ISAYA 3:24 - Biblia Ilagho Jiboie Kwa Wandu Wose

²⁴ Wulalo ghwa marumba mecha, kuchakaia kunuka kiwiwi; wulalo ghwa mshipi, kuchakaia kamba; wulalo ghwa iridia jilukilo nicha, kuchakaia kukangaluka; wulalo ghwa nguwo iboie, kuchakaia nguwo ra magunia; wulalo ghwa kughoka, kuchakaia kuzama.

ISAYA 3:24 Խաչաձեւ Հղումներ

ESTA 2:12

Wai werekoghe wikikuboisa nicha kwa meri ikumi na iwi, ima wighenjo kwa mzuri Ahasuero izughe kwa izughe. Meri irandadu ya imbiri weretumieghe mavuda gha manemane, na meri irandadu ya kutua, wikatumia mavuda gha marumba mazima.

AYUBU 16:15

Narwae nguwo ya igunia kwa wasi; naawuyalala terinyi nilemelo putu.

MAKATANISHO 31:24

Wadabonya nguwo ra kitani na kuriuza; wadaghenja mishipi kwa washami.

MAKATANISHO 7:17

Naghudunga marumba gha manemane, uudi na mdalasini.

ISAYA 15:2

Wandu wa muzi ghwa Diboni, wajoka cha mghondinyi andu witasiragha, wipate kulila; wandu wa Moabu wialilia Nebo na Medeba. Wamerie kuara vongo vawo na sombe rawo kwa wasi.

ISAYA 15:3

Warwa nguwo ra magunia na kuida achienyi wikilila kula umu wawo, na nyumbenyi na viwachenyi, wikidikwa ni mbori.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

ISAYA 3:23

marinda gha mala-mala, marwao gha kitani, viremba, na vitambaa vekufinikira wushu.

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

ISAYA 57:9

Mwabonyere charo kwendatasa Moleki, mwadwae mavuda na marumba mengi; nenyo mwawiduma wandu wengi noko kula hata Andu kwa Wafu.

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

JEREMIA 48:37

Wandu wose weeara vongo vawo, na kudumbua sombe rawo; mikonu yawo eechughwa-chughwa, na kula umu wawo waawuyarwa nguwo ya igunia.

JEREMIA 49:3

Lilenyi ee wandu wa Heshboni, angu muzi ghwa Ai ghwasighwa mduu; ronyi nguwo ra magunia kwa wasi mkeme, ee wai wa Raba, lilenyi mkimbie na imbiri na nanyuma awurighenyi; kwa kukaia mlungu ghonyu Moleki ghuchabarishwa chiaimweri na wakohani na wabaa.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

EZEKIELI 27:31

waara vongo vawo kwa wundu ghwako, na kurwa nguwo ra magunia kwa wasi; nawo wakulilia kwa luwawo lwa rohonyi, wikiwawa nandighi.

EZEKIELI 7:18

Wachulwa ni kiture, na kuwona waya; wakufunga weni nguwo ra magunia, na kuara vongo vawo kwa wasi.

JOELI 1:8

Inyo wandu, lilenyi sa mwai umliliagha mchumba wake wafwa.

WALAWI 26:16

nicham'bonya huwu: Nichamredia maza reobosha, makongo ghiseboagha, homa rem'bwagha meso na kumeria marangi ghenyu. Mchawa viro, ela ndemchaapata kindo chingi; kwa kukaia wamaiza wenyu wichavija.

AMOSI 8:10

Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.

MIKA 1:16

Inyo wandu wa Juda, arenyi vongo venyu muwililie wana wenyu muwikunde; arenyi vongo venyu mkangaluke sa indu, kwa kukaia wana wenyu wichadwalwa wunyika kufuma konyu.

WUKUMBUSO 28:22

BWANA uchakukaba na makongo ghewasirana, homa, na kuakwa modo, na iruke jibirie, na kuoma kwa ndoe, na kiremba, na ngama ya miwalwa; maza iri richakunugha hata kwatota.

WUKUMBUSO 32:24

Wichafwa kwa njala na homa; wichamerelwa ni makongo ghizamie. Nichawidumia nyamandu ra isakenyi riwibwaghe, na choka riko na wusungu riwilume.

1 PETRO 3:3

Kukupamba konyu kusekaie kuja kwa shighadi koluka maridia, mapambo gha dhahabu, na kurwa nguwo rideghedekie;

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

WUFUNUO 16:9

wandu wikakorwa ni modo ghubirie, nawo wikajiewia irina ja Mlungu uo orekoghe ukighibonyera nguma agho makabo; hata ndewereherieghe na kumneka Mlungu wubaa anduangi.

WUFUNUO 18:9

Na awo wazuri wa ndoenyi werekoghe wikilaka na kubonya wumalaya nao, wichamlilia na kukema mchungu iji waghuwona mosi ghwa modo ghumkoragha;