ISAYA 33:7 - Biblia Ilagho Jiboie Kwa Wandu Wose

⁷ Olenyi awo wiko na ndighi wiakema chienyi, wadumwa wenyu wereda sere wialila kwa kuwawa.

ISAYA 33:7 Խաչաձեւ Հղումներ

ISAYA 36:22

Niko Eliakimu mwana wa Hilkia, uo orekoghe m'baa wa nyumba ya mzuri na Shebna uo orekoghe muandiki, na Joa mwana wa Asafu, uo orekoghe karani, wikamchea Hezekia na nguwo rawo wameria kurirashua kwa wasi; wikamghoria malagho ghereghoreloghe ni uja Rabshake.

2 WAZURI 18:37

Niko Eliakimu mwana wa Hilkia, uo orekoghe mzighaniri wa ngome ya mzuri, na Shebna, uo orekoghe karani, na Joa mwana wa Asafu muandiki, wikaghenda na nguwo rawo wameria kurirashua kwa wasi, wikamghoria Hezekia malagho ghose ghighorelo ni uja m'baa wa majeshi.

2 WAZURI 18:18

Wikammbanga Mzuri Hezekia na wabaa wadadu wa mzuri wikacha; Eliakimu mwana wa Hilkia uo orekoghe mzighaniri wa nyumba ya mzuri, na Shebna uo orekoghe karani, na Joa mwana wa Asafu muandiki.

ISAYA 36:3

Nao Eliakimu mwana wa Hilkia, uo orekoghe m'baa wa nyumba ya mzuri, na Shebna uo orekoghe muandiki, na Joa mwana wa Asafu uo orekoghe karani, wikamchea Rabshake.

ISAYA 29:2

ela Mlungu ucharedia muzi ghwa Jerusalemu wasi; muzi ughoni ghuwangwagha “Madhabahu ya Mlungu;” kuchakaia na kililo na kukema mchungu, na muzi ghose ghuchakaia sa madhabahu yachulwa ni bagha.