ISAYA 42:17 - Biblia Ilagho Jiboie Kwa Wandu Wose

¹⁷ Awo wose wiirumiriagha milimu, na kutasa fwana richanilo wikighamba, Inyo mo milungu yedu, wichawunjwa wandu wa nyuma na kufushwa waya putu.”

ISAYA 42:17 Խաչաձեւ Հղումներ

ZABURI 135:18

Awo wandu wiibonyagha na kuirumiria, ndewifwanane nayo.

ZABURI 97:7

Watasi milimu wose wikukasagha na milimu isewadie fwaida ingi wafushwa waya; milungu yose yadaghoghoma imbiri ya BWANA.

KUFUMA 32:4

Haruni ukaviwada ivo vipini, ukaviyeyusha na kuwibonyera wandu ngache kwa patasi. Wandu wikaghamba, “Ee Israeli, ughu nigho mlungu ghodu ghudifunyire na kudireda kufuma isanga ja Misri.”

KUFUMA 32:8

Wameria kuisigha ija chia nerewilaghirieghe kuinugha, nawo wakubonyera weni ngache ya dhahabu, wikaitasa na kuifunyira vizongona wikighamba wei uo nuo mlungu wawo uwifunyire Misri.

ISAYA 1:29

Mchafwa waya kwa wundu ghwa kutasa mialoni, mchafwa waya kwa kuwika mbuwa renyu wakfu kwa wundu ghwa milimu.

ISAYA 44:11

Olenyi wambao wose wichafushwa waya, mafundi ghawo ni wandu tu. Ndewiche dikwane kwa malagho ghawo, nawo wichaobua na kufwa waya wose.

ISAYA 44:17

Kilingo chasigharika wachibonya mlungu, ugho mlimu ghwake: waghughoghomia ukitasa na kulomba ukighamba, “Kunikire, angu oho ko mlungu wapo.”

ISAYA 44:9

Wandu wose wibonyagha milimu ni wandu wa duu, hata ivo vilambo wikusaghikagha navo ndevina fwaida ingi. Awo washahidi wawo ndewiwonagha hata ndewitambukilwagha; nawo wichafushwa waya.

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

JEREMIA 46:5

“Niki nawuyachiwona?” waghamba BWANA, “Wafwa ngolo na kuwuya nyuma. Masikari ghawo ghakabwa ghikakimbia naiseghe; ndewiwuezighana nanyuma, wachulwa ni wowa kwa kula chia.