ISAYA 31:1 - Biblia Ilagho Jiboie Kwa Wandu Wose

¹ Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 31:1 Խաչաձեւ Հղումներ

KUZOYA 47:17

Nao wikafunya mfugho, na Josefu ukawiuzira vindo kwa kuindana na farasi, ng'ondi, mburi, ng'ombe na weke punda. Mwaka ghuja ghukaida kwa kuindanisha vindo na mfugho.

2 MALAGHO GHA NGELO 16:7

Ngelo iyo, mlodi oremchieghe Asa mzuri wa Juda ukamzera, “Kwa kukaia korekusaghikieghe na mzuri wa Siria wulalo ghokusaghika na BWANA Mlungu wako, ijeshi ja mzuri wa Siria jakufufunuka.

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

AYUBU 39:11

Kwadima kuisuwiria angu iko na ndighi nyingi? Kwadima kuisighia kazi rako?

ZABURI 20:7

Wandu wamu wadakukasa na magare, na wamu na farasi, ela isi dichakukasa na ndighi ra BWANA Mlungu odu.

ISAYA 10:17

Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

ISAYA 2:7

Isanga jawo jeechulwa ni feza na dhahabu, mashamo ghawo ndeghiwadie kutua; isanga jawo jeechulwa ni farasi, na kubonya magare kwawo ndekuwadie kutua.

ISAYA 20:5

Niko wandu wichafwa waya na kushinika kwa wundu ghwa Ethiopia isuwirio jawo, na Misri wikukasire nawo.

ISAYA 22:11

Nenyo moreaghieghe kisima ghadi na ghadi ya agho mawurigha, kwa wundu ghwa agho machi gha kiriwa cha kala; ela ndemoremzighanireghe hata kumtala Mlungu uo orevibonyereghe mpango kufuma kala.

ISAYA 30:16

mkaghamba, “Ndedikunde! Isi dichakimbia kwa farasi redu riwadie iseghe,” na huwo mchakimbia kwa farasi riwadie iseghe, ela awo wimmbingagha wichamnugha kwa shwa-shwa.

ISAYA 36:6

Ola kwaawuyakusaghika na Misri iko sa mzata ghwa mrangi ghuchikie, ugho ghuchaamdunga mundu uo ose ughutumiagha. Niko iko huwo kula mundu ukusaghikagha na mzuri wa Misri.’

ISAYA 36:9

Mchadima wada kummbinga hata uo m'baa wa agho majeshi ghedu gha ndonyi, ikakaia muakusaghika na Wamisri wimneke magare na wajoki farasi?

ISAYA 43:15

Ini ne BWANA, uo Mweli onyu Muumbi wa Israeli, Mzuri onyu.”

ISAYA 5:12

Andenyi ya karamu rawo wawika vinubi, zeze, kayamba, pung'a, na chofi; nawo ndewitalagha mabonyo gha BWANA, hata kazi ra mikonu yake.

ISAYA 57:9

Mwabonyere charo kwendatasa Moleki, mwadwae mavuda na marumba mengi; nenyo mwawiduma wandu wengi noko kula hata Andu kwa Wafu.

ISAYA 64:7

Ndekuwadie hata umweri ujiwangiagha irina jako kwa malombi, hata ungi ukushashiragha moni kukuchea oho kwa wutesia; angu oho kwakuvisire kodu, kwadileghie na kudida kula kwa wundu ghwa mawiwi ghedu.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

ISAYA 9:13

Hata ngera BWANA wa majeshi wawikabie, ela wandu wa Israeli ndewiherie wikaghaluka na kumlola BWANA anduangi.

JEREMIA 17:5

BWANA waghamba huwu, “Mundu umsuwiriagha mdamu, na ngolo yake yaghalukie na mbai ikamsigha BWANA, uwado ni njowe.

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 37:7

“Ini BWANA, Mlungu wa Israeli naghamba, kumzere huwu mzuri wa Juda, uo ukudumie kwapo kunikotia malagho, ‘Ola ijeshi ja Wamisri ijo jerechieghe kukutesia, jalighisa kuwuya Misri isangenyi kwawo koni.

JEREMIA 42:14

kwa kughamba, ‘Hata! Isi dichaghenda cha isanga ja Misri, andu disechaawona wuda, angu kusikira lwaka lwa tarumbeta, angu kusowa vindo; nesi dichakaia aho,’

EZEKIELI 17:15

Ela mzuri wa Juda ukamlegha na kuduma wandu wake Misri wipate kumneka farasi na ijeshi ibaa. Keni huwo loli ukaia nicha? Mundu wadima kubonya maza iro ufufunuke? Mundu wadima kuchikanya ilaghano ufufunuke?

EZEKIELI 29:16

Misri ndeichaakaia isuwirio ja Waisraeli sena, ela ichakaia lukumbuso lokumbusa Waisraeli ikosa jawo jekusaghika na Wamisri. Aho niko wichamanya kukaia ini ne Bwana MLUNGU.”

DANIELI 9:13

Bugha rose riandikilo andenyi ya Sharia ya Musa, ramerie kudichea; sena hoku ndedicheekuvoya BWANA Mlungu odu kudineke kughaluka na kusigha mawiwi ghedu, dipate kuisikira loli yako.

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.

HOSEA 11:9

Sichaakukaba kwa machu ghapo anduangi; sichaamtotesha Israeli sena, kwa kukaia ini ne Mlungu se mdamu ungi; ini Mweli neko aghadi konyu, na ini sichaamchea na machu.

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

HOSEA 7:7

“Wabwaghie wabaa wawo wose kwa machu ghawo gha modo. Wazuri wawo wabwaghilo umu umu, hata ndekuwadie ungi wawo wawuyanilomba wutesia.”

HABAKUKI 1:12

Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba.

HABAKUKI 3:3

Mlungu waawuyacha kufuma Edomu uo Mweli waawuyacha kufuma Mghondi ghwa Parani. Mlungunyi kwafinikirwa ni wubaa ghwake, na ndoenyi kwachulwa ni makaso ghake.

ZEKARIA 10:5

Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.

WUKUMBUSO 17:16

Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

WUKUMBUSO 20:1

“Mkakaghenda wudenyi kulwa na wamaiza wenyu, nao mmbone farasi, magare, na ijeshi ibaa kuchumba jenyu, msewiobuo; BWANA Mlungu onyu uo oremfunyireghe isanga ja Misri oko andwamweri nenyo.