ISAYA 45:19 - Biblia Ilagho Jiboie Kwa Wandu Wose

¹⁹ Sereghorieghe kivisonyi andenyi ya isanga ja kirenyi; serechizerieghe kivalwa cha Jakobo winilole duu. Ini BWANA nadaghora loli, na kufunukua agho ghiko gha hachi.”

ISAYA 45:19 Խաչաձեւ Հղումներ

1 MALAGHO GHA NGELO 28:8

“Kwa huwo idana inyo wandu wapo, namlaghira imbiri ya Mlungu na iji ikwanyiko ja wandu wose wa Israeli, muinughe na kuiwadia memu yose ya BWANA Mlungu onyu, mpate kujiwusa iji isanga jiboie, nenyo mpate kujisighia wana wenyu nyuma yenyu jikaie ifwa ja kala na kala.

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

2 MALAGHO GHA NGELO 7:14

wandu wapo winitasagha wikakusera na kulomba, wikinilola na kuhea mawiwi ghawo, nichasikira aighu mlungunyi, na kuwifuya wughoma kaung'a yawo, na kujibonya isanga jawo jikaie nicha.

EZRA 8:22

Nerefueghe waya kumlomba mzuri wei udineke ijeshi ja masikari na wajoki farasi wedilindia na wamaiza chienyi, kwa kukaia nerekoghe namzera mzuri huwu kukaia Mlungu odu wadawirasimia awo wose wimrumiriagha, ela wadazamilwa na kuwikaba awo wose wimleghagha.

ZABURI 12:6

Malaghiro gha BWANA ni gha loli, gheeka sa feza ieleshero kwa modo mando mfungade.

ZABURI 24:6

Wandu sa awo niwo wimlolagha BWANA; niwo wilolagha kummbona Mlungu wa Jakobo.

ZABURI 69:13

Ela ini nadakulomba oho ee BWANA, kunitumbulie ngelo irumirikie kwako. Kunitumbulie kwa lukundo lukatie ee Mlungu, angu koko mloli.

ZABURI 69:32

Awo wikorongelo, wichawona na kuboilwa; inyo mumlolagha Mlungu, mkaisho moyo.

ZABURI 78:34

Iji orewibwaghieghe wamu, awo weresigharikieghe wikahea na kumlola Mlungu kwa loli.

ZABURI 9:10

Na awo wikuichi wadakusaghika kwako, angu oho ee BWANA ndekuwisighie awo wikulolagha anduangi.

MAKATANISHO 1:21

wawanga aighu mawurighenyi; wadeda mbengenyi andu kongiria mzinyi:

MAKATANISHO 15:8

Vizongona va mmbiwi vadamzamia BWANA, ela ilombi ja mundu mucha jadam'boia.

MAKATANISHO 30:5

“Mlungu wadakatisha kula ilaghiro jake. Uo ni ngao kwa wose wikusaghikagha kwake.

MAKATANISHO 8:6

Sikirienyi, nichadeda malagho mabaa, na kwa momu ghwapo nichaghora malagho gha hachi.

ISAYA 1:15

Mkaghorua mikonu yenyu kunilomba, sichaamzighana; hata mkalomba malombi mengi, sichaaghisikira anduangi; kwa kukaia mikonu yenyu eechua bagha.

ISAYA 43:12

Naereshere, ngakira, sena ngawonyera, ingelo mlungu ghungi ghwa kighenyi ghuserekoghe konyu; nenyo moko washahidi wapo; waghamba BWANA.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 45:23

Naghemie kwa ini nimoni kukaia, ilagho japo ja hachi ndejichaaghosha; jighambagha, ‘Kula mundu uchanidungia ngokoro, na kughema kwa momu ghwake imbiri kwapo.’

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 48:16

Idana soghodenyi kaavui na ini msikire, kufuma kuzoenyi ini sighorie kwa ngasu; hata ingelo ghicheebonyeka, ini nerekoghe aeni.” Na idana Bwana MLUNGU wamerie kuniduma kwa wulongozi ghwa Roho wake.

ISAYA 63:1

Nani uhu ufumagha Bosra muzi ghwa Edomu uko na nguwo ritinikie righokie ra wubaa, sena uwadiagha kwa wubaa ghwa ndighi rake? “Ni ini BWANA niereshagha hachi yapo, niko na ndighi rekira.”

ISAYA 65:9

Nichareda kivalwa cha Israeli na cha Juda, wandu wa ifwa ja iyo mighondi yapo, awo wasaghulwa wapo wichajipata ijo ifwa, na wadumiki wapo wichakaia aho.

ISAYA 8:19

Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

AMOSI 5:4

BWANA Mlungu wawizera wandu wa Israeli huwu: “Nilolenyi mpate kukaia moyo.

JOHANE 18:20

Jesu ukamtumbulia, “Ini nerekoghe ngighora malagho worinyi kwa wandu wose, na kufundisha andenyi ya masunagogi, na Hekalunyi andu Wayahudi wose wikwanagha, hata na jingi sidedie ilagho jingi kivisonyi anduangi.

JOHANE 7:26

Zighanenyi hoyu wawuyadeda worinyi, nawo ndewiwueghora ilagho jingi aighu yake anduangi; kewada na wabaa wemmanya mundu uhu kukaia Kristo anguwada?

JOHANE 7:28

Jesu ukaghora kwa lwaka lubaa iji orekoghe ukifundisha Hekalunyi, “Loli mwaniichi, na andu nifumagha mwakumanya? Ini sichee kwa nguma rapo ini moni anduangi, ela uo orenidumieghe ni mloli, na inyo ndemumwichi anduangi.

WUKUMBUSO 29:29

“Iro maza rivisikie ni ra BWANA Mlungu odu; ela iro rifunukulo, ni redu na wana wedu kwa kala na kala; eri dipate kubonya maza rose ra sharia ihi.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

JAKOBO 4:3

Mwalomba ela ndempatagha, angu mwaawuyalomba kisha, mpate kuvitumia kwa bea renyu.