ISAYA 45:25 - Biblia Ilagho Jiboie Kwa Wandu Wose

²⁵ Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 45:25 Խաչաձեւ Հղումներ

1 WAZURI 8:32

kusikire aho kwako mlungunyi ee BWANA, kuwitanye wadumiki wako. Kumkabe mkosi seji imfwane, na kumlekeria uo usewadie ikosa.

1 MALAGHO GHA NGELO 16:13

Ee kivalwa cha Abrahamu mdumiki wake, wana wa Jakobo, wasaghulwa wake!

ZABURI 22:23

Inyo mumuobuagha BWANA, mkasenyi; inyo mmbose kivalwa cha Jakobo, mnekenyi wubaa; mmbukienyi kimusi kwa ishima inyo mmbose wandu wa Israeli.

ZABURI 64:10

Wandu wa hachi ndewimzumie BWANA, na kumkimbiria; wandu wecha wose ndewikase.

ISAYA 26:2

Rughuonyi mbenge raro, eri iyo mbari ya hachi, iyo ijiwadiagha ijo irumirio, ipate kungia.

ISAYA 28:5

Ngelo iyo, BWANA wa majeshi uchawuya nuo kirumbu cha wubaa, na kiremba chiboie kwa masighariko gha wandu wake;

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 45:17

Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 45:19

Sereghorieghe kivisonyi andenyi ya isanga ja kirenyi; serechizerieghe kivalwa cha Jakobo winilole duu. Ini BWANA nadaghora loli, na kufunukua agho ghiko gha hachi.”

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

ISAYA 50:8

angu uo unidederiagha oko kaavui. Nani unishitakiagha? Ndewuke kimusi didede. Nani m'maiza wapo aha? Ndesoghode dikwane.

ISAYA 53:11

nao uchawona matunda gha wasi ghwa roho yake na kukatwa; kwa wundu ghwa kumanya kwa hachi yake, mdumiki wapo uchawibonya wengi kutalwa kukaia na hachi, nao uchaduka mawiwi ghawo.

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

ISAYA 61:9

Kivalwa chawo chichamanyika kwa iro mbari ra wandu, ee, wana wawo wichamanyika aghadi ya wandu; wandu wose wichaawiwona, wichawitambua kukaia ni awo wandu BWANA uwirasimie.”

ISAYA 65:23

Ndewichaabonya kazi ya duu, hata wana wawo wichaawiva ndewichaapatwa ni mawiwi ghangi, angu wichakaia kivalwa chirasimilo cha BWANA andwamweri na wana wawo.

ISAYA 65:9

Nichareda kivalwa cha Israeli na cha Juda, wandu wa ifwa ja iyo mighondi yapo, awo wasaghulwa wapo wichajipata ijo ifwa, na wadumiki wapo wichakaia aho.

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

JEREMIA 4:2

kwadima kughema kwa irina japo, ‘Sa iji BWANA ukaiagha moyo,’ kwa wuloli, na kwa hachi, na kwa ngolo ya loli; na iro mbari ra wandu richanilomba irasimio na kunikasa ini.”

MABONYO GHA WADUMI 13:39

na kwa chia yake, uo ose urumiriagha, wafungulwa kufuma kaung'enyi rose iro mseredimieghe kutana naro kwa Sharia ya Musa.

WAROMA 4:16

Ni kwa wundu ughu ilaghiro jamangishwa ni irumirio, eri ijo ilaghiro jihakikishiro jikaie kwa mvono, kwa kivalwa chose cha Abrahamu. Si kwa awo wiiwadiagha Sharia wiekeri, ela na awo wori wiko na wungara na ijo irumirio ja Abrahamu; angu uo nuo aba odu isi diwose

WAROMA 5:1

Idana angu dameria kutalwa kukaia na hachi kwa irumirio, deko na sere na Mlungu kwa chia ya Bwana odu Jesu Kristo.

WAROMA 8:1

Kwa huwu idana, ndekuwadie kutanywa kungi kwa awo wiko andenyi ya Kristo Jesu.

WAROMA 8:30

Na awo Mlungu orewisaghueghe, awo ukawiwanga, ukawitala kukaia na hachi, na awo orewitalieghe kukaia na hachi, awo wori ukawineka wubaa.

1 WAKORINTHO 1:31

Kwa huwo, sa iji koni iandikilo, “Uo ukukasagha, ndekukase na Bwana.”

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

2 WAKORINTHO 10:17

“Uhu ukukasagha ndekukase na Bwana.”

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAGALATIA 6:14

Ela ini, nisekukase na kindo chingi, isaakaia ni ugho msalaba ghwa Bwana odu Jesu Kristo; kwa ugho, wurumwengu ghwasulubishiro kwapo, na ini kwa wurumwengu.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;