ISAYA 23:11 - Biblia Ilagho Jiboie Kwa Wandu Wose

¹¹ Mlungu wamerie kughorua mkonu ghwake aighu ya bahari, na kughusha agho mawuzuri; wamerie kughora kukaia ngome ra biashara ra Kanaani richukanyo.

ISAYA 23:11 Խաչաձեւ Հղումներ

KUZOYA 9:25

ukaghamba, “Kanaani ndewado ni njowe; uo uchakaia mzumba wa wazumba kwa waruna.”

ZABURI 46:6

Mbari ra wandu rabonya nganyi, mawuzuri ghasughusika; Mlungu wadeda, na ndoe ikasagha.

ZABURI 71:3

Kukaie kwapo mbanga ekimbiria, ngome imange enikira, angu oho ko mbanga yapo na ngome yapo.

KUFUMA 14:21

Niko Musa ukaghughorua mkonu ghwake aighu ya bahari; na BWANA ukaisindika bahari kwa mbeo mbaa ya mashariki kio chee, hata ukaghalusa andu kwa bahari kuwuye ndoe iomie, na machi ghikawaghanyika.

ISAYA 10:6

Nadamduma kwa mbari ya wandu winileghie, awo winibonyere ngakaia na machu nawo; upate kuwidwa wunyika kuwisoka vilambo vawo, na kuwifasha-fasha sa mazozo chienyi.”

ISAYA 13:13

Kwa huwo nichasughusa mlungunyi, na ndoenyi kuchasughusika hata kufume andu kwaro, ngelo Ini BWANA wa majeshi nichaawonyera machu ghapo ghibirie.

ISAYA 14:26

Agha nigho makusudi ghapo nighiwikie kwa wundu ghwa ndoenyi kose; na huwu niko mkonu ghwapo ghokaba ghwaghorolwa kwa mbari rose.”

ISAYA 19:5

Moda ghwa Naili ghuchapungua mboa-mboa, na machi gharo ghichaoma.

ISAYA 2:19

Wandu wichangia mbangenyi ra magho, na miruma ya ndoenyi wikiobua agho machu gha BWANA na wubaa ghwa nguma rake; iji uchaawuka kuisughusa ndoe.

ISAYA 23:10

Limenyi isanga jenyu inyo wandu wa Tarshishi seji wandu wa Naili wilimagha; kwa kukaia ndekuwadie mndungi omlindia sena anduangi.

ISAYA 23:3

wikadamba kula baharinyi. Mapato ghenyu gherekoghe viro kufuma Shihori, agho makuwido gha Misri; morekoghe wabonyi biashara na iro mbari rose ra wandu.

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 50:2

Kwaki mndungi userekoghe iji nerechieghe? Na kwaki mndungi useredikieghe iji nerewangieghe? Welee, ndighi rapo reepungua nisedimagha kukombua? Angu welee, siwadie ndighi rekira? Olenyi ngaikemia bahari yadaoma; nani nadaomera meda hata andu kwaro kuwuye ikara. Samaki raro rasowa machi naro rafwa kwa kau na kuwoa.

JEREMIA 47:7

Elaa, luhora wada na ini BWANA nilulaghirie lupate kubwagha wandu wa Ashkeloni na wandu wa pwani yaro?”

EZEKIELI 26:10

Farasi rake richakaia nyingi, rifukire teri ikufinikire. Mawurigha ghako ghichasughusika ingelo wajoki farasi wakaida na magare, ukingia mbengenyi ra muzi ghwavuchulwa.

EZEKIELI 26:4

Wichanona mawurigha gha Tiro, na kuchikanya minara yaro; nani nichakokorua ndoe raro hata kuwuye lwala.

EZEKIELI 31:16

Wandu wa iro mbari wichasughusika kwa wundu ghwa kughwa kwa ugho mudi, ingelo nichaaghukumba andenyi ya Andu kwa Wafu chiaimweri na awo wiseagha aho; midi yose ya Edeni, na iyo yose ikumikie ighokie ya Lebanoni, na yose inywagha machi aho, ichahoreshwa andenyi ya ugo wurumwengu ghwa wafu.

NAHUMU 1:14

BWANA wafunya itangazo huwu aighu yako ee Ashuru, “Ndekuchaakaia na kivalwa chewika irina jako. Nichainona milimu iko andenyi ya hekalu yako. Nichakubonyera kaburi angu isefwane kukaie moyo.”

HAGAI 2:7

Mbari rose ra wandu nicharikumba noko, na mali rawo wicharireda aha, na Hekalu ichachulwa ni mali.

ZEKARIA 14:21

na kula nyungu iko Jerusalemu na Juda ichawikwa kula kwa wundu ghwa wutasi kwa BWANA Uwadie-Ndighi-Rose, eri awo wose wifunyagha vizongona widime kuritumia kwa kudoghosa naro nyama ra vizongona. Ngelo iyo ikavika, ndekuchaakaia na m'bonyi biashara ungi Hekalunyi kwa BWANA Uwadie-Ndighi-Rose.

MARKO 11:17

Nao ukawifundisha, “Welee, ndeiandikilo, ‘Nyumba yapo ichawangwa nyumba ya malombi kwa mbari rose’, anguwada? Ela inyo mwaibonya mbanga ya viting'a!”

JOHANE 2:16

ukawizera awo werekoghe wikiuza maringo, “Rifunyenyi noko iri rose, msakeibonya nyumba ya Aba ikaie nyumba ezoghoria.”