari mzuri wa Babuloni ukabwaghwa,

NAHUMU 1:10

Inyo wawongeri, mkeduaranganywa sa minjwa na matasa, mchakorwa na modo mmerelo.

HABAKUKI 2:5

Mali radakalia wandu. Wandu wa choyo wadakukasa nawo ndewina kuhora kungi. Ndewikatwagha jingi weeka sa kifwa. Iyo niyo shekeria wawuyasima kula mbari na kuwidwa wandu wunyika.

MATHAYO 7:13

“Ngienyi mkiidiria mnyango msuse. Angu mnyango ni mshapa, na chia eghenda kutotenyi yaangue; wandu nawo wiidiriagha aho ni wengi.

LUKA 17:27

Werejieghe, wikanywa, wikalowua, wikalowolwa, hata ituku jija Nuhu orengirieghe safinenyi, ikacha gharika na kuwitotesha wose.

LUKA 21:34

“Mkulindie, ngolo renyu risechechulwa ni lwafuo, kuwongia, na maza ra irangi iji; Ituku ijo jichemchea ghafla msemanyagha.