ISAYA 49:23 - Biblia Ilagho Jiboie Kwa Wandu Wose

²³ Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 49:23 Խաչաձեւ Հղումներ

ISAYA 60:16

Mbari ra wandu na wazuri wichakulindia seji mreri ulelagha wana; na oho kuchamanya angu Ini BWANA ne Mkiri wako, sena ne Mkomboli wako Uo Uwadie Ndighi wa Jakobo.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

ISAYA 60:3

Mbari ra wandu richaghuchea mwengere ghwako, na wazuri wicharudwa ni kuela kwa kuwusirwa kwako.

MIKA 7:17

Wichaghala-ghala andonyi sa choka; wichafuma ngomenyi kwawo wikisughusika kwa wowa. Wichamghalukia BWANA Mlungu odu kwa kuobua.

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

WAROMA 10:11

Maandiko ghaghamba, “Mundu uo ose urumiriagha kwake ndechaafushwa waya anduangi.”

ZABURI 25:3

Mundu ukusuwiriagha oho, ndefushwagha waya jingi; ela wandu wa mikalo wichafushwa waya.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.

ISAYA 64:4

Kufuma kon kala uko ndekuwadie mndungi usikire, angu kuwona Mlungu ungi mzima sa oho uwibonyeragha maza awo wimsuwiriagha.

ISAYA 49:7

BWANA, uo Mkomboli na Mlungu Mweli wa Israeli wamzera huwu uo umenyekie na ndighi, uleghelo ni iro mbari ra wandu: nao ni mdumiki wa awo wibonyagha nguma. “Wazuri wichawona na kukuwukia kimusi, wabaa wichakughoghomia kwa ishima, kwa wundu ghwa BWANA, uo uko mloli na Mlungu Mweli wa Israeli orekusaghueghe oho.”

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ZABURI 34:22

BWANA wadawikombua wadumiki wake; ndekuwadie ungi wa awo wimkimbiriagha uchaatanywa anduangi.

1 PETRO 2:6

Angu yaandikilo: “Ola niawika igho aighu ya Sioni, igho ja mbembenyi, jisaghulo, ja zoghori mbaa; na uo ose uchaarumiria kwake, ndechaafushwa waya anduangi.”

WAROMA 9:33

seji iandikilo, “Ola niawika igho Sioni, ijo jichaawikuwara wandu; lwala ulo luchaawighusha, na uhu urumiriagha kwake, ndechaafushwa waya anduangi.”

ISAYA 62:2

Mbari ra wandu richawona hachi yako, na wazuri wichaghuwona wubaa ghwako; na oho kuchawangwa irina iwishi, jichaaghorwa ni BWANA moni.

MITALO 11:12

Kwani ni ini niwirudishire awandu wose? Ni ini nerewivaeghe hata kunizere wei niwidukeghe laghenyi kwapo seji mleli udukagha mwana uongagha, na kuwighenja ijo isanga korelaghirieghe kuchawineka weke ndee?

WAROMA 5:5

Na isuwirio ndejidifushagha waya; angu lukundo lwa Mlungu lwadirilo ngolonyi kodu kwa chia ya Roho Mweli uo dinekelo.

ISAYA 52:15

Kwa huwo uchawishinua wandu wa mbari nyingi, na wazuri wichanyama kima kwa wundu ghwake; angu wichawona iro maza wisereghoreloghe, na kuritambua iro maza wisererisikireghe anduangi.”

ZABURI 138:4

Wazuri wose wa ndoenyi wichakukasa oho ee BWANA, angu wisikire agho malagho kulaghirie.

ZABURI 68:31

Wadumwa wichacha kufuma Misri; Waethiopia ndewimlombe Mlungu wikiwusira mikonu yawo.

JOELI 2:27

Niko inyo Israeli mchamanya kukaia neko aghadi konyu, na kukaia ini BWANA ne Mlungu onyu hata mzima ungi ndeuko. Na jingi inyo wandu ndemchaafushwa waya sena anduangi.

ZABURI 69:6

Kusakesigha wandu wikusuwiriagha wifusho waya kwa wundu ghwapo ee Bwana MLUNGU wa majeshi; kusakesigha awo wikulolagha wisowelo ishima kwa wundu ghwapo, ee Mlungu wa Israeli.

KUZOYA 43:26

Nao iji Josefu wacha mzinyi, wikamsoghoria agho manosi weremdwaeghe, wikamghoghomia hata andonyi.

KUZOYA 27:29

Wandu ndewikudumikie, na mbari nderikughoghomie. Kukaie bwana aighu ya wanyinyu, na wana wa mayo ndewikughoghomie. Uo ose uchakuwasira njowe ndewado ni njowe; na uo ose uchaakurasimia oho, nderasimilo.”

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 14:2

Na wandu wa iro mbari wichawitesia wandu wa Israeli kuwuya isangenyi jawo, nawo wichakaia andenyi ya isanga werenekeloghe ni Mlungu. Waja wandu wichawuya wazumba wawo wa womi na wa waka; awo wandu weni werewidwaeghe wunyika, niwo weni sena wandu wa Israeli wichaawidwa wunyika na kuwibonyera nguma.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 29:22

Kwa huwo BWANA uo oremkombueghe Abrahamu waghora huwu aighu ya wandu wa Israeli: “Israeli ndeechaafushwa waya hata kughaluka wushu ghwake anduangi.

ISAYA 41:20

Wandu wichawona na kumanya, wizighane na kutambukilwa chiaimweri, kukaia ndighi ra BWANA niro rabonya agho, ee, Mlungu Mweli wa Israeli nuo ughibonyere.”

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 52:6

Kwa huwo wandu wapo wichanimanya ituku jija kukaia, ni Ini nidedagha, na ni Ini niko aha.”

EZEKIELI 37:6

Nani nichammbikiria chugha na mighenu, na kufinikira nyama aighu yaro na kummbikiria mrongo; nani nichamfuria miruke, nenyo mchakaia moyo; nenyo mchamanya kukaia ini ne BWANA.”

ISAYA 50:7

Kwa kukaia Bwana MLUNGU wadanitesia, niko niserefueghe waya anduangi ngawuya turugha na kukaia sa igho jikurie nani namanya angu sichaafushwa waya anduangi;

MATHAYO 25:16

Nao uja mdumiki orewusireghe talanto isanu ukafuma shwa wori ukashama naro, ukapata talanto zima isanu.