ISAYA 45:14 - Biblia Ilagho Jiboie Kwa Wandu Wose

¹⁴ BWANA waghamba huwu kwa Israeli, “Nichakuneka mali ra Misri, na biashara ra Ethiopia richawuya rako. Waja wandu walacha wa Seba wichakuchea, nawo wichawuya wazumba wako; wichakuchea wifungilo na minyororo, nawo wichakughoghomia. Wichakulalamia wikighamba, ‘Ni oho kuekeri kuko na Mlungu, hata ndekuwadie Mlungu ungi mzima kuchumba uo.’”

ISAYA 45:14 Խաչաձեւ Հղումներ

KUZOYA 27:29

Wandu ndewikudumikie, na mbari nderikughoghomie. Kukaie bwana aighu ya wanyinyu, na wana wa mayo ndewikughoghomie. Uo ose uchakuwasira njowe ndewado ni njowe; na uo ose uchaakurasimia oho, nderasimilo.”

2 SAMUELI 21:20

Wuda ghumu ghukabuka sena aja Gathi, aho korekoghe na mundu mlacha nandighi, mikonu yake erekoghe na vala virandadu kula ghumu, na mano arandadu kula lwau; vose ni mirongo iwi na vina; nao moni orekoghe wa kivalwa cha majitu.

ESTA 8:17

Andu kose itangazo ja mzuri jerevikieghe kula isanga na kula muzi werechuloghe ni kuboilwa na kuzuma, wikabonya karamu na kuhora. Hata wandu wengi wikakughalua kukaia Wayahudi, angu werewiobueghe loli-loli.

AYUBU 1:15

Waseba wikacha na kudingiria; wikarikaba ng'ombe na punda wikaenda naro; wikabwagha wadumiki kwa lufu; naafufunuka ini moni niekeri nichekughoria.”

AYUBU 11:19

Kuchalala, na mndungi ndechaakuturusa; wandu wengi wichakulomba wutesia.

ZABURI 149:6

Ndewimkase Mlungu kwa chwaka ra ighu, wiko na chufu rikalie mikonunyi kwawo

ZABURI 149:8

wiwifunge wazuri wawo na minyororo na wandu wawo wa ishima; wiwifunge na pingu ra chuma,

KUFUMA 11:8

Na awa wadumiki wako wose wichacha na kunighoghomia wikighamba, ‘Fuma noko na wandu wako mghende.’ Niko aho nichaghenda.” Musa ukafuma kwa Farao wajokwa ni machu mabaa loli-loli.

ISAYA 10:33

Zighanenyi Bwana, Uo BWANA wa majeshi uchawidema-dema sa mbashu ra midi kwa ndighi rake reobosha; na uo ukujosere na kukaia ighu uchaserwa.

ISAYA 18:1

Sikirenyi mrumo ghwa mawawa ghuko kimonu cha meda ya Ethiopia.

ISAYA 18:7

Ngelo iyo, awo wandu walacha widendere wichareda manosi kwa BWANA wa majeshi; awo wandu wiobolwagha kula na kaavui; iyo mbari ya wandu wiwadie ndighi, isimagha, na isanga jake jiwaghilo ni meda, wichamredia manosi Mghondinyi ghwa Sioni, andu irina ja BWANA wa majeshi jitaswagha.

ISAYA 19:21

BWANA uchakumanyisha moni kwa Wamisri, nawo wichammanya na kumtasa BWANA wikifunya vizongona vekora, nawo wichabonya maghemi kwa BWANA na kughikatisha.

ISAYA 19:22

Na BWANA uchaikaba Misri, ukikaba na kuboisa; nawo wichamghalukia BWANA, nao uchasikira kuvoya kwawo na kuwikira.

ISAYA 23:18

Biashara rake na mafungu ghake ghupatagha ghichawikwa wakfu kwa BWANA. Ndeghichaawikwa akiba angu kungirwa malinyi, ela mali yaro ichatumilwa kureda vindo kwa wungi, na nguwo riboie kwa awo wimuobuagha BWANA.

ISAYA 43:3

Angu ini ne BWANA Mlungu wako, Mlungu Mweli wa Israeli, Mkiri wako. Nichafunya Misri ikaie wukomboli ghwako, na Ethiopia na Seba nichaifunya kwa wundu ghwako.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 45:24

“Wandu wichaghora kukaia, hachi na kudima radafuma kwapo ini BWANA, wose wilwagha nani wichacha wikifwa waya.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 54:3

Angu kuchashabuka nandighi, chia ya mkonu ghwa kiwomi na ghwa kiwaka. Kivalwa chako chichawada isanga jawo jerekailoghe ni iro mbari ra wandu, na mizi yaro ichachua wandu.

ISAYA 55:5

Ola, kuchawanga mbari ra wandu kusewiichi, na iro mbari ra wandu wiserekumanyireghe, wichakukimbiria; kwa wundu ghwapo ini BWANA Mlungu wako, Mlungu Mweli wa Israeli; angu namerie kukuneka wubaa.”

ISAYA 60:3

Mbari ra wandu richaghuchea mwengere ghwako, na wazuri wicharudwa ni kuela kwa kuwusirwa kwako.

ISAYA 61:9

Kivalwa chawo chichamanyika kwa iro mbari ra wandu, ee, wana wawo wichamanyika aghadi ya wandu; wandu wose wichaawiwona, wichawitambua kukaia ni awo wandu BWANA uwirasimie.”

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

EZEKIELI 23:42

Ndoghoi ya izungu ja wandu wisetalagha eresikirikieghe kwawo, na wawongeri wereredeloghe kufuma kireti, wikawirusha awo wana wa waka bangili vikotonyi kwawo, na virumbu vighokie vongonyi kwawo.

EZEKIELI 31:3

Nichakufwananisha na mudi ghwa sida ghwa Lebanoni, ghuko na mbashu righokie na malemba mawishi ghikambie kwa kiju, ghuzoghue na kujoka ighu mawingunyi.

JOELI 3:8

Nichawiuza wana wenyu wa womi na wa waka kwa wandu wa Juda, nawo wichawiuza kula kwa wandu wa Sheba; ini BWANA naghamba.

MITALO 13:32

Kwa huwo wikawiredia wandu wa Israeli malagho ghizamie gha ijo isanga wereghendieghe kujizighana wikighamba, “Isanga dereghendieghe kujizighana na kuida aghadi yaro, jadaja wandu waro, na wandu wose diwiwonie aho ni wabaa loli-loli.

1 WAKORINTHO 14:25

ngasu ra ngolo yake richawikwa worinyi, nao ukighwa kijimijimi, uchamtasa Mlungu na kughora worinyi angu Mlungu oko aghadi konyu loli.

1 WATHESALONIKE 1:9

Awo wandu weni waawuyaja malagho ghedu, seji moredikaribishireghe, na seji moresighieghe milimu, na kumghalukia Mlungu; mpate kumdumikia Mlungu wa loli uko moyo,

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.