ISAYA 45:17 - Biblia Ilagho Jiboie Kwa Wandu Wose

¹⁷ Ela Israeli wadakirwa ni BWANA kwa kukia kwa kala na kala; nawo ndewichaafushwa waya hata kukambirwa chongo anduangi.

ISAYA 45:17 Խաչաձեւ Հղումներ

ZABURI 103:17

Ela lukundo lwa BWANA lwadua kufuma kala hata kwa kala, kwa awo wimuobuagha, na wucha ghwake ghwadua kwa vivalwa vawo vose,

ZABURI 25:3

Mundu ukusuwiriagha oho, ndefushwagha waya jingi; ela wandu wa mikalo wichafushwa waya.

ISAYA 12:2

“Ola Mlungu nuo kukia kwapo, nichamrumiria hata sichaaobua anduangi; kwa kukaia BWANA Mlungu nuo ndighi na lumbo lwapo, nao nuo kukia kwapo.”

ISAYA 26:4

Kumrumirie BWANA matuku ghose, angu BWANA MLUNGU ni mbanga ya kala na kala.

ISAYA 29:22

Kwa huwo BWANA uo oremkombueghe Abrahamu waghora huwu aighu ya wandu wa Israeli: “Israeli ndeechaafushwa waya hata kughaluka wushu ghwake anduangi.

ISAYA 33:6

BWANA uchakaia kumanga konyu ngelo renyu rose; uchakaia kukia konyu kwa wungi, hikima na kumanya; mali renyu richakaia ni uko kumuobua BWANA.

ISAYA 45:25

Wandu wose wa kivalwa cha Israeli wiko andenyi yapo ini BWANA, wichasima na kupata wubaa.”

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 50:7

Kwa kukaia Bwana MLUNGU wadanitesia, niko niserefueghe waya anduangi ngawuya turugha na kukaia sa igho jikurie nani namanya angu sichaafushwa waya anduangi;

ISAYA 51:6

Wusirenyi meso mzighane cha mlungunyi, zighanenyi cha ndoenyi nakosi; kwa kukaia kuchainjika sa mosi, na ndoenyi kuchaghosia sa nguwo. Wandu wikaiagha andenyi yaro wichafwa sa shimandu, ela kukia kwapo kuchadua kwa kala na kala, na hachi yapo ndeichaasia anduangi.

ISAYA 51:8

Angu awo wichajighwa seji soya ijagha nguwo, na seji vivunyu vijagha sufu; ela hachi yapo ichadua kwa kala, na kukia kwapo kuchakaia kwa vivalwa vose.”

ISAYA 54:4

“Kusakeobua, kwa kukaia ndekuchaafwa waya; kusekambo ni chongo, kwa kukaia ndekuchaafushwa waya; angu kuchaliwa waya ghwa wurika ghwako, na masholio gha wuka wukiwa ghwako ndekuchaaghikumbuka sena anduangi.

ISAYA 54:8

Kwa kapindi katini serekuzighanireghe ngikaia na machu mengi, ela kwa lukundo lwa kala na kala, nichakaia na wughoma aighu yako; naghamba ini BWANA, Mkomboli wako.

ISAYA 60:19

“Iruwa ndejichaakaia mwengere ghwako ngelo ya nadime, hata mori ndeghuchaakaia mwengere ghwako ngelo ya nakio anduangi; ela ini BWANA nichakaia mwengere ghwako ghwa kala na kala, na ini Mlungu wako nichakaia nuo wubaa ghwako.

JEREMIA 31:3

nerewifutukieghe kufuma kula. Neremkundeghe kwa lukundo lwa kala na kala, niko huwo nadua ngikaia mloli konyu.

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

HOSEA 1:7

Ela nichafuya wandu wa Juda wughoma na kuwikira kwa wundu ghwa BWANA Mlungu wawo, hata si kwa ndana angu kwa lufu, si kwa wuda ghwa farasi na wajoki farasi anduangi.”

JONA 2:9

Ela ini nichakufunyira kizongona cha makaso na chawucha, na kufunya malipo gha ilaghiro nerebonyereghe kwako; kukia kwadafuma kwa BWANA.”

ZEFANIA 3:11

Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli.

JOHANE 10:28

Nani narineka irangi ja kala na kala, hata na jingi nderichaatota, sena ndekuwadie mndungi uchaanisoka mkonunyi kwapo anduangi.

JOHANE 5:24

“Namghoria loli, uo ose usikiragha ilagho japo, na kumrumiria Uo orenidumieghe, oko na irangi ja kala na kala; nao ndengiagha kutanyonyi anduangi, ela wameria kuida kufuma kifonyi na kungia iranginyi.

JOHANE 6:40

Angu ijo ujikundagha Aba nijo iji: kula mundu ummbonagha Mwana na kurumiria kwake, ukaieghe na irangi ja kala na kala. Na ini nichamrukisha Ituku ja kutua mbai.”

WAROMA 10:11

Maandiko ghaghamba, “Mundu uo ose urumiriagha kwake ndechaafushwa waya anduangi.”

WAROMA 11:26

kwa huwu Waisraeli wose wichakia, sa iji iandikilo, “Mkiri uchacha kufuma Sioni nao uchaghuinja wuwiwi ghwa Jakobo

WAROMA 8:1

Kwa huwu idana, ndekuwadie kutanywa kungi kwa awo wiko andenyi ya Kristo Jesu.

WAROMA 9:33

seji iandikilo, “Ola niawika igho Sioni, ijo jichaawikuwara wandu; lwala ulo luchaawighusha, na uhu urumiriagha kwake, ndechaafushwa waya anduangi.”

2 WATHESALONIKE 2:16

Idana Bwana odu Jesu Kristo moni, na Mlungu Aba odu, uo oredikundieghe na kudineka wuhoreshi ghwa ngolo kwa kala na kala, na isuwirio icha, kwa chia ya mvono;

WAEBRANIA 5:9

nao umeria kukatishwa, ukawuya kuzoya kwaro kuja kukia kwa kala na kala, kwa awo wose wimsikiragha;

1 PETRO 2:6

Angu yaandikilo: “Ola niawika igho aighu ya Sioni, igho ja mbembenyi, jisaghulo, ja zoghori mbaa; na uo ose uchaarumiria kwake, ndechaafushwa waya anduangi.”

1 JOHANE 4:15

Uo ose urumiriagha kukaia Jesu ni Mwana wa Mlungu, Mlungu wadakaia andenyi kwake, na uo wadakaia andenyi ya Mlungu.