ISAYA 42:21 - Biblia Ilagho Jiboie Kwa Wandu Wose

²¹ Yam'boie BWANA kuibonya sharia yake italo na kunekwa wubaa mungi, kwa wundu ghwa hachi yake.

ISAYA 42:21 Խաչաձեւ Հղումներ

ZABURI 138:2

Nadaghoghoma ngilaghaya Hekalu yako ya wueli, na kujifunyira chawucha irina jako kwa wundu ghwa lukundo lwako lukatie na wuloli ghwako. Kwawonyere kukaia irina jako na memu yako ni ibaa.

ZABURI 40:8

Naawuyaboilwa ni kubonya lukundo lwako ee Mlungu wapo.” Sharia yako eko andenyi ngolonyi kwapo.

ZABURI 71:16

Nichacha na kughieresha mabonyo ghako gha ndighi ee Bwana MLUNGU, nani nichaieresha iyo hachi yako cheni.

ZABURI 71:19

Hachi yako ee Mlungu, yavika koighu mawingunyi. Nani uko sa oho ee Mlungu, kubonyere malagho mabaa huwu?

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”

ISAYA 51:4

“Nisikirenyi inyo wandu wapo, nideghienyi madu inyo mbari yapo; kwa kukaia sharia ichafuma kwapo, na hachi yapo ichakaia sa mwengere kwa wandu.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 3:15

Jesu ukamzera, “Leka ikaie huwu idana, angu kwa chia ihi dichaghikatisha agho Mlungu ughikundagha.” Nao Johane ukamrumiria.

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

JOHANE 15:10

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

JOHANE 8:29

Uo orenidumieghe oko chiaimweri nani, hata ndenisighie niekeri anduangi, angu nadabonya matuku ghose agho ghimriragha Uo.”

WAROMA 10:4

Angu Kristo nuo kutua kwa Sharia, eri uo ose urumiriagha utalo kukaia na hachi.

WAROMA 3:31

Da huwo keni diainja Sharia kwa wundu ghwa iji irumirio? Hata kutini. Wulalo ghwaro daimazira nicha.

WAROMA 7:12

Kwa huwu, Sharia cheni yaelie, na ghuja momu ghwaelie; nagho ni ghwa hachi sena ghwaboie.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

WAGALATIA 3:21

Welee, iyo Sharia yaawuyatangala malaghiro gha Mlungu sena? Hata kutini. Angu ngera edeeka Sharia ifunyiro edima kuwiwika wandu moyo, kumangu loli hachi yadapatika kwa Sharia.

WUKUMBUSO 4:6

Mughiwadie na kughibonya, angu agho nigho ghichaakaia hikima na kumanya konyu imbiri ya wandu; awo, iji wasikira sharia iri rose, wichaghamba, ‘Loli mbari ihi mbaa yawadie hikima na kumanya.’

WUKUMBUSO 4:8

Ni mbari iyao mbaa iko na sharia na malaghiro gha hachi sa agha namneka idime?

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;

WAEBRANIA 8:10

Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.