ISAYA 10:4 - Biblia Ilagho Jiboie Kwa Wandu Wose

⁴ Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 10:4 Խաչաձեւ Հղումներ

ISAYA 22:2

Kwaki mkemagha inyo muzi ghwa ndoghoi mukukasire? Wandu wenyu ndewibwaghilo kwa lufu hata kufwa wudenyi anduangi.

ISAYA 24:22

Wichakwanywa chiaimweri kara kara na wafungwa andenyi ya kira, nawo wicharughilwa ahoeni kinenyi, na nyuma ya matuku mengi wichafunywa wipate kukabwa.

ISAYA 34:3

Gharia rawo nderichaarikwa, naro richawoa na kunuka; mighondi yose ichachulwa ni bagha rawo.

ISAYA 5:25

Kwa wundu ugho, BWANA orejokeloghe ni machu aighu ya wandu wake; ukaghorua mkonu upate kuwikaba, na mighondi ikasughusika; gharia ra awo wifue rikakaia sa wuchafu chienyi. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

ISAYA 66:16

BWANA uchareda kutanya kwa modo, na lufu lwake luchakaia aighu ya wandu wose wibonyagha kiwiwi, na awo wichaabwaghwa ni wengi.

ISAYA 9:11

Kwa huwo BWANA wawusira wamaiza aighu yawo, wipate kuwikaba.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.

ISAYA 9:16

Awa wawuyawilongoza awandu, waawuyawilaghasha chia; na awo wilongozwagha, waawuyatota.

ISAYA 9:17

Kwa huwu, BWANA ndewueboilwanya na ungi wa wandu wawo wa irika, hata ndena wughoma kwa wana wisena weke ndee na waka wakiwa; kwa kukaia kula umu ndena Mlungu, nao ni m'bonyi kiwiwi, na kula ilagho widedagha ni wuwiwi mduu. Hata huwo saki, machu gha BWANA ndeghisirie, mkonu ghwake ghokaba ghoko ghughorokie hata idana.

ISAYA 9:20

Wandu wakukwanyira vindo andu kose isangenyi, na kuja icho chose wichiwonagha, ela wasigharika wiko njala wokoni; hata wiaja wana wawo weni.

ISAYA 9:21

Manase na Efraimu wialwa weni na weni, na ii chia wiabonya wuda na Juda. Hata huwo saki machu gha BWANA ndeghisirie, ela mkonu ghwake ghokaba ghoko ghughorokie hata idana.

JEREMIA 15:2

Nawo wikakukotia, ‘Welee, dighende hao?’ Kuchawitumbulia, ‘BWANA naghamba huwu: “Wandu webwaghwa ni saka izamie, wichafwa kwa saka izamie, na awo webwaghwa wudenyi, wichafwa wudenyi, na awo webwaghwa ni njala, wichabwaghwa ni njala, na awo webarishwa, wichabarishwa.” ’

JEREMIA 37:10

Angu hata ngera mwadasima ijeshi jose ja Wababuloni wawuyalwa nenyo, nao wisigharike wandu washoghonolwa wiko andenyi hemenyi kwawo, wichawuka na kughukora ughu muzi.’”

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

HOSEA 9:12

Hata ngera walela wana, nichawiinja ungi usekaie moyo. Ngawisigha awa wandu, wichachelwa ni maza rizamie.”

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.