ISAYA 49:6 - Biblia Ilagho Jiboie Kwa Wandu Wose

⁶ Uo BWANA waghamba, “Kazi ewunja kichuku cha Jakobo na kutumbanya masighariko gha Israeli ni ndinieri ee mdumiki wapo; nichakubonya kukaie mwengere kwa iro mbari ra wandu, eri kukia kwapo kupate kukuvikia kutua kwa ndoenyi.”

ISAYA 49:6 Խաչաձեւ Հղումներ

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

2 WAZURI 20:10

Hezekia ukatumbulia, “Kwaangue kirerendi kughenda imbiri milambo ikumi kuchumba kuwuya nanyuma milambo ikumi.”

2 WAZURI 3:18

Elisha ukachuria kughora, “Iji ni ilagho itini putu kwa BWANA, na huwo sena ucham'bonya muwisime Wamoabu.

ZABURI 37:28

Angu BWANA wadakunda hachi, ndechaawisigha waeli wake. Uchadua ukiwilindia wahachi, ela kivalwa cha wawiwi chichainjwa.

ZABURI 67:3

Wandu ndewikukase oho ee Mlungu, wandu wose ndewikukase.

ZABURI 97:10

Awo wimkundagha BWANA, wizamilo ni kiwiwi; wadawilindia waeli wake, na kuwikira na wawiwi.

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 42:6

“Ini ne BWANA, nakuwangie kupate kubonya hachi, nakuwadie na kukumazira kwa mkonu ghwapo; nakufunyire kukaie ilaghano kwa wandu, na kukaia mwengere kwa iro mbari ra wandu.

ISAYA 45:22

“Nighalukienyi ini mpate kukia, inyo wandu wose wa ndoenyi; Angu Ini ne Mlungu hata ndekuwadie ungi mzima anduangi.

ISAYA 46:13

Kukia kwapo nakureda kaavui, hata ndekuko kula, nako ndekuchaamuka anduangi. Nichareda kukia Jerusalemu, na wubaa kwa Israeli.”

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

ISAYA 51:4

“Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 55:5

Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ISAYA 56:8

Bwana MLUNGU waghora huwu, uo uwitumbanyagha awo wandu wileghelo wa Israeli, “Nichareda kwako wandu wamu sena, kuchuria waja wimerie kutumbanywa.”

ISAYA 60:3

Mbari ra wandu richaghuchea mwengere ghwako, na wazuri wicharudwa ni kuela kwa kuwusirwa kwako.

ISAYA 62:11

Olenyi BWANA wamerie kughora hata kutua kwa ndoenyi, Ghorienyi muzi ghwa Jerusalemu, “Ola kukia kwako kwaawuyacha, na malipo gha Mlungu oko nagho kuwilipa wandu wake.”

JEREMIA 12:16

Na ichakaia, ingelo wichaakufunya kukufundisha chia ra wandu wapo, na kughema kwa irina japo ‘Sa iji Bwana uko moyo,’ wokoni seji werefundishireghe wandu wapo kughema kwa Baali, niko aho wichaamangishwa nicha aghadi ya wandu wapo.

MIKA 5:3

Kwa huwo BWANA uchawikumba Waisraeli mikonunyi kwa wamaiza wawo, hata ivike ngelo ya uo uchamva uo mwana, na wamzawo wiko wubarishonyi kuwadanishwa na wambao.

ZEKARIA 6:13

Uo nuo uchaaiagha Hekalu ya BWANA, nao uchanekwa ishima jewuya mzuri na kuwibonyera nguma wandu wake. Mkohani uchakaia kaavui nao ukikaia kifumbinyi cha kiwuzuri, nawo wichabonya kazi chiaimweri kwa wumboa na sere.’

ZEKARIA 8:22

Wandu wengi wa mbari ra wandu wiwadie ndighi, wichacha Jerusalemu kumtasa BWANA Uwadie-Ndighi-Rose na kulomba irasimio jake.

LUKA 2:32

Mwengere ghowilangalishira wandu wa mbari zima, na kwa wundu ghwa wubaa ghwa wandu wako Israeli.”

MABONYO GHA WADUMI 13:47

Angu niko Bwana udilaghirie ukighamba: ‘Nakuwika oho kukaie mwengere ghwa wandu wa mbari zima, eri kurede kukia ndoenyi kose.’”

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

MABONYO GHA WADUMI 26:23

seji suti Kristo utiriro, na seji ukikaia wa imbiri kuruka kufuma kwa wafu, uchaawichilia Wayahudi na wandu wa mbari zima mwengere ghwa kukia.”