ISAYA 30:30 - Biblia Ilagho Jiboie Kwa Wandu Wose

³⁰ BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 30:30 Խաչաձեւ Հղումներ

AYUBU 38:22

“Jingi kwavikie nyumba ewika theluji, angu kuwona nyumba ya vua na magho?

AYUBU 38:23

Nadariwika kwa wundu ghwa ngelo ya wasi, na ngelo ya wuda.

AYUBU 40:9

Kwawadie ndighi sa rapo? Kwadima kudeda na lwaka lubaa sa lwapo?

ZABURI 2:5

Niko uchawidedia na machu, na kuwiobosha kwa lubio lwake.

ZABURI 46:6

Mbari ra wandu rabonya nganyi, mawuzuri ghasughusika; Mlungu wadeda, na ndoe ikasagha.

ZABURI 98:1

M'borienyi BWANA lumbo luwishi, angu wabonya maza ra mashiniko. Wasima kwa wudimi ghwake na kwa ndighi rake ra wueli.

KUFUMA 15:16

Kiture na wowa vangia andenyi kwawo; kwa wundu ghwa kudima kwa mkonu ghwako, wakaia kima sa igho; hata wandu wako wameria kuida ee BWANA, hata wandu wako waida, awo korewighueghe.

KUFUMA 9:23

Niko Musa ukaghorua zobo yake nokoighu, na BWANA ukareda lukuwa na vua ya magho, na luhehia lukaikaba ndoe. BWANA ukanyesha vua mbaa ya magho aighu ya isanga ja Misri;

KUFUMA 9:24

korekoghe na luhehia lorekoghe lukikaba tulituli andenyi ya vua mbaa ya magho, isewonekie jingi andenyi ya isanga jose ja Misri.

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 10:26

Na ini BWANA wa majeshi nichawikaba na kiboko chapo sa iji koni nerewikabieghe Wamidiani aja lwalenyi lwa Orebu; nani nichawikaba seji nereiwusirieghe zobo yapo aighu ya bahari na kuwikaba Wamisri.

ISAYA 10:5

BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 28:2

Olenyi BWANA oko na mundu umu wake uko ing'oni jiwadie ndighi; uchagha kuwikaba sa kiremba cha vua ya magho inonagha, karakara na kiremba kibaa chiwadie ndighi na machi mengi ghidikagha kwa wungi na kuidwa ndoe.

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

ISAYA 30:29

Ela inyo wandu wa Mlungu, mchakaia na kubora kwa kuboilwa, sa ngelo ya karamu ra matuku ghenyu mabaa gha nakio; mchachulwa ni kuboilwa seji mundu uboilwagha ukikaba msherembe aighu ya mghondi ghwa BWANA, uo uko Mbanga ya Israeli.

ISAYA 30:31

Waashuru wichasughusika kwa wowa ngelo esikira lwaka lwa BWANA, ingelo uchaakaba kwa zobo yake.

ISAYA 31:4

BWANA wanizerie huwu, “Sa iji koni shimba angu mwana wa shimba wirurumagha wikilindia madiwo ghawo, wiseturuswagha ni chwaka ra walisha wengi, angu kuoboshwa ni ndoghoi rawo, niko koni na BWANA wa majeshi uchaasea kubonya wuda kulindia Mghondi ghwa Sioni.

ISAYA 32:19

Ela vua ya magho ichanona ugho msidu na muzi ghuchanoneka.

ISAYA 33:14

Wakaung'a wikaiagha Sioni wiasughusika kwa wowa, awo wandu wisemuobuagha Mlungu wakaia na wowa wikighamba, “Nani udimagha kukaia kimusi kwa kutanya kwa Mlungu kuko sa modo ghubirie? Nani aghadi kodu udimagha kukaianya na modo ghwa kala na kala?”

ISAYA 4:6

Ugho wubaa ghuchakaia sa kiju nadime eri mruke ghusekaie, nagho ghuchalindia ugho muzi na kughufinikira ghusepato ni vua na kiremba.

ISAYA 51:9

Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

ISAYA 66:15

BWANA uchacha na modo, na magare ghiendagha na iseghe sa mbeo upate kuwonyera worinyi machu ghake ghibirie na kukania kwake sa lumu lwa modo.

ISAYA 66:16

BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

JEREMIA 25:32

BWANA wa majeshi waghora huwu, “Ola wuwiwi ghuchaera kufuma kwa mbari hata mbari, na kiremba kibaa chichaweta kufuma kula, kufuma masanga gha kula gha ndoenyi!

EZEKIELI 10:5

Lwaka lwa mawawa gha makerubi loresikiroghe hata waza ya shighadi, sa lwaka lwa Mlungu Uo-Uwadie-Ndighi-Rose ingelo wakadeda.

EZEKIELI 13:13

“Kwa huwo ini Bwana MLUNGU naghamba huwu, Nichareda kiremba kibaa kwa lubio lwapo, na vua mbaa kwa machu ghapo na vua ya magho ichaghunona ugho wurigha kwa lubio lwapo.

JOELI 2:5

Riarama-rama aighu mighondinyi rikiruma sa magare, sa vikuli va nyasi viboboswagha ni modo. Radunga longo sa ijeshi jiwadie ndighi jawikwa tayari kwa wuda.

AMOSI 1:14

Kwa huwo nichaduma modo aighu ya wurigha ghwa muzi ghwa Raba, nagho ghuchakora ngome rake. Kuchakaia na ngemi ituku ja wuda, nagho ghuchabia sa kiremba.

MIKA 1:4

Mighondi ichasagha aisi ya maghu ghake sa sungu yakabishirwa modo; ichasea cha vololonyi, seji machi ghiseagha andu kwa lughongo lwa kimusi.

MATHAYO 24:7

Angu mbari ichabonya wuda aighu ya mbari na wuzuri aighu ya wuzuri, kuchakaia na njala na misughusiko andu kuzima kuzima.

LUKA 1:51

Waghughorua mkonu ghwake ghwa ndighi, wawisaghisa wang'eti kwa maririkanyo gha ngolo rawo.

2 WATHESALONIKE 1:8

Nao uchalipia ngenga aighu ya wandu wose wisemwichi Mlungu, na aighu ya awo wose wawuyajilegha ijo Ilagho Jiboie ja Bwana odu Jesu.

JOSHUA 10:10

BWANA ukawiredia Waamori kiture kibaa imbiri ya Waisraeli; na Waisraeli wikawibwagha wandu wengi nandighi aho Gibeoni na kuwiwinga cha mshoromoto ghwa Beth-horoni, wikawikaba hata wikavika Azeka na Makeda.

JOSHUA 10:11

Na iji werekoghe wikiwikimbia Waisraeli, wikisea mshoromoto ghwa Beth-horoni, BWANA ukawinyeshera vua ya magho mabaa chienyi kufuma mlungunyi hata kuvikia Azeka; nawo wikafwa. Awo werebwaghiloghe ni vua ya magho, werekoghe wengi kuchumba awo werebwaghiloghe kwa lufu ni Waisraeli.

WUFUNUO 1:15

maghu ghake gherekoghe sa shaba izughulo na ndighi, seji eeleshwa na modo, na lwaka lwake loresikirikieghe sa lwaka lwa machi mengi.

WUFUNUO 11:19

Niko Hekalu ya Mlungu ikarughulwa mlungunyi, na Sanduku ya Ilaghano jake ikawoneka Hekalunyi; kukakaia kukaba chuhehia, chwaka, mirurumo ya lukuwa, msughusiko ghwa ndoe, na vua mbaa ya magho.

1 SAMUELI 7:10

Hata iji Samueli orekoghe ukifunya icho kizongona chekora, Wafilisti wikajoka wipate kuwikaba Waisraeli; ela ituku ijo, BWANA ukawidokia awo Wafilisti na lwaka lubaa lwa lukuwa kufuma mlungunyi, na kuwikambira chongo; hata wikakimbia kwa wowa kufuma kwa Waisraeli.