ISAYA 42:24 - Biblia Ilagho Jiboie Kwa Wandu Wose

²⁴ Nani ukumbie wana wa Jakobo mikonunyi kwa mnoni, na Israeli kwa viting'a? Welee, si BWANA uo werem'bonyerieghe kaung'a? Uo wisereghendieghe kwa chia rake, na uo wiserewadieghe sharia rake?

ISAYA 42:24 Խաչաձեւ Հղումներ

2 MALAGHO GHA NGELO 15:6

Wandu werewaghikieghe mbari ikilwa na mbari, na muzi ghukilwa na muzi; angu Mlungu orekoghe ukiwisumbua na wasi ghwa kula mbari.

2 MALAGHO GHA NGELO 36:17

Kwa huwo BWANA ukawiredia mzuri wa Babuloni, ukawibwagha wandu wawo wa irika andenyi ya Hekalu; nao nderekoghe na wughoma ghungi kwa mdawana, angu mwai; mghosi, angu mkeku; Mlungu ukamneka kuwisima wose.

ZABURI 81:12

Kwa huwo nerewisighieghe wikaie wighilikie, na kubonya seji wikunde.

ZABURI 81:13

Yakaiagha nicha saki ngera wandu wapo wadanisikira, na Israeli ubonye seji nikunde!

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

ISAYA 42:23

Nani aghadi konyu uchaasikiria malagho agha, nani uchaadua ukisikiria kwa ngelo richagha?

ISAYA 45:7

Ni ini nibonyagha mwengere, sena ni ini niumbagha kira; ni ini niredagha marasimio na bugha; Ini ne BWANA uo ubonyagha maza rose.

ISAYA 47:6

Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

ISAYA 48:18

Na ngera kodesikira memu yapo, kumangu kwakaia na sere ichue sa moda ghwa machi, na hachi yako idikaa-dika sa mivo-mivo ya bahari.

ISAYA 57:17

Nerem'bonyereghe machu kwa wundu ghwa kaung'a na bea rake; ngamkaba angu nerekoghe na machu, na kuleghamzighana. Ela sena orechurieghe kuwuya nyuma ngolonyi kwake.

ISAYA 63:10

Ela weremleghieghe wikamvavira Roho Mweli, nao moni ukaghaluka kukaia m'maiza wawo, ukawoka kulwa nawo.

JEREMIA 44:10

Ndewikuserie weni hata idime iji; hata ndewiniobue na kughenda kwa sharia rapo na kughiwadia malaghiro ghapo nighiwikie imbiri konyu na imbiri ya weke ndeyo.

JEREMIA 5:15

“Ola nawuyareda aighu yenyu inyo wandu wa Israeli, mbari ya wandu ifumagha kula. Ni mbari imange, mbari ya kala, kiteto chawo msechimanyagha, hata msedimagha kuelelwa ni agho wighoragha.

KILILO CHA JEREMIA 1:14

“Wazighanire kaung'a rapo ukarifunga rose chiaimweri; warifungie singonyi kwapo, nani ngawuya mnyonge; BWANA wanifunyire kwa wamaiza wapo, nani seredimieghe kulwa nawo.

KILILO CHA JEREMIA 1:18

“BWANA ni mhachi ni ini nimleghie. Nisikirenyi inyo wandu andu kose muko mmbone wasi ghwapo. Wandu wapo wa irika na wai wapo wadwalwa wunyika.

DANIELI 1:2

BWANA ukamngira Jehoiakimu mzuri wa Juda mikonunyi kwake chiaimweri na vilambo vimu va Hekalunyi. Ukavireda isanga ja Babuloni kwa nyumba ya mlungu ghwake, na vilambo va hekalunyi ukaviranganya na vilambo va mlungu ghwake.

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

MATHAYO 22:7

Uja mzuri ukawawa ni ngolo, ukaduma masikari ghake, ukawitotesha waja wabwaghi, ukaghukora muzi ghwawo.

WUKUMBUSO 28:49

BWANA uchareda mbari kufuma kula ichelwa nakumoni; ni mbari iangue sa indu iburukagha, idedagha kiteto kusechimanyagha.

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.

WATANYI 10:7

BWANA ukajokwa ni machu aighu ya Israeli ukawisigha wingie mikonunyi kwa Wafilisti na kwa Waamoni.

WATANYI 2:14

Kwa huwo BWANA ukajokwa ni machu loli-loli aighu ya Israeli, ukawingira mikonunyi kwa awo wandu wewidwa wunyika. Ukasigha wamaiza wawo wiwisime, na kufuma aho, ndeweredimieghe kuwisima wamaiza wawo anduangi.

WATANYI 3:8

Kwa huwo BWANA ukajokwa ni machu aighu ya Waisraeli, ukawifunya wikabo na kusimwa ni mzuri Kushani-rishathaimu wa Mesopotamia; ukawibonyera nguma kwa miaka wunyanya.