ISAYA 24:15 - Biblia Ilagho Jiboie Kwa Wandu Wose

¹⁵ Kwa huwo, mnekenyi BWANA wubaa kufuma mashariki, na wandu wikaiagha masanga gha pwani ndewijikase irina ja BWANA, uo Mlungu wa Israeli.

ISAYA 24:15 Խաչաձեւ Հղումներ

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

ISAYA 60:9

Ni meli ra Tarshishi richagha kufuma kula cha masanga ghwa pwani; rawuyareda wana wako wa womi, chiaimweri na feza na dhahabu rawo; kujineka ishima irina ja BWANA Mlungu wako, na Mlungu uo Mweli wa Israeli; kwa kukaia wamerie kukuneka wubaa.

ISAYA 51:5

Hachi yapo eko kaavui kucha, kukia kwapo kwalighisa kumchea; nichawibonyera wandu nguma kwa mkonu ghwapo, na wandu wa masanga gha pwani wichanisuwiria.

ISAYA 49:1

Nisikirenyi, inyo wandu wa masanga gha pwani, inyo mkaiagha kula nisikirenyi, BWANA orenisaghueghe imbiri nisevalo, ukanidema irina kufuma kifunyi kwa mao.

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 42:4

Uo ndechaalemwa angu kubwaghwa ngolo, hata umerie kuimangisha hachi ndoenyi; na masanga gha pwani ghaawuyaweseria sharia yake.”

1 PETRO 3:15

ela mumneke ishima Kristo ngolonyi konyu ukaie Bwana. Mkaie tayari ngelo rose, kumtumbulia mundu uo ose uchaamkotia malagho gha isuwirio muko najo andenyi konyu; ela tumbulienyi kwa wumboa na ishima,

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

MABONYO GHA WADUMI 16:25

Ela sa kio ghadi, Paulo na Sila werekoghe wikilomba Mlungu na kum'boria chumbo; na wafungwa wikakaia wikisikiria.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

ISAYA 66:19

na kumanya angu ni ini niwikabie. Kufuma kwa wandu wamu wawo wichaavuvuka, nichawiduma kwa iro mbari ra wandu: Tarshishi, Putu, na Ludi, awo witumiagha ndana, na kwa Tubali, na Javani, na kwa masanga gha pwani ghiko kula, awo wiseisikire nguma yapo angu kughuwona wubaa ghwapo; nawo wichaghenda na kughuchila wubaa ghwapo kwa iro mbari ra wandu.

ISAYA 41:5

“Wandu wa masanga gha pwani wawonie wikaobua, kutua kwa ndoenyi waawuyasughusika; wasoghoda kaavui wikacha.

ISAYA 25:3

Kwa wundu ugho, wandu wiwadie ndighi wichakukasa oho; mizi ya wandu wa mbari ring'etere ichakuobua.

2 WATHESALONIKE 1:12

eri irina ja Bwana odu Jesu Kristo jipate kukaswa andenyi konyu, na inyo andenyi kwake; karakara na mvono ghwa Mlungu odu na Bwana Jesu Kristo.

ESTA 10:1

Nao Mzuri Ahasuero ukafunya momu wandu wose isangenyi na masanga gha pwani andenyi ya wuzuri ghwake wifunye kodi.

ISAYA 12:4

Na ituku ijo mchabora huwu: “Funyenyi chawucha kwa BWANA mujiwangie irina jake, ghorenyi malagho gha mabonyo ghake kwa iro mbari ra wandu, ghorenyi kukaia irina jake ni ibaa.

ISAYA 26:8

Dakuweseria oho ee BWANA andenyi ya chia ya kutanya kwako; bea ya ngolo redu ni kujikumbuka irina jako.

ISAYA 42:12

Wandu wose wa pwani ndewim'borie BWANA makaso.