ISAYA 30:32 - Biblia Ilagho Jiboie Kwa Wandu Wose

³² Kula ikabo ja BWANA, jichanughwa ni lumbo lukabwagha kwa mayanga na kinubi; kwa kukaia BWANA uchakufunya kwa mkonu ghuwadie ndighi kulwa na Waashuru.

ISAYA 30:32 Խաչաձեւ Հղումներ

KUZOYA 31:27

Kwaki korekimbiagha kwa kiviso, kukanikalia kusenighorie; kumangu sikufumire kwa maseko na chumbo, na ngoma na zeze?

2 MALAGHO GHA NGELO 32:8

Uo ooka na ndighi ra kidamu, ela isi deeka na BWANA Mlungu odu, uditesie na kulwa mawuda ghedu.” Wandu wikaghirumiria malagho gha Hezekia, mzuri wa Juda.

AYUBU 16:12

Nerekoghe ngikaia nicha, ela Mlungu ukanifasha-fasha; ukaniwada singo, na kunibaria ndonyi. Waniwusirie na kunibonya bole,

ISAYA 10:24

Kwa huwo Bwana, Uo BWANA wa majeshi waghora huwu, “Inyo wandu wapo mkaiagha Jerusalemu, mseobuo awo Waashuru iji wakamkaba sa iji Wamisri werem'bonyereghe.

ISAYA 10:26

Na ini BWANA wa majeshi nichawikaba na kiboko chapo sa iji koni nerewikabieghe Wamidiani aja lwalenyi lwa Orebu; nani nichawikaba seji nereiwusirieghe zobo yapo aighu ya bahari na kuwikaba Wamisri.

ISAYA 11:15

Na BWANA uchaghuomera putu mwanya ghwa bahari ya Misri, sena uchawetesha mbeo mbaa eomera, nayo ichaomera Moda ghwa Eufrate na kusighara meda mitini mfungade, idimagha kuruwukwa kwa maghu.

ISAYA 19:16

Ngelo iyo, Wamisri wichakaia sa waka, wichachulwa ni wowa na kusughusika imbiri ya mkonu ghwa BWANA wa majeshi ghwaghorolwa kuwikaba.

ISAYA 2:19

Wandu wichangia mbangenyi ra magho, na miruma ya ndoenyi wikiobua agho machu gha BWANA na wubaa ghwa nguma rake; iji uchaawuka kuisughusa ndoe.

ISAYA 24:1

Olenyi BWANA uchaikaba ndoe, na kuiboya isigho nduu; uchaivurugha na kuwisaghisa wandu wikaiagha andenyi yaro.

ISAYA 24:8

Chwaka ra mayanga ranyamirishiro, na kuboilwa kwa wandu kwasirie; vinubi vawo na misherembe yawo vanyamirishiro.

ISAYA 30:29

Ela inyo wandu wa Mlungu, mchakaia na kubora kwa kuboilwa, sa ngelo ya karamu ra matuku ghenyu mabaa gha nakio; mchachulwa ni kuboilwa seji mundu uboilwagha ukikaba msherembe aighu ya mghondi ghwa BWANA, uo uko Mbanga ya Israeli.

ISAYA 31:4

BWANA wanizerie huwu, “Sa iji koni shimba angu mwana wa shimba wirurumagha wikilindia madiwo ghawo, wiseturuswagha ni chwaka ra walisha wengi, angu kuoboshwa ni ndoghoi rawo, niko koni na BWANA wa majeshi uchaasea kubonya wuda kulindia Mghondi ghwa Sioni.

JEREMIA 31:4

Nichamuagha sena, na inyo mchaaghika ee wandu wa Israeli; mchawada mayanga ghenyu, na kuvina kwa kuboilwa.

EZEKIELI 28:13

Korekoghe Edeni andenyi ya mbuwa ya Mlungu; korekufinikireghe na kula igho ja zoghori mbaa; karneliani, topazi, jaspi, krisolito, berili, oniksi, safire, karbankuli, zumaridi; na michoro yako erekoteroghe na kushingwa dhahabu. Iji koreumbiloghe gherekoghe ghaboiswa.

EZEKIELI 32:10

Wandu wengi wichaturukia kwa agho nichaakubonya, na wazuri wawo wichangilwa ni kiture kwa wundu ghwako, ingelo nakalupiricha lufu lwapo imbiri kwawo; kula ngelo wichakaia wikisughusika, kula umu wawo ukililia irangi jake, ijo ituku ja kutua kwako.”

WAEBRANIA 12:26

Ngelo iyo, lwaka loresughusireghe ndoe; ela idana walaghira huwu, “Indo jimu sena nichasughusa si ndoe iekeri anduangi, ela na mlungunyi wori.”

1 SAMUELI 10:5

Konyuma kuchacha na kuvika Gibeathelohimu, andu kuko na ngome ya masikari gha Wafilisti; hata iji kwakangia mzinyi kuchakwana na walodi wamu wafuma mghondinyi andu kotasira wikikaba kinubi, na kayamba, na msherembe na zeze, wikifunya wulodi.

1 SAMUELI 18:6

Nao iji masikari gherekoghe ghikighala, nyuma ya Daudi kum'bwagha Goliathi, waka wose wa Israeli wikafuma kummara Mzuri Sauli, wikibora na kuvina kwa mayanga, na kinubi kwa kuboilwa.