ISAYA 32:18 - Biblia Ilagho Jiboie Kwa Wandu Wose

¹⁸ Wandu wapo wichakaia nicha isangenyi, na nyumba rawo richakaia na sere, andu kuhorie kwa kima.

ISAYA 32:18 Խաչաձեւ Հղումներ

ZABURI 107:7

Ukawilongoza na chia ighorokie, hata wikavika muzi wikunde wikaie.

KUFUMA 9:26

Isanga ja Gosheni jiekeri, andu Waisraeli werekoghe, niko iyo vua ya magho iserekoghe.

MAKATANISHO 24:15

Kusakelaliria muzi ghwa mundu wa hachi seji kooka mmbiwi; kusakebara muzi ghwake,

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

ISAYA 14:3

Ngelo BWANA uchaamredia wuhoreshi kufuma kwa wasi ghonyu, na masumbuko ghenyu, na kufuma kwa iro kazi rikurie moredumikishiroghe,

ISAYA 2:4

Uchareda kutanya aghadi ya mbari ra wandu, na kudumbua njama ra wandu wengi, wichachana chufu rawo riwue maghembe, na mafumu ghawo ghiwue miundu, mbari nderichaalwa sena, hata nderichaakufundisha kulwa wuda sena anduangi.

ISAYA 26:12

Kuchaiwika sere ndoenyi kwa wundu ghodu ee BWANA, oho kwamerie kudiboisira kazi redu.

ISAYA 26:3

Uo mundu nia yake uimangishire kwako ee Mlungu, kwadammbika andenyi ya sere ikatie; angu wakurumiria oho.

ISAYA 28:12

Nao wamnekie inyo mmbose kuhora na raha, ela mkalegha kumsikira.

ISAYA 30:15

Angu Bwana MLUNGU, uo Mweli wa Israeli waghambie huwu, “Mkanighalukia na kukusaghika na ini, mchakia; nenyo mchakia na kukaia banana.” Ela mwaleghie,

ISAYA 33:6

BWANA uchakaia kumanga konyu ngelo renyu rose; uchakaia kukia konyu kwa wungi, hikima na kumanya; mali renyu richakaia ni uko kumuobua BWANA.

ISAYA 65:21

Wichaagha nyumba na kukaia andenyi yaro, nawo wichawa mizabibu na kuja matunda gharo.

ISAYA 65:9

Nichareda kivalwa cha Israeli na cha Juda, wandu wa ifwa ja iyo mighondi yapo, awo wasaghulwa wapo wichajipata ijo ifwa, na wadumiki wapo wichakaia aho.

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

EZEKIELI 34:28

Nderichaakaia madiwo sena gha iro mbari ra wandu, hata nyamandu ra isangenyi nderichaarija sena; richakaia banana na mndungi ndechaariturusa sena anduangi.

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

ZEKARIA 2:8

Kwa kukaia BWANA Uwadie-Ndighi-Rose waghamba huwu aighu ya awo werewusagha vilambo venyu kukaia, uo umuadadagha inyo, uaadada mundu wa iriso japo.

ZEKARIA 3:10

Ituku ijo jikavika, kula mundu onyu uchamkaribisha mmbao wikaie aisi ya mzabibu ghwake na aisi ya mtini ghwake wikiboilwa kwa kukaia weko na sere na wulindiri.”

WAEBRANIA 4:9

Kwa wundu ugho, eko Sabato ehora isigharikie kwa wundu ghwa wandu wa Mlungu.

1 JOHANE 4:16

Kwa wundu ugho daichi na kurumiria ulo lukundo Mlungu udikunde nalo. Mlungu ni lukundo, na uo ukaiagha andenyi ya lukundo, wadakaia andenyi ya Mlungu, na Mlungu wadakaia andenyi kwake.