ISAYA 22:15 - Biblia Ilagho Jiboie Kwa Wandu Wose

¹⁵ Bwana MLUNGU wa majeshi wanizerie nighende kwa Shebna uja mlindiri wa kinyumba cha mzuri kumzere,

ISAYA 22:15 Խաչաձեւ Հղումներ

1 WAZURI 4:6

Ahishari orekoghe mzighaniri wa ngome ya mzuri; na Adoniramu mwana wa Abda orekoghe mzighaniri wa wapakazi.

2 WAZURI 10:5

Niko uo m'baa orekoghe mzighaniri wa ngome, na uo orekoghe mlindiri wa muzi, chiaimweri na vilongozi vimu wikaduma malagho kwa Jehu wikighamba, “Isi de wadumiki wako, nesi dichabonya kula ilagho kuchaakunda dibonye. Ndedichaawika mzuri ungi, deekunda oho kubonye agha kughiwonagha ghaboie.”

2 WAZURI 18:18

Wikammbanga Mzuri Hezekia na wabaa wadadu wa mzuri wikacha; Eliakimu mwana wa Hilkia uo orekoghe mzighaniri wa nyumba ya mzuri, na Shebna uo orekoghe karani, na Joa mwana wa Asafu muandiki.

2 WAZURI 18:26

Nao Eliakimu mwana wa Hilkia, na Shebna, na Joa wikamzera uja m'baa wa majeshi gha Ashuru, “Dakulomba kudedanye nesi wadumiki wako kwa kiteto cha Kiarami, angu dachiichi; kusededanye nesi kwa Kiebrania dikisikirwa ni awandu wiko wurighenyi.”

2 WAZURI 18:37

Niko Eliakimu mwana wa Hilkia, uo orekoghe mzighaniri wa ngome ya mzuri, na Shebna, uo orekoghe karani, na Joa mwana wa Asafu muandiki, wikaghenda na nguwo rawo wameria kurirashua kwa wasi, wikamghoria Hezekia malagho ghose ghighorelo ni uja m'baa wa majeshi.

2 WAZURI 19:2

Ukawiduma Eliakimu, uo orekoghe mzighaniri wa ngome ya mzuri, na Shebna uo orekoghe karani, na wakohani wa kala wighende kwa Isaya mwana wa Amozi;

1 MALAGHO GHA NGELO 27:25

Awa niwo werekoghe wazighaniri wa vilambo va Mzuri: Azmawethi mwana wa Adieli, orekoghe mzighaniri wa nganya ra mali ra mzuri; Jonathani mwana wa Uzia, orekoghe mzighaniri wa mali ra isanga ra mizi mibaa na mitini chiaimweri na minara.

ISAYA 36:11

Niko Eliakimu, Shebna, na Joa wikamzera Rabshake, “Dakulomba kudedanye na isi wadumiki wako kwa kiteto cha Kiarami, kwa kukaia dachiichi; kusedede nesi kwa kiteto cha Kiebrania awandu wiko wurighenyi wichesikira.”

ISAYA 36:22

Niko Eliakimu mwana wa Hilkia, uo orekoghe m'baa wa nyumba ya mzuri na Shebna uo orekoghe muandiki, na Joa mwana wa Asafu, uo orekoghe karani, wikamchea Hezekia na nguwo rawo wameria kurirashua kwa wasi; wikamghoria malagho ghereghoreloghe ni uja Rabshake.

ISAYA 36:3

Nao Eliakimu mwana wa Hilkia, uo orekoghe m'baa wa nyumba ya mzuri, na Shebna uo orekoghe muandiki, na Joa mwana wa Asafu uo orekoghe karani, wikamchea Rabshake.

ISAYA 37:2

Ukawiduma Eliakimu uo orekoghe m'baa wa nyumba ya mzuri, na Shebna uo orekoghe muandiki na wakohani wabaa wirwae nguwo ra magunia, wighende kwa Isaya mwana wa Amozi.

MABONYO GHA WADUMI 8:27

Ukawuka ukaghenda. Nao ahoeni, korekoghe na Muethiopia umu kolowi, waziri wa Kandake malkia wa Ethiopia; orekoghe m'baa wa mali rake rose; wafuma Jerusalemu kutasa.