ISAYA 34:2 - Biblia Ilagho Jiboie Kwa Wandu Wose

² BWANA wabonya machu aighu ya mbari rose ra wandu na aighu ya majeshi ghawo ghose; nao wawitanyire wipate kubwaghwa.

ISAYA 34:2 Խաչաձեւ Հղումներ

ZABURI 2:5

Niko uchawidedia na machu, na kuwiobosha kwa lubio lwake.

KUFUMA 8:14

Wamisri wikavikwanya ivo vichula vitungu-vitungu, na isanga jose jikanuka shuu.

ISAYA 10:5

BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 13:5

Wafuma isanga ja kula, noko cha kutua kwa ndoenyi; BWANA waawuyacha na maswagha ghake, na kwa machu ghake uchatotesha ndoenyi kose.

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 26:20

Choonyi wandu wapo, mngie vumbenyi konyu; mrughe minyango na kukuvisa kwa kapindi; hata agho machu ghameria kusia.

ISAYA 30:25

Ngelo Mlungu uchaachikanya minara na kuwibwagha wamaiza, kuchakaia na meda ya machi ghiidagha kula mghondi m'baa na mtini.

ISAYA 61:2

Wanidumie kueresha mwaka ghorumirilwa ni BWANA, na ituku ja Mlungu jeluya lugho, upate kuwihoresha awo wose wiko na wasi,

ISAYA 63:6

Nerewifashireghe awo wandu kwa machu ghapo, ngawibara-bara kwa ulo lubio lwapo; ngaidia bagha yawo andoenyi.”

ISAYA 65:12

Nichammbikia kufwa wudenyi na inyo mmbose mchabwaghwa, kwa kukaia iji neremmbangieghe, ndemoredikieghe; hata ndemorenisikireghe iji nerekoghe ngideda; ela morebonyereghe wuwiwi mesonyi kwapo, na kusaghua agho nisereghikundieghe.”

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”

ISAYA 66:16

BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”

JEREMIA 25:32

BWANA wa majeshi waghora huwu, “Ola wuwiwi ghuchaera kufuma kwa mbari hata mbari, na kiremba kibaa chichaweta kufuma kula, kufuma masanga gha kula gha ndoenyi!

JEREMIA 25:33

“Na awo wichaabwaghwa wudenyi ni BWANA ituku ijo, wichaera kula andu ndoenyi. Ndewichaalililwa, angu kutumbanywa, hata kurikwa; ela wichawuya kitungasi ndoenyi.

EZEKIELI 36:5

“Ini Bwana MLUNGU naawuyaghora niko na iriso ibaa aighu ya iro mbari ra wandu risigharikie, na Edomu yose, awo wiwusire isanga japo kwa kuboilwa kubaa, wikighora kwa lung'eto wei wajiwusire ijo isanga kwa ndighi.

ZEFANIA 3:8

“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.

ZEKARIA 14:3

Niko BWANA uchaghenda kulwa na iro mbari ra wandu seji orelwagha ngelo riidie.

WAROMA 1:18

Angu machu gha Mlungu ghafunukulwa kufuma mlungunyi aighu ya kumlegha Mlungu kose, na wuwiwi ghwa wandu awo wiifinikiragha loli kwa wuwiwi ghwawo.

JOSHUA 11:20

Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WUFUNUO 20:9

Nawo wikaghenda ndoenyi kose; wikaimara kambi ya waeli na ugho muzi ghukundo. Ela modo ghukasea kufuma mlungunyi na kuwitotesha.