ISAYA 30:13 - Biblia Ilagho Jiboie Kwa Wandu Wose

¹³ mawiwi agho ghichakaia konyu, sa wurigha mlacha ghughoghome, ghuko na lughuma lodima kughughusha shwa-shwa.

ISAYA 30:13 Խաչաձեւ Հղումներ

1 WAZURI 20:30

Waja waresigharikieghe wikakimbiria muzi ghwa Afeki; wamu wa awo, wandu elfu mirongo iwi na mfungade wikaghulwa ni wurigha ghwa ugho muzi. Wokoni Ben-hadadi ukafufunuka na kungia mzinyi. Ukangia chumba chimu cha ndenyi cha nyumba ya nanyuma.

AYUBU 36:18

Lindia mndungi usekughushe kwa mali nyingi; kusesighe matuwo ghikulaghashe chia.

ZABURI 62:3

Mulwa na mundu mkimtang'aria hata lii? Nao ooka sa wurigha ghughomekie, na luvuna luchikagha?

ZABURI 62:4

Mookunda tu kumuinjira ishima jake. Mwadaboilwa ni kughora tee, Mwadarasimia kwa memu yenyu, ela kondenyi mwadawasira njowe.

MAKATANISHO 29:1

Uo ukanilwagha mando malazi, ukichuria kughilika, uchanoneka shwa hata ndechaadima kuboiswa anduangi.

MAKATANISHO 6:15

Kwa wundu ugho, uchachelwa ni ndengwa shwa wori, nao uchashoghonoka isedimikagha uboo.

ISAYA 22:14

BWANA wa majeshi wanizerie, “Mawiwi agha ndeghichaafuilwa wughoma hata mwafwa; ini Bwana MLUNGU wa majeshi naghamba.”

ISAYA 26:21

Olenyi BWANA uacha shwa-shwa kufuma andu kwake; upate kuwikaba wandu wiko ndoenyi, kwa wundu ghwa kaung'a rawo; ndoe ichaifunukua iyo bagha erediriloghe aighu yaro, hata ndeichaawivisa awo werebwaghiloghe anduangi.

ISAYA 29:5

Izungu ja wamaiza wako jichasaghiswa sa teri, na majeshi ghing'etere ghichakimbia; wichakaia kara kara na makozi ghawusirwa ni kikulughulu. Na shwa wori,

ISAYA 30:26

Na aighu ya agho, mwengere ghwa mori ghuchakaia sa ghwa iruwa, na iruwa jichachurikia mwengere ghwaro mando mfungade, sa mwengere ghwa matuku mfungade ghwakwanywa chiaimweri ingelo BWANA uchaafunga na kuboisa wandu wake, wereshoghonologhe ni ijo ikabo jake.

ISAYA 47:11

Ela wuwiwi ghuchakuchea aighu kwako, kusechaadima kughughiria. Kutota kuchakuchea, kusechaadima kukukombua. Kunoneka kuchakuchea aighu yako shwa wori kusemanyire.

ISAYA 48:3

Mlungu waghamba, “Neremghorieghe maza ra kala, kokala uko. Nereghighorieghe kwa momu ghwapo na kughibonya ghimanyike, nagho ghikabonyeka na kuwoneka shwa wori.

ISAYA 58:12

Wandu wako wichaagha maghacho ghenyu gha kala, kuchaiagha na kuiwusira misingi ya kokala uko; na oho kuchawangwa m'boisi wa mawurigha wuwishi, na M'boisi chia, eri wandu wipate kukaia andenyi ya muzi.”

ISAYA 65:7

mawiwi ghawo na mawiwi gha weke ndee, waghamba BWANA; kwa kukaia wakorie marumba aighu ya mighondi mibaa, wikanimenya aighu ya mighondi mitini. Kwa huwo nichawipimia na kuwilipa kwa wundu ghwa mabonyo ghawo gha kala.”

MATHAYO 7:27

Vua ikanya, meda ikachua machi, na mbeo ya kiremba ikaweta aighu ya iyo nyumba, nayo ikaghwa. Na kughwa kwaro kukakaia kubaa.”

LUKA 6:49

Ela uo usikiragha malagho ghapo, nao ndebonyagha anduangi, wafwanana na mundu oreaghieghe nyumba yake andoenyi, kuseko na msingi ghungi; na ghuja moda ghukasalama na kuikaba ija nyumba, ikaghwa andonyi; na kunoneka kwaro, kukakaia kubaa.”