ISAYA 23:18 - Biblia Ilagho Jiboie Kwa Wandu Wose

¹⁸ Biashara rake na mafungu ghake ghupatagha ghichawikwa wakfu kwa BWANA. Ndeghichaawikwa akiba angu kungirwa malinyi, ela mali yaro ichatumilwa kureda vindo kwa wungi, na nguwo riboie kwa awo wimuobuagha BWANA.

ISAYA 23:18 Խաչաձեւ Հղումներ

ZABURI 45:12

Wandu wa Tiro wichakuredia manosi, wazuri wa mali wichalola kurumirilwa ni oho.

ZABURI 72:10

Wazuri wa Tarshishi, na awo wa visiwa, ndewimlipe kodi; na wazuri wa Sheba na Seba ndewimredie manosi.

ZABURI 72:11

Wazuri wose ndewimghoghomie, na mbari rose rimdumikie.

KUFUMA 28:36

“Kubonye kibau cha dhahabu ielie, nao kuchikote mbari ra dhahabu sa muhuri riandikilo ‘MWELI KWA BWANA.’

MAKATANISHO 13:22

Mundu mucha wawisighiagha weke wawae ifwa, ela mali ya mkaung'a yadawikilwa mhachi.

MAKATANISHO 28:8

Mundu uchuriagha mali rake kwa kuvara fwaida, uamtumbanyira mundu uko na wughoma na wakiwa.

MCHILI 2:26

Mundu ukam'boia Mlungu, uchamneka hikima na kumanya, na kuboilwa. Ela Mlungu wadamneka mkaung'a kazi ekwanya na kutumbanya, upate kumneka uo mundu um'boiagha. Iro naro ni maza ra duu, ni sa kulwa na mbeo.

EZEKIELI 26:12

Wichariwada mali rako na biashara rako, wichachikanya mawurigha na nyumba rako righokie; magho, na mbau, na ndoe rose wicharikumba cha baharinyi.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

ZEKARIA 14:14

Wandu wa Juda wichailuya Jerusalemu. Mali ya wandu wa mbari rose wiko mbai mbai ichakwanywa; dhahabu, feza, na marwao mengi nandighi.

MALAKI 3:10

Redenyi ifungu ja ikumi jose Hekalunyi, vindo vipate kuchua aho. Nitimenyi kwa chia iyo, mmbone ngera simrughuyagha madirisha gha mlungunyi, na kumdiria marasimio gha vindo vingi.

MATHAYO 25:16

Nao uja mdumiki orewusireghe talanto isanu ukafuma shwa wori ukashama naro, ukapata talanto zima isanu.

MARKO 3:8

Idumea na kimonu cha Jordani, na chia ra Tiro na Sidoni; izungu ibaa na ndighi. Wandu awo werechieghe kwa Jesu kwa kukaia weresikireghe maza rose orekoghe ukiribonya.

LUKA 12:33

Uzenyi ivo muko navo, mfunye makuwio, mkubonyere mmbeni vikuchu viserashukagha, mkuwikie mali mlungunyi andu risechaasia jingi, na vitoi viseiwagha, hata soya ingi isenonagha anduangi.

LUKA 8:3

na Joana mkake Kuza, m'baa wa kazi wa Herode, na Susana, na wazima wengi werekufunyireghe kumdumikia kwa mali rawo.

MABONYO GHA WADUMI 9:39

Petro ukawuka na kughendanya nawo. Nao iji wavika, wikamghenja gorofenyi. Waka wose wifulo ni womi, wikakaia kimusi kaavui nao wikilila, na kummbonyera Petro makoti na nguwo rose Dorkasi oreribonyereghe iji orekoghe moyo.

WAGALATIA 6:6

Uo mundu ufundishwagha Ilagho ja Mlungu, ndewaghane vilambo vose viboie na uo umfundishagha.