ISAYA 25:6 - Biblia Ilagho Jiboie Kwa Wandu Wose

⁶ BWANA wa majeshi uchawibonyera karamu wandu wose aighu ya ughu mghondi; karamu ya manori, karamu ya divei ieresero irudie nicha, na vindo vicha vichulo ni manori.

ISAYA 25:6 Խաչաձեւ Հղումներ

ZABURI 36:8

Wadaghudishwa ni wungi ghwa vindo va nyumbenyi kwako, na oho kwadawinyosha kufuma modenyi ghwa kuboilwa kwako.

ZABURI 63:5

Irangi japo jichakatwa sa mundu waja vindo vinorie, nani nichakukasa kwa chumbo ra kuboilwa.

ZABURI 78:68

Ela oresaghueghe kichuku cha Juda, na Mghondi ghwa Sioni ugho ughukunde.

LUMBO 1:2

Ado ndakwanisusughaa na momu ghwako, kwa kukaia lukundo lwako lwaboie kuchumba divei.

LUMBO 1:4

Nido cha kwako dighende, Mzuri ndenido na kuningira chumbenyi kwake; dichaboilwa chiaimweri, na kulukuma lukundo lwako kuchumba divei; si ishiniko jingi oho kukundwa ni waka.

LUMBO 5:1

Nangia mbuwenyi kwapo wangolo, bibi arusi wapo niwaye manemane na vilungo vapo; nije wuki na mando ghapo gha choki; ninyo divei na mariwa ghapo. Jenyi wakundwa munyo; Nyonyi hata mmbongero ni lukundo.

ISAYA 1:19

Mkarumiria na kunisikira, mchaja mecha gha isanga;

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 56:7

nichawireda mghondinyi ghwapo ghwa Wueli Sioni, na kuwibonya wikaie na kuboilwa andenyi ya nyumba yapo elombia, vizongona vawo, na vizongona vekora nichavirumiria aighu ya madhabahu yapo, angu nyumba yapo ichawangwa nyumba elombia kwa wundu ghwa mbari rose ra wandu.”

JEREMIA 48:11

BWANA waghamba, “Moabu orekoghe na raha kufuma wanake ghwake, utumbanyikie sa divei, jingi iseghalusiro kudungirilwa chombo kizima, hata jingi ndedwalo wunyika; kwa huwo wadadua na luwala, na irumba jake ndejighalukie.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

ZEKARIA 8:3

Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

MATHAYO 26:29

Namghoria angu sichaanywa divei sena hata ituku jija nichaainywa mbishi andwamweri nenyo kwa wuzuri ghwa Aba.”

MATHAYO 8:11

Niko huwu namzera, wandu wengi wichacha kufuma mashariki na magharibi, wichasea kidombo andwamweri na Abrahamu, Isaaka, na Jakobo andenyi ya Wuzuri ghwa mlungunyi.

MARKO 16:15

Nao ukawizera, “Ghendenyi wurumwengunyi kose, chilenyi Ilagho Jiboie kwa wadamu wose.

LUKA 22:30

mpate kuja na kunywa mezenyi kwapo, kwa wuzuri ghwapo; na kusea kidombo vifumbinyi va nguma, mkiritanya iro mbari ikumi na iwi ra Israeli.”

LUKA 5:39

Hata ndekuwadie mndungi nyuma ya kunywa divei ya kala uwuyaakunda kunywa divei mbishi anduangi; angu uchaghamba, ‘Divei ya kala yaboie.’”

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WUFUNUO 19:9

Nao malaika ukanizera, “Andika huwu: Warasimilwa awo wiwangilo karamunyi ya harusi ya Mwana wa Ng'ondi.” Ukachuria kunizera, “Agha ni malagho gha loli gha Mlungu.”