ISAYA 40:20 - Biblia Ilagho Jiboie Kwa Wandu Wose

²⁰ Mundu mkiwa usedimagha kuchana mlimu ghwa feza angu dhahabu, wadakulolia mudi ghusewoagha; nao wadalola fundi um'boisire mlimu ghusedimagha kughenda.

ISAYA 40:20 Խաչաձեւ Հղումներ

ISAYA 41:7

Fundi wa mbau uamzera mchani dhahabu, ‘Kwabonya kazi iboie!’ Na uo udendereshagha kwa nyondo wamzera uo ukomeriagha misumari na kukwanya ugho mlimu, ‘Kwaibonya nicha to!’ na wose wafunga ndighi kughufunga na misumari.

ISAYA 44:12

Mchani chuma wadashoa chuma na kuchikumba andenyi ya maka gha modo, nao wadachichana na nyondo kwa mkonu ghwake ghwa ndighi, hata usilo na kusirilwa ni ndighi, sena waoma, nao ukasowa machi uchadumbuka.

ISAYA 46:7

Waghuduka ugho mlungu maweghenyi kwawo, waghenda na kughukaisha kimusi andu kwaro; nagho ndeghudimagha kuinjika aho. Mndungi ukaghulilia, ndeghutumbuliagha; hata ndeghudimagha kumkira kufuma kwa wasi ghwake.

DANIELI 5:23

ela kwakujosere kumoni aighu ya BWANA wa mlungunyi, kukareda vikombe na bakuli ra Hekalu yake na kunywa navo divei chiaimweri na wabaa wako wa isanga, na waka wako, na waka wako wekanya. Kukaikasa milungu iyo ibonyero kwa feza na dhahabu, na shaba, na chuma, na midi, na magho isewonagha, hata isesikiragha, angu kumanya ilagho jingi; kukamsowia ishima uo Mlungu umaziriagha miruke yako na mighendo yako yose.

DANIELI 5:4

Wikanywa divei, wikawoka kuikasa milungu ibonyero kwa dhahabu na feza, na shaba, na chuma, na midi na magho.