ISAYA 30:22 - Biblia Ilagho Jiboie Kwa Wandu Wose

²² Niko aho mchazamilwa ni fwana ra milungu ishingilo feza, chiaimweri na rija richanilo ra dhahabu. Mcharida noko sa vilambo va wuchafu mkighamba, “Injikenyi noko!”

ISAYA 30:22 Խաչաձեւ Հղումներ

2 MALAGHO GHA NGELO 31:1

Nao iji Ndima yasia, wandu wose wa Israeli werekoghe aho, wikaghenda mizinyi ya Juda, wikachikanya nguro retasa vipande vipande, na kuinja fwana ra ghuja mlungu ghwa waka Ashera, na kunona andu kotasira mighondinyi, na madhabahu riko andenyi ya isanga ja Juda, na Benjamini, na Efraimu, na Manase, hata wikaritotesha rose. Niko wandu wose wa Israeli wikawuya mizinyi kwawo kula mundu andu kwake.

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

ISAYA 31:7

Kwa kukaia ngelo ichavika, na kula umu onyu uchaida milimu yake ya feza na ya dhahabu moreibonyereghe kwa wundu ghwa kaung'a renyu.

ISAYA 40:19

Ndedimagha kufwananishwa na mlimu ghubonywagha ni wandu, ugho ghushingwa dhahabu ni mafundi; na kuwikwa aighu ya kilambo cha feza.

ISAYA 46:6

Awa wifunyagha dhahabu mifukonyi kwawo, na kupima feza rawo kwa ratili, wadamneka mchani dhahabu, upate kubonya mlungu, nawo waighoghomia na kuitasa!

KILILO CHA JEREMIA 1:17

“Naghorua mikonu yapo ngilomba wutesia, sipatire ungi onitesia. BWANA waniwangie wamaiza wifumie kula andu; wanibonyere karakara na kilambo chilue.

EZEKIELI 14:6

“Kwa huwo, kuwizere wandu wa Israeli kukaia uo Bwana MLUNGU waghamba huwu, Heenyi mghaluke, mfume kwa milimu yenyu, na kuinjikia ugho wuchafu ghonyu ghose.

EZEKIELI 18:6

ikaie ndejagha vindo vafunywa kizongona kwa milimu mighondinyi, nao ndeitasagha iyo milimu ya Israeli, hata ndemlushagha muka wa mmbao, angu kumuadada muka uko merinyi.

EZEKIELI 36:31

Mchakumbuka chia renyu rizamie na agho mabonyo ghenyu ghizamie, nenyo mchakuzamia mmbeni kwa agho mabonyo ghenyu ghizamie gha wuchafu moreghibonyereghe.

EZEKIELI 7:19

Wakumba feza rawo achienyi na dhahabu rawo rakaia sa kilambo cha wuchafu. Feza na dhahabu rawo nderidimagha kuwikira ngelo ya machu ghapo, nderiwirediagha kukatwa hata nderighudishagha vifu vawo anduangi; angu rawurie makuwisho kwa wundu ghwa mawiwi ghawo.

EZEKIELI 7:20

Werekukasireghe duu na mapambo ghawo ghighokie, wikabonya nagho milimu yawo ya wuchafu; kwa huwo nichaghighalua ghiwuye kilambo chiseelie kwawo.

HOSEA 14:8

Wandu wa Israeli ndewichaaidumikia milimu sena, nichatumbulia malombi ghawo na kuwilindia; nichawifinikira sa mudi ghupambie, na kuwirasimia kwa kula kindo kicha.”

WALAWI 13:52

Na mkohani uchakora iro nguwo ra kitani, sufu, na mrongo na icho chose chibonyero kwa mrongo, kwa kukaia ni wukongo ghuzamie ghwa sima, nagho ghuchakorwa modonyi.

ZEKARIA 13:2

Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu.

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

WUKUMBUSO 7:25

Mkore milimu yawo; msekaie na bea ingi ya feza angu dhahabu rishingilo aighu yaro, hata mseiwuse mchengia mdeghonyi; kwa kukaia radamzamia BWANA Mlungu onyu.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.