ISAYA 14:24 - Biblia Ilagho Jiboie Kwa Wandu Wose

²⁴ BWANA Uwadie Ndighi Rose wabonya ighemi huwu, “Agho nighibonyere mpango ghichabonyeka, na makusudi ghapo ghichakatia.

ISAYA 14:24 Խաչաձեւ Հղումներ

KUZOYA 41:32

Uko kuwurilwa kawi kwa ndodo ya mzuri ni kughamba, Mlungu wamerie kujipanga ilagho ijo putu, sena uchajikatisha kafwani.

AYUBU 23:13

Mlungu ndeghalukagha. Ndekuwadie mndungi udimagha kumtangala. Wadaboya seji koni ukunde.

ZABURI 110:4

BWANA waghemie, nao ndechaaghaluka: “Oho ko mkohani kwa kala na kala kwa kunughishira wukohani ghwa Melkizedeki.”

ZABURI 33:10

BWANA wadarinona njama ra mbari ra wandu, na kuivurugha mipango yawo.

ZABURI 92:5

Ni mbaa saki iro kazi rako ee BWANA! Maghesho ghako gheko ndenyi nandighi!

KUFUMA 17:16

ukighamba, “Josa kiweto cha BWANA. BWANA uchabonya wuda na Waamaleki kivalwa hata kivalwa.”

MAKATANISHO 19:21

Mipango ya mdamu ni mingi, ela lukundo lwa BWANA nilo lukatishwagha.

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

ISAYA 10:5

BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 19:12

Wanjama wako wiko na hikima weko hao ee mzuri wa Misri? Ndewikughorie agho BWANA wa majeshi ughipangie kwa wundu ghwa Misri.

ISAYA 19:17

Isanga ja Juda jichareda kiture kwa Wamisri; wikakumbuswa malagho gha Juda tu, kula Mmisri uchangilwa ni wowa, kwa wundu ghwa mipango BWANA wa majeshi uibonyere aighu yawo.

ISAYA 55:8

BWANA waghamba, “Maririkanyo ghapo ndeghiko sa ghenyu, hata chia rapo nderiko sa chia renyu anduangi.

ISAYA 55:9

Sa iji koni mlungunyi kuko ighu kuchumba ndoenyi, niko koni na chia rapo riko ighu kuchumba renyu.

JEREMIA 23:20

Machu gha BWANA ndeghichaawuya nyuma, hata ghakatisha makusudio ghake, sa iji koni waghesha kubonya. Malagho agha ghichamtambukia nicha ngelo richagha.

JEREMIA 29:11

Angu naichi mipango niko nayo cha konyu, ni mipango ya sere, iseko ya wuwiwi, nipate kumneka isuwirio ngelo ra kutua.

JEREMIA 44:26

Kwa huwo sikirenyi seji ini BWANA nighambagha konyu inyo mmbose wandu wa Juda mkaiagha isanga ja Misri: Olenyi naghemie kwa irina japo ibaa, kukaia, irina japo ndejichaatumilwa sena ni mndungi wa Juda aha Misri ukighamba, ‘Naghema kwa BWANA ukaiagha moyo.’

JEREMIA 49:20

Kwa huwo, sikira mpango nighubonyere ini BWANA aighu ya wandu wa Edomu, na makusudi ghapo aighu ya awo wandu wikaiagha muzi ghwa Temani. Hata wana wawo watini wichakurudulwa noko, na wandu nawo wichaobua.

JEREMIA 50:45

Kwa huwo sikira mpango ghwapo ini BWANA nighubonyere aighu ya Babuloni, na makusudi ghapo nighibonyere aighu ya isanga ja Wababuloni. Loli wana wawo watini wichadwalwa noko, na kula umu uchaoboshwa.

KILILO CHA JEREMIA 3:37

Nani wafunya momu maza rikabonyeka isaakaia ni BWANA moni walaghira?

EZEKIELI 12:25

Ela ini BWANA nichadeda ijo ilagho nikunde kujighora, najo jichakatishwa. Ndejichaamuka, ela jichakatishwa matuku ghenyu ee wandu welegha; nichadeda ilagho na kujikatisha. Ini Bwana MLUNGU naghamba.”

EZEKIELI 39:4

Uchabwaghwa aighu ya mighondi ya Israeli, chiaimweri na masikari ghake wandu mkwanye. Nichamfunya ujigho ni nyonyi ra kula kichuku rijagha nyama, na nyamandu ra isakenyi.

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

AMOSI 8:7

BWANA, uo Mlungu wa Israeli waghemie, “Kwa loli jingi nidua niseliwie mabonyo ghawo ghizamie.

MATHAYO 11:25

Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

MABONYO GHA WADUMI 4:28

Nawo werebonyereghe ghose korekundieghe ghikatisho kwa mpango ghwako.

WAEFESO 1:9

Angu Mlungu wadimanyishire iyo ngasu ya lukundo lwake, kwa hikima yose na kumanya, kunughana na mpango ghwake oreghuwikieghe andenyi ya Kristo

WAEBRANIA 4:3

Angu isi dimerie kurumiria, dangia uko kuhora, seji Mlungu ughambie, “Nani ngajokwa ni machu ngaghema, ‘Na jingi ndewichaangia kuhorenyi kwapo anduangi.’” Mlungu oreghorieghe huwo, hata ngera kazi rake reumba wurumwengu rerekoghe rasia.

JOSHUA 11:20

Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.