ISAYA 48:2 - Biblia Ilagho Jiboie Kwa Wandu Wose

² Mwadakuwanga mmbeni wana wa muzi ghwa wueli, na kukusaghika kwa uo Mlungu wa Israeli; uo irina jake ni BWANA wa majeshi.

ISAYA 48:2 Խաչաձեւ Հղումներ

NEHEMIA 11:1

Vilongozi va wandu werekoghe wikikaia Jerusalemu, na wandu wazima wose wikakaba kura wipate kinyumba chimweri aghadi ya vinyumba ikumi vikaie Jerusalemu ugho muzi ghwa wueli, na vinyumba ikenda kwa ikumi wikaieghe andenyi ya mizi mizima.

NEHEMIA 11:18

Walawi wose werekoghe andenyi ya muzi ghwa Jerusalemu muzi ghwa wueli maghana awi na mirongo wunyanya na bana.

ZABURI 48:1

BWANA ni m'baa, wafwana ukaso nandighi mzinyi kwa Mlungu odu, aighu ya mghondi ghwake ghwa wueli.

ZABURI 87:3

Malagho mecha ghaghorwa aighu yako, ee muzi ghwa Mlungu.

ISAYA 10:20

Ngelo iyo, masighariko gha wandu wa Israeli, awo wikirie wa kivalwa cha Jakobo, ndewichaakusaghika na iyo mbari ya wandu erewikabieghe, ela wichakusaghika na BWANA, Mlungu Mweli wa Israeli kwa loli.

ISAYA 47:4

Irina ja Mkomboli odu ni BWANA wa majeshi, Mlungu, Mweli wa Israeli.

ISAYA 51:13

hata kumliwe BWANA Muumbi wako uo ubonyere mlungunyi, na kuwika msingi ghwa ndoenyi, na oho kodemuobuagha mkorongi wako matuku ghose ngelo kwammbona wakuwika tayari kukutotesha? Agho machu gha mkorongi wako ghekutotesha ghiao?

ISAYA 51:15

“Ini ne BWANA Mlungu wako, uo uinyavuragha bahari hata mivo-mivo yaro irurume; irina japo ni BWANA wa majeshi.

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

JEREMIA 10:16

Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.

JEREMIA 21:2

“Kukotie BWANA kwa wundu ghodu, kwa kukaia Nebukadnezari mzuri wa Babuloni waawuyabonya wuda nesi, kewada BWANA uchadibonyera mabonyo ghake gha mashiniko, upate kudiinjikia.”

JEREMIA 44:26

Kwa huwo sikirenyi seji ini BWANA nighambagha konyu inyo mmbose wandu wa Juda mkaiagha isanga ja Misri: Olenyi naghemie kwa irina japo ibaa, kukaia, irina japo ndejichaatumilwa sena ni mndungi wa Juda aha Misri ukighamba, ‘Naghema kwa BWANA ukaiagha moyo.’

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MATHAYO 27:53

wikafuma makaburinyi kwawo nyuma ya Jesu kuruka kufuma kwa wafu, wikaghungia ugho Muzi ghwa Wueli wikawifutukia wengi.

MATHAYO 4:5

Nao Ibilisi ukamdwa Jesu hata Jerusalemu ghuja muzi ghwa wueli; ukammbika koighu hekalunyi,

WAROMA 2:17

Ela ngera kwakuwanga Myahudi, na kukusaghika kwa Sharia, na kukukasa kwa uko kummanya Mlungu kwako,

WUFUNUO 11:2

Ela kuseipime iyo waza iko shighadi ya hekalu, kuseipime; angu yamerie kunekwa iro mbari, nawo wichaghuwadia-wadia ugho muzi ghwa wueli kwa meri mirongo ina na iwi.

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.

WUFUNUO 22:19

Na mndungi ukainja ilagho jingi ja wulodi ghwa chuo ichi, Mlungu uchainja iwaghio jake ja ugho mudi ghwa irangi, na jekaia andenyi ya ugho muzi ghuelie; seji ghighorelo andenyi ya chuo ichi.

WATANYI 17:13

Niko Mika ukaghamba, “Idana namanya angu BWANA uchanibonyera nicha, kwa kukaia nekwanye na Mlawi uko kwa mikonu ya mkohani.”