ISAYA 30:10 - Biblia Ilagho Jiboie Kwa Wandu Wose

¹⁰ na kuwizera awo wiwonagha, “Msewone;” na walodi, “Mselode malagho gha loli, ela modeghoragha agho gha ighu-ighu, na kudilodera tee.

ISAYA 30:10 Խաչաձեւ Հղումներ

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

1 WAZURI 22:27

muwizere, wimmbike umundu kifungonyi; wimneke mkate mtini na machi, hata nawuya kwa sere.”

2 MALAGHO GHA NGELO 16:10

Niko Asa ukajokwa ni machu aighu ya mlodi, ukamfunganya na vilingo va mudi, na kumngira jela, angu orekoghe na machu mabaa kwa wundu ghwa ilagho ijo. Ngelo iyo cheni, Asa ukawikoronga wandu wamu na ndighi.

2 MALAGHO GHA NGELO 25:16

Ela usendeemeria kudeda, mzuri ukamzera, “Ni lii dikubonyere mnjama wa mzuri? Nyama kima! Kookunda kifwa?” Mlodi ukanyama kima nyuma ya kughora, “Namanya Mlungu oowona ukutoteshe, kwa kukaia kwabonya iji ilagho, sena kukalega njama yapo.”

AYUBU 41:3

Wadima kukulomba kumlekerie? Wadima kukuvoya kumfuye wughoma?

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

ISAYA 29:10

Kwa kukaia BWANA wamerie kudia aighu konyu roho ya dilo nyingi, nao wamerie kughitungurisha meso ghenyu inyo walodi msewone, na kufinikira vongo venyu inyo wawoni.

ISAYA 5:20

Ni bugha kwa awo wighuwangagha wuwiwi wucha, na wucha wuwiwi; awo wiredagha kira wulalo ghwa mwengere, na mwengere wulalo ghwa kira; awo wikuwangagha kuwawa kusinga, na kusinga kuwawa.

JEREMIA 11:21

Kwa huwo BWANA waghamba huwu aighu ya wandu wa Anathothi; awo wikunde kukubwagha waawuyaghamba, “Kusakeloda kwa irina ja BWANA dichekubwagha” -

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 26:11

Niko wakohani na walodi wikawizera wabaa chiaimweri na wandu wose, “Umundu wafwane utanyo kifwa, kwa kukaia wafunyire wulodi kiwiwi aighu ya ughu muzi, sa iji koni mwasikira kwa madu ghenyu gheni.”

JEREMIA 29:27

Da kwaki kusemkanie Jeremia uja wa Anathothi wawuyamfunyira wulodi?

JEREMIA 36:29

Na kwa Jehoiakimu mzuri wa Juda kughambe, ‘BWANA waghamba huwu, Oho kwakora ichi chuo kukighamba, Kwaki kwachiandika wei mzuri wa Babuloni uchacha loli kutotesha iji isanga, na kubwagha mdamu na nyamandu?

JEREMIA 38:4

Niko wabaa wikamzera mzuri, “Umundu yamfwana ubwagho. Kwa kukaia waawuyaredia masikari ghisigharikie andenyi ya ughu muzi wunyonge, chiaimweri na wandu wose, kwa kuwighoria malagho ghifwane huwu; kwa kukaia ndewuelola wucha ghwa wandu, ela kunoneka kwawo.”

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

AMOSI 2:12

Ela morewibonyereghe awo Wanaziri winyo divei, mkawilaghira walodi wisefunye wulodi.

AMOSI 7:13

Ela jingi kusefunye wulodi Betheli, kwa kukaia ni andu kotasira kwa mzuri sena ni hekalu ya wuzuri.”

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

MIKA 2:6

Wandu waawuyanizera, “Kusedichilie. Kusechileghe maza iri. Mlungu ndechaadibonya kiwiwi anduangi.

JOHANE 7:7

Wurumwengu ndeghudimagha kuzamilwa ni inyo, ela ghwadazamilwa ni ini angu nighughoragha kazi rake kukaia razamie.

JOHANE 8:45

Ela angu ini nawuyamghoria loli, niko msewuerumiria.

MABONYO GHA WADUMI 4:17

Ela eri dighirie ilagho iji jiseere kwa wandu wazima, diwikanie wiseghore na mndungi putu kwa irina ja Jesu.”

MABONYO GHA WADUMI 5:28

“Deremlaghirieghe nandighi msefundishe kwa irina iji, ela hoku mwaichura Jerusalemu yose na mafundisho ghenyu, nenyo mookunda kureda njowe ya bagha ya mundu uhu aighu yedu.”

WAROMA 16:18

Angu wandu sa awo ndewimdumikiagha Bwana odu Jesu Kristo, ela wadadumikia vifu vawo veni; na kwa malagho ghidendere ghesesea-sesea, wawikalia wandu wisemanyagha.

WAGALATIA 4:16

Naawuya ngakaia m'maiza onyu sena kwa kumghoria ija loli?

2 TIMOTHEO 4:3

Angu matuku ghichacha ngelo wandu wisechaaghirumiria mafundisho gha loli, ela wikikaia wikunde kusikira malagho kunughana na bea rawo reni, wichakukwanyira weni walimu, awo wichaawineka mafundisho agho wighikunde;

2 TIMOTHEO 4:4

nawo wichasigha kuisikira ija loli na kunugha chughano.

WUFUNUO 11:7

Hata iji wameria wushuhuda ghwawo, ija nyamandu ifumagha andenyi ya icho kina cha abuso, ichabonya wuda nawo, na kuwisima; na kuwibwagha.

1 SAMUELI 9:9

(Kwa Waisraeli kala, iji mundu wakaendakotia malagho kwa Mlungu wadaghamba, “Nndokonyi dighende kwa Mmboni;” kwa kukaia umundu dimmbangagha mlodi agha matuku, kala wadawangwa Mmboni.)