ISAYA 10:28 - Biblia Ilagho Jiboie Kwa Wandu Wose

²⁸ Majeshi gha mredi wuda ghajoka kufuma Rimoni, na kungia Ayathi! Waidiria aghadi ya Migroni na kuwika vilambo vawo aja Mikmashi.

ISAYA 10:28 Խաչաձեւ Հղումներ

NEHEMIA 11:31

Wandu wa kichuku cha Benjamini werekaieghe Geba Mikmashi, na Ai, na Betheli na mizi mitini iko kaavui.

ISAYA 8:8

Nawo wichangia na kuwiinja wandu wa Juda, seji machi ghichuagha na kudika-dika ii chia na ii chia, ghikidwa vilambo vose.” Mlungu oko andwamweri nesi.

MIKA 1:9

Kushoghonoka kwa Samaria ndekudimagha kuboa; Juda walighisa kupatwa ni wasi ugho ghoni; wuwiwi ghwacha hata mbengenyi ra Jerusalemu, andu wandu wapo wikaiagha.”

JOSHUA 7:2

Joshua ukaduma wandu kufuma Jeriko wighende Ai, muzi ghuko cha mashariki ya Betheli kaavui na Beth-aveni ukighamba, “Jokenyi mzighane jija isanga.” Wandu wikaghenda wikajizighana ijo isanga.

WATANYI 18:21

Niko wikazoya kughenda, wikawika wana wawo, mfugho rawo, na vilambo vawo naimbiri.

1 SAMUELI 13:2

Nao Sauli ukasaghua wandu elfu idadu. Uo moni ukakaianya na wandu elfu iwi aho Mikmashi na isanga ja mighondinyi ja Betheli; na wandu elfu imweri wikakaianya na Jonathani aja Gibea ya kichuku cha Benjamini; na wandu wazima wose ukawizera wighale kula mundu cha mzinyi kwake.

1 SAMUELI 13:23

Wafilisti wikafuma ngomenyi kwawo kwendalindia mwanya ghwa Mikmashi.

1 SAMUELI 13:5

Nao Wafilisti wikakwanyika na kukuwika tayari kulwa na Waisraeli. Werekoghe na magare elfu mirongo idadu, na wajoki farasi elfu irandadu, na masikari mazima wengi sa msangagha ghwa baharinyi. Wikajoka na kubonya kambi yawo aja Mikmashi, mashariki ya Beth-aveni.

1 SAMUELI 14:2

Sauli orekoghe ukikaia aisi ya mkomamanga aja Migroni kutua kwa Gibea; nao orekwanyeghe na wandu maghana arandadu;

1 SAMUELI 14:31

Ituku jija wikawikaba Wafilisti kufuma Mikmashi hata Aijaloni. Na wandu werekoghe wasilwa nandighi;

1 SAMUELI 14:5

Mchombololo ghumu ghorewukieghe chia ya kaskazinyi naimbiri ya Mikmashi, na ghumu chia ya kusinyi naimbiri ya Geba.

1 SAMUELI 17:22

Nao Daudi ukavisigha vija vindo na asikari umu olindia vilambo, ukakimbia na kungia ijeshinyi, ukawiroghua waruna.