ISAYA 45:21 - Biblia Ilagho Jiboie Kwa Wandu Wose

²¹ Choonyi mghore mashitakio ghenyu worinyi, wipate kughibonyera njama chiaimweri. Nani oreghighorieghe agha konkala uko, nani oreghifunukueghe kokala, Welee, si ini moni BWANA? Hata ndekuwadie mlungu ungi mzima kuchumba ini, Mlungu wa hachi na Mkiri, ndekuwadie ungi kunichumba Ini putu.

ISAYA 45:21 Խաչաձեւ Հղումներ

ZABURI 26:7

Nabora lumbo lofunya chawucha, na kughora malagho gha mabonyo ghako ghose gha mashiniko.

ZABURI 83:18

Kuwibonye wimanye kukaia ni oho kuekeri kuwangwagha BWANA; M'bonyi nguma m'baa ndoenyi kose.

ZABURI 96:10

Righorienyi mbari rose, “BWANA ni Mzuri; ndoenyi koowikwa andu kwaro, kusedimagha kunyavurika; uchawitanya wandu kwa hachi.”

ISAYA 19:20

Ichakaia alama na wushahidi kwa BWANA wa majeshi andenyi ya isanga ja Misri; nawo wikamkemia BWANA kwa wundu ghwa wakorongi, uchawidumia mkiri, nao uchawilindia na kuwikira.

ISAYA 41:26

Nani oreghighorieghe agha kufuma koicho eri dipate kughimanya angu ughilodere imbiri ya ngelo nesi dighambe, ‘Waghorie loli?’ Ndekuwadie ungi ughorie, hata ndekuwadie ungi usikire malagho ghenyu.

ISAYA 43:11

“Ini, ee, ini ne BWANA; ndeuko mkiri ungi mzima kuchumba ini anduangi.

ISAYA 43:3

Angu ini ne BWANA Mlungu wako, Mlungu Mweli wa Israeli, Mkiri wako. Nichafunya Misri ikaie wukomboli ghwako, na Ethiopia na Seba nichaifunya kwa wundu ghwako.

ISAYA 43:9

Mbari rose ra wandu nderikwanyike chiaimweri, wandu ndewikwanyike chiaimweri. Nani ungi aghadi kwawo udimagha kujighora ilagho iji, upate kudiwonyera maza richagha? Ndewirede mashahidi ghawo ghewipatira hachi, Nawo wisikire na kughora wisikire na kughora, Ni loli.

ISAYA 45:14

BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 45:18

BWANA, uo oreumbieghe mlungunyi, (nao nuo Mlungu!) uo orebonyereghe ndoenyi na kuiumba, (hata ndereiumbieghe ikaie nduu, ela ipate kukailwa ni wandu!) uo waghamba huwu: “Ini ne Mlungu, hata ndekuwadie mzima ungi anduangi.

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 45:5

“Ini ne BWANA, hata ndekuwadie mlungu ungi mzima kuchumba ini anduangi. Nichakuneka ndighi, hata ngera oho ndekuniichi;

ISAYA 48:14

“Kwanyikenyi inyo mmbose msikire, nani aghadi ya milimu yenyu, udimie kughora agho malagho ghichagha? Ini BWANA namkunde Koreshi, nao uchakatisha mpango ghwapo aighu ya Babuloni kwa ndighi rapo uchawikaba Wakaldayo.

ISAYA 48:3

Mlungu waghamba, “Neremghorieghe maza ra kala, kokala uko. Nereghighorieghe kwa momu ghwapo na kughibonya ghimanyike, nagho ghikabonyeka na kuwoneka shwa wori.

ISAYA 60:16

Mbari ra wandu na wazuri wichakulindia seji mreri ulelagha wana; na oho kuchamanya angu Ini BWANA ne Mkiri wako, sena ne Mkomboli wako Uo Uwadie Ndighi wa Jakobo.

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

JEREMIA 50:2

“Ghoria iro mbari kughambe, wusira kiweto kughore, hata kusesighe ilagho jingi: ‘Babuloni wameria kuwadwa Mlimu Beli ghwamerie kufushwa waya. Ugho mlungu Merodaki ghwakambwa ni chongo. Milimu yake yameria kufushwa waya, fwana rake rakambwa ni chongo.’

HOSEA 13:4

BWANA waghamba, “Ini ne BWANA Mlungu wako nikufunyire kufuma isanga ja Misri. Ndekuwadie Mlungu ungi mzima ela ini moni, ndekuwadie mkiri ungi mzima kunichumba ini.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

ZEKARIA 14:7

hata kira. Kuchakaia na mwengere hata nakio. BWANA uekeri nuo uchaamanya maza iri.

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MABONYO GHA WADUMI 15:18

waghamba Bwana, uo oreghibonyereghe malagho agha ghimanyike kufuma kala.’