ISAYA 14:27 - Biblia Ilagho Jiboie Kwa Wandu Wose

²⁷ BWANA wa majeshi wamerie kukusudia kubonya huwo, nani udimagha kughalua? Mkonu ghwake ghokaba ghoko ghughorokie; nani udimagha kughiria?

ISAYA 14:27 Խաչաձեւ Հղումներ

2 MALAGHO GHA NGELO 20:6

ukaghamba, “Ee BWANA, Mlungu wa weke aba, wele oho si Mlungu kuko mlungunyi? Si oho kubonyeragha nguma mawuzuri gha mbari rose ra wandu? Oho kwawadie ndighi na kudima, hata ndekuwadie ungi udimagha kusimana nakumoni.

AYUBU 11:10

Mlungu ukacha na kukufungia jela ima ukuwange kutanyonyi, nani udimagha kumghiria?

AYUBU 23:13

Mlungu ndeghalukagha. Ndekuwadie mndungi udimagha kumtangala. Wadaboya seji koni ukunde.

AYUBU 40:8

Kwadima kunitala ini kukaia mkosi? Kwadima kunitanya ini kukaia mkosi eri oho kukaie mhachi?

AYUBU 42:2

“Naichi kukaia kwadima kubonya maza rose, hata ndekuwadie mpango ghungi ghwako ghudimagha kughirilwa anduangi.

AYUBU 9:12

Mlungu ukawusa-lee, nani udimagha kumghiria? Nani udimagha kumkotia, ‘Niki kubonyagha?’

ZABURI 33:11

Njama ya BWANA yadadua kwa kala na kala, makusudi gha ngolo yake ghadua hata vivalwa na vivalwa.

MAKATANISHO 19:21

Mipango ya mdamu ni mingi, ela lukundo lwa BWANA nilo lukatishwagha.

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

ISAYA 23:9

BWANA wa majeshi nuo orepangieghe maza iri; eri upate kunona uko kukujosa kwake; na kuwifusha waya awo wandu wake werenekeloghe ishima ndoenyi.

ISAYA 43:13

Ini ne Mlungu, nani neko Uo moni. Ndekuwadie mndungi udimagha kukira kufuma mkonunyi kwapo; nadabonya kazi mndungi usedimagha kuitangala.”

ISAYA 46:11

Naawuyawanga nyonyi eja nyama kufuma mashariki, uo mundu okatisha makusudi ghapo kufuma isanga ja kula. Namerie kujighora, najo jichakaia; namerie kujipanga, nani nichajikatisha.

ISAYA 8:10

Bonyenyi njama renyu, ela nderichaafwana anduangi. Ghorenyi agho ghose mkunde, ela ndeghichaakatia anduangi; kwa kukaia Mlungu oko andwamweri nesi.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

JEREMIA 4:28

Kwa wundu ghwa agha, ndoenyi ichakaia na wasi, na mlungunyi kuchawuya kwa chilu; kwa kukaia namerie kughora, namerie kubonya mipango; sichaaleka, hata sichaawuya nyuma.”

JEREMIA 44:28

Na awo wichaafufunuka kubwaghwa wudenyi, wichafuma isanga ja Misri na kuwuya cha isanga ja Juda, watinieri, na masighariko ghose gha wandu wa Juda wereghendieghe cha isanga ja Misri wichamanya ni ilagho jani jiko ja loli, ngera ni japo angu ngera ni jawo.

JEREMIA 49:20

Kwa huwo, sikira mpango nighubonyere ini BWANA aighu ya wandu wa Edomu, na makusudi ghapo aighu ya awo wandu wikaiagha muzi ghwa Temani. Hata wana wawo watini wichakurudulwa noko, na wandu nawo wichaobua.

JEREMIA 51:59

Seraia mwana wa Neria, wawae Mahiseia orekoghe mzighaniri m'baa wa nyumba ya Zedekia mzuri wa Juda. Mwaka ghwa kana ghwa kubonya nguma kwa Mzuri Zedekia, oreghendanyeghe na mzuri cha Babuloni; na ini Jeremia ngamneka malaghiro.

EZEKIELI 26:14

Nichakubonya kuwuye lwalwa luduu; kuchawuya andu koanikia nyavu ra wawadi samaki; ndekuchaaghwa sena anduangi; ini Bwana MLUNGU naghamba.”

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?