ISAYA 14:25 - Biblia Ilagho Jiboie Kwa Wandu Wose

²⁵ Nichawitotesha Waashuru andenyi ya isanga japo ja Israeli, na kuwiwadia-wadia aighu ya mighondi yapo; na ghongolo yawo ichafuma kwa wandu wapo, na msigo ghwawo ghuchainjika maweghenyi kwawo.

ISAYA 14:25 Խաչաձեւ Հղումներ

2 MALAGHO GHA NGELO 32:21

BWANA ukamduma malaika ikawibwagha mang'oni ghiwadie ndighi na vilongozi na wabaa wa kazi andenyi ya kambi ya Waashuru. Uo mzuri ukaghala cha mzawo na waya m'baa. Nao iji wangia andenyi ya nyumba ya mlungu ghwake, wana wamu wa wana wake weni, wikam'bwagha na lufu ahoeni.

ISAYA 10:12

Ela BWANA waghamba, “Ngameria agho nawuyaghibonya Mghondi ghwa Sioni na Jerusalemu, nichamkaba uo mzuri wa Ashuru wawuyakukasa na kukuduka.”

ISAYA 14:5

BWANA waghuchikanya mzata ghwa wawiwi, ugho mzata ghwa wabonyi nguma;

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

ISAYA 52:2

Wuka kukuanguo teri ee Jerusalemu kuko wunyikenyi; funyenyi minyororo iko singonyi konyu, ee wandu wa Jerusalemu muko wunyikenyi.

ISAYA 9:4

Kwa kukaia kwaichikanyire ghongolo erewilemerieghe, na ghuja mzata ghorewikabagha maongenyi; ugho mzata ghwa mkorongi, kwaghuchikanyire seji koresimieghe majeshi gha Midiani.

EZEKIELI 32:22

“Ashuru oko aho chiaimweri na izungu jake; makaburi ghawo ghammara chia rose, gha wandu wibwaghilo wudenyi.

EZEKIELI 39:4

Uchabwaghwa aighu ya mighondi ya Israeli, chiaimweri na masikari ghake wandu mkwanye. Nichamfunya ujigho ni nyonyi ra kula kichuku rijagha nyama, na nyamandu ra isakenyi.

MIKA 5:5

Mundu uo uchareda sere. Muashuri ukawada isanga jedu, na kuchikanya mawurighenyi kodu, dichamdumia vilongozi viwadie ndighi kumchumba wilo nao.

MIKA 5:6

Wichamsima Muashuri, ijo isanga ja Nimrodi, nawo wichadikira disekabo ni Waashuru iji wangia isangenyi kodu.

NAHUMU 1:13

Nichawimeria Wasiria, na kuiinja minyororo erekufungieghe.”

ZEKARIA 10:11

Wikaida aghadi ya bahari ya wasi ghwawo; ini BWANA nichaikaba mivo-mivo ya bahari, na andu kumilie kose kwa Moda ghwa Naili kuchaoma. Waashuru wikukasire wichaserwa na mang'oni gha wandu wa Misri wichalaghasha ndighi rawo.