ISAYA 25:9 - Biblia Ilagho Jiboie Kwa Wandu Wose

⁹ Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 25:9 Խաչաձեւ Հղումներ

KUZOYA 49:18

“Ini nichakuweseria kukia kwako ee BWANA.

ZABURI 100:1

Mzumienyi BWANA ndoenyi kose.

ZABURI 20:5

Niko dichazuma kwa wusimi ghwako, na kuwusira bendera redu dikimkasa Mlungu odu. BWANA ndekukatishire malombi ghako ghose.

ZABURI 21:1

Mzuri wadaboilwa angu kumnekie ndighi ee BWANA; nao wazuma nandighi angu kumteserie.

ZABURI 27:14

Mrumirie BWANA; kukufungishe ndighi hata kusefo ngolo; hee, mrumirie BWANA.

ZABURI 33:20

Isi dadamsuwiria BWANA, nuo mlindiri na mtesia odu.

ZABURI 33:21

Hee, wadadiboia ngolonyi kodu, kwa kukaia dadajisuwiria irina jake ja wueli.

ZABURI 40:17

Ini ne mkiwa usowagha, ela oho BWANA kwadaniririkanya. Oho ko mtesia wapo na mkiri wapo, kusemuke kunitesia ee Mlungu wapo.

ZABURI 9:14

eri nipate kughieresha makaso ghako, andenyi ya muzi ghwa Jerusalemu; na aho niboilo andenyi ya kukia kwako.

ZABURI 95:1

Choonyi dim'borie BWANA, dimzumie Mlungu, Mlindiri na Mkiri odu.

ISAYA 33:2

Kudifue wughoma ee BWANA, isi dikusuwiriagha oho kukaie mlindiri odu kula nakesho; kukaie kukia kodu ngelo ya wasi.

ISAYA 33:22

Angu BWANA nuo mtanyi odu, BWANA nuo udibonyeragha nguma; BWANA nuo mzuri odu, nao uchadikira.

ISAYA 35:1

Kireti na isanga jiomie jichakaia na kuboilwa, ikara jichaboilwa na kufunya mboi sa ra waridi;

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 35:2

jichafunya mboi kwa wungi, na kuboilwa; jikizuma na kubora. Ijo ikara jichaghoka sa mighondi ya Lebanoni, na kuboa sa mbuwa ra Karmeli na Sharoni. Wandu wose wichaghuwona wubaa ghwa BWANA na ndighi ra Mlungu odu.

ISAYA 35:4

Wizerenyi awo wandu wiko na wowa, “Kaienyi na ndighi, msakeobua! Olenyi Mlungu onyu uchacha kulipia kisasi, uchacha na malipo ghake, upate kumkira.”

ISAYA 37:20

Kwa huwo idana ee BWANA Mlungu odu, kudikire usedikabe, eri mawuzuri ghose gha ndoenyi ghipate kumanya kukaia ni oho kuekeri kuko BWANA.”

ISAYA 40:9

Wuka ee Jerusalemu, kujoke mghondinyi mlacha, kuchile malagho mecha. Wusira lwaka lwako kuchile malagho mecha ee Jerusalemu; wusira lwaka kuchile kuseko na wowa; izerenyi mizi ya Juda, “Wonenyi MLUNGU onyu.”

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 51:3

Angu ini BWANA nichaghuwonia wughoma na kughuhoresha muzi ghwa Jerusalemu, nichareda wuhoreshi andenyi ya muzi ghuwunjiro kukaia ighacho, na ikara jawo jichawuya sa Edeni, sa iyo mbuwa ya BWANA. Muzi ugho ghuchachulwa ni iseko na kuboilwa, na chwaka ra kubora na kufunya chawucha richasikirika.

ISAYA 52:10

BWANA wawonyera ndighi rake ra wueli worinyi, mesonyi kwa mbari rose ra wandu; na kutua kwa ndoenyi kose, kuchawona kukia kwa Mlungu odu.

ISAYA 60:16

Mbari ra wandu na wazuri wichakulindia seji mreri ulelagha wana; na oho kuchamanya angu Ini BWANA ne Mkiri wako, sena ne Mkomboli wako Uo Uwadie Ndighi wa Jakobo.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 64:4

Kufuma kon kala uko ndekuwadie mndungi usikire, angu kuwona Mlungu ungi mzima sa oho uwibonyeragha maza awo wimsuwiriagha.

ISAYA 65:18

Ela boilonyi mzume kwa kala na kala kwa wundu ghwa agho nighiumbagha; kwa kukaia niaiumbia Jerusalemu maboilo, na wandu waro wichachulwa ni iseko.

ISAYA 8:17

Nichammbeseria BWANA, uo wawuyakuvisa usewono ni kivalwa cha Jakobo, nani nichamsuwiria uo.

MIKA 7:7

Ela ini nichamchereshera BWANA, na kummbeseria Mlungu kwa isuwirio, uo uchaanikira. Mlungu wapo uchanisikira.

HABAKUKI 3:18

nichaboilwa andenyi ya BWANA, nichaboilwa andenyi ya Mlungu Mkiri wapo.

ZEKARIA 10:7

Wandu wa Israeli wichakaia na ndighi sa masikari; wichakaia na kuboilwa sa wandu wanywa divei. Wana wawo wichakumbuka wusimi ughu na kuboilwa, kwa wundu ghwa agho BWANA ughibonyere.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

LUKA 2:25

Nao ahoeni Jerusalemu, korekoghe na mundu uwangwagha Simeoni. Mundu uhu orekoghe mundu wa hachi umuobuagha Mlungu, nao orekoghe ukighuwesera ghuja wuhoreshi ghwa Israeli, na Roho Mweli orekoghe aighu kwake.

WAFILIPI 3:1

Kutua wanidu boilonyi andenyi ya Bwana. Siwonagha wasi ghungi ngamwandikia ngiwuria ghaja malagho gheni, na inyo ghimfwana.

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

TITO 2:13

dikijiwesera kwa isuwirio ijo Ituku jirasimilwagha, ja uko kuwoneka kwa wubaa ghwa Mlungu odu m'baa, na Mkiri Jesu Kristo.

1 PETRO 1:6

Inyo mwaboilwa andenyi ya maza iri, hata ngera idana kwa ngelo vui, yadimika mtiriro kwa matimo mazima mazima,

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

2 PETRO 3:12

mkiwesera, na kushashira uko kucha kwa Ituku ja Mlungu; kwa wundu ghwa ijo, mlungunyi kuchaaka modo na kusagha, na vilambo varo vichasagha kwa modo.

WUFUNUO 1:7

Olenyi uacha mawingunyi, na kula iriso jichammbona, na kula mundu oremdungieghe, na wandu wa mbari rose ra ndoenyi, wichakema mchungu kwa wundu ghwake. Niko koni. Amen.

WUFUNUO 22:20

Uo ushuhudiagha maza iri waghamba, “Loli niacha kafwani.” Amen. Choo Bwana Jesu.