ISAYA 25:1 - Biblia Ilagho Jiboie Kwa Wandu Wose

¹ Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 25:1 Խաչաձեւ Հղումներ

ZABURI 111:4

BWANA wabonya kazi rake ra mashiniko rikumbuko; wachua mvono na wughoma.

ZABURI 118:28

Oho ko Mlungu wapo; nichakufunyira chawucha. Oho ko Mlungu wapo nichaeresha wubaa ghwako.

ZABURI 145:1

Nichakukuma oho Mlungu wapo na mzuri wapo; nichajikasa irina jako kwa kala na kala.

ZABURI 146:2

Nichamkasa BWANA ngelo rose niko moyo; nicham'boria makaso kari kose.

ZABURI 31:15

Matuku ghapo gheeka mikonunyi kwako, kunikire na wamaiza wapo na awo winikorongagha.

ZABURI 40:5

Mabonyo ghako gha mashiniko, na mipango yako cha kodu ni mingi na ndighi ee BWANA Mlungu odu, ndekuwadie ungi udimagha kufwananishwa na oho! Ngera nadaghieresha na kughora malagho gharo, ndaghatalikagha.

ZABURI 40:6

Oho ndekuna haja ya vizongona na mafunyo ghangi; ela kwaniboisire mumbi. Ndekukunde vizongona vekora hata vizongona kwa wundu ghwa kaung'a anduangi.

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

ZABURI 75:2

Mlungu waghamba, “Nawikie ngelo etanya, nani nichatanya kwa hachi.

ZABURI 78:4

Ndedichaaghivisa kwa wana wawo, ela dichaghighora kwa kivalwa chichagha agho mabonyo gha BWANA gha wubaa, na kudima kwake; na agho mashiniko oreghibonyereghe.

ZABURI 89:1

Nichabora matuku ghose malagho gha lukundo lwako lukatie kwa kala na kala ee BWANA; nichaeresha malagho gha wuloli ghwako kwa vivalwa vose.

ZABURI 98:1

M'borienyi BWANA lumbo luwishi, angu wabonya maza ra mashiniko. Wasima kwa wudimi ghwake na kwa ndighi rake ra wueli.

ZABURI 99:5

Mkumenyi BWANA Mlungu odu; tasenyi maghunyi kwake; Uo ni Mweli.

KUFUMA 15:2

BWANA nuo ndighi rapo na lumbo lwapo, nao wawuya kukia kwapo; Uhu nuo Mlungu wapo, nani nichamkasa; ni Mlungu wa aba, nani nichamkuma.

ISAYA 11:5

Hachi ichakaia sa mkowa ghofunga kiwonu chake, na wuloli sa mkowa kiwonunyi kwake.

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 26:13

Hata ngera dabonyero nguma ni weke bwana wazima ee BWANA Mlungu odu, ela isi daawuyarumiria andenyi ya irina jako jiekeri.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 28:29

Na hikima ihi yose yadafuma kwa BWANA wa majeshi. Njama rake ni ra mashiniko richuagha hikima ndicha.

ISAYA 40:27

Kwaki kudedagha ee Jakobo? Kwaki kughoragha ee Israeli, “Navisikie mesonyi kwa BWANA, na hachi rapo nderiwuetalwa ni Mlungu wapo?”

ISAYA 46:10

Kufuma kala nadaghora maza richagha imbiri risechee, maza righorelo kon kala uko risebonyekie; ngighamba ‘Njama rapo richadua, na mipango yapo nichaikatisha;’

ISAYA 46:11

Naawuyawanga nyonyi eja nyama kufuma mashariki, uo mundu okatisha makusudi ghapo kufuma isanga ja kula. Namerie kujighora, najo jichakaia; namerie kujipanga, nani nichajikatisha.

ISAYA 49:4

Ela ini nereghambieghe, “Neebonya kazi nduu, ndighi rapo neeritumia kwa maza ra duu; ela kwa loli hachi yapo eko kwa BWANA, na malipo ghapo gheko kwa Mlungu wapo.”

ISAYA 49:5

Na idana, BWANA uo oreniumbieghe nikaie mdumiki wake kufuma kifunyi, eri nimghaluye wana wa Jakobo cha kwake, na Israeli upate kutumbanywa kwake, angu ninekelo ishima mesonyi kwa BWANA, na Mlungu wapo wawurie ndighi rapo.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 7:13

Isaya ukatumbulia, “Idana sikira, ee mwana wa kivalwa cha Daudi, Welee, konyu ni ilagho itini kuwisirisha wandu ndighi na hata kumsirisha Mlungu wapo ndighi wori?

JOELI 2:26

Idana mchaja na kughuda, nenyo mchamkasa BWANA Mlungu onyu um'bonyere maza ra mashiniko. Na jingi inyo wandu wapo ndemchaafushwa waya sena anduangi.

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

WAEFESO 1:11

Andenyi kwake Kristo, kunughana na ugho mpango ghwa Mlungu, uo uvikatishagha vilambo vose, karakara na njama ya lukundo lwake,

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.

WUFUNUO 7:12

wikighamba, “Amen. Makaso, na wubaa, na hikima, na chawucha, na ishima, na ndighi, na kudima ndevikaie kwa Mlungu odu, kwa kala na kala Amen.”