ISAYA 49:10 - Biblia Ilagho Jiboie Kwa Wandu Wose

¹⁰ ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

ISAYA 49:10 Խաչաձեւ Հղումներ

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 33:16

Uo mundu uchakaia banana, andu kuko na wulindiri ghukate sa ngome ya magho; uchanekwa vindo vake na machi ghake ghimkate.

ISAYA 35:6

mkelemeri ucharama-rama sa shaa, na kituri uchabora kwa kuboilwa. Kwa kukaia machi ghichabuka kireti, na ndoria ra machi richakaia andu kuomie;

ISAYA 35:7

msangagha ghuakaaka ghuchawuya kiriwa cha machi, na isanga jiomie jichabuka ndoria ra machi, andu korekailwagha ni mizozo kuchawuya ipara, na nyasi richakaia kilemba cha maria.

ISAYA 4:6

Ugho wubaa ghuchakaia sa kiju nadime eri mruke ghusekaie, nagho ghuchalindia ugho muzi na kughufinikira ghusepato ni vua na kiremba.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 41:17

“Iji wakiwa na awo wisowagha wakalola machi na kughisowa, na chumi rawo kuoma kwa kau, Ini BWANA nichawitumbulia, Ini Mlungu wa Israeli sichaawisigha wandu wapo anduangi.

ISAYA 43:19

Olenyi naawuyabonya ilagho iwishi jazoya kubonyeka; ndemmbuejiwona? Nichabonya chia kireti, na kumneka meda aho.

ISAYA 48:17

BWANA, uo Mkomboli wako, Mlungu Mweli wa Israeli waghora huwu: “Ini ne BWANA Mlungu wako, uo ukufundishagha kupate fwaida na kukulongoza kwa iyo chia ifwane kuighendie.

ISAYA 48:21

Iji orewighenjereghe kireti, ndewerewonieghe kau ingi; orebonyereghe machi ghifume ighonyi, orebarieghe igho, na machi ghikafuma.

ISAYA 51:14

Uo orefungiloghe kifungonyi, uchafungulwa shwa wori ndechaafwa na kuserwa Kinenyi hata ndechaasowa vindo anduangi.

ISAYA 52:12

Kwa kukaia ndemchaafuma kwa shwa-shwa hata ndemchaakimbia, Angu BWANA uchamkiria imbiri konyu, uo Mlungu wa Israeli uchakaia mlindiri onyu nanyuma.

ISAYA 54:10

Mighondi mibaa na mitini yadima kuinjwa, ela lukundo lwapo lukatie ndeluchaainjwa kwako, na ilaghano japo ja sere sichaajiinja. Naghamba ini BWANA, uo ukuwoniagha wughoma.

ISAYA 54:8

Kwa kapindi katini serekuzighanireghe ngikaia na machu mengi, ela kwa lukundo lwa kala na kala, nichakaia na wughoma aighu yako; naghamba ini BWANA, Mkomboli wako.

ISAYA 58:11

Na ini BWANA nichakughenja kari kose, na kukukatishira bea rako kwa vindo vicha vose; na kukubonya kukaie na ndighi sa mbuwa inyoshero machi na ndoria ya machi ghisesiagha.

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

EZEKIELI 34:23

Nani nichawika mlisha umweri aighu yawo, sa mdumiki wapo Daudi, nao ucharilisha, na kuwuya mlisha wawo.

JONA 4:8

Iji iruwa jabuka, Mlungu ukareda mbeo ya mruke ifumagha cha mashariki, na Jona ukakabwa ni iruwa ja chongo hata ukadumbuka; ukalomba ufo ukaghamba, “Ni baa nifo, kuchumba kukaia moyo.”

MIKA 7:14

Lisha wandu wako kuwisaghue kumoni BWANA. Hata ngera wakaie wisasarikie noko cha kireti, jeko isanga jinorie jiwimare mbai mbai. Wisighe wije malisho ghinorie gha Bashani na Gileadi seji werebonyagha kala.

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

JOHANE 6:35

Jesu ukawizera, “Ini nuo mkate ghwa irangi, uo uchagha kwapo na jingi ndechaawona njala, na uo ose urumiriagha kwapo na jingi ndechaaoma anduangi.