ISAYA 34:9 - Biblia Ilagho Jiboie Kwa Wandu Wose

⁹ Meda ya Edomu ichawuya lami, na ndoe richawuya kibiriti hata riwuye sa lami iakagha.

ISAYA 34:9 Խաչաձեւ Հղումներ

KUZOYA 19:28

ukazighana cha Sodoma na Gomora na isanga jose jerekoghe vololonyi, nao ola ukawona mosi ghukijoka mlungunyi kufuma ndoenyi sa ghwa iwiwi ibaa.

AYUBU 18:15

Modo ghwakorwa nyumbenyi kwake chia rose; kilambo chingi chake ndechiduagha andenyi yaro.

ZABURI 11:6

Mlungu uchawiseria wawiwi modo na kibiriti; nao uchawikaba na mbeo ilunguragha.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

JEREMIA 49:13

Angu nabonyere ighemi kwa ini moni, kukaia muzi ghwa Bozra ghuchashinikilwa, na kusekwa; ghuchasighwa mduu, ghuwasirilo njowe; na mizi yake ichasighwa miduu matuku ghose.”

LUKA 17:29

hata ituku jija Loti orefumieghe Sodoma, modo na kibiriti ghukasea kufuma mlungunyi sa vua na kuwitotesha wose.

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.

JUDA 1:7

Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”