HOSEA 9:8 - Biblia Ilagho Jiboie Kwa Wandu Wose

⁸ Mlungu ooniduma nikaie mlodi owionya wandu wake Israeli. Elaima kula andu nawuyaghenda mwawuyanideghia midegho sa nyonyi. Wandu waawuyanibonya m'maiza andenyi ya Hekalu icheni ya Mlungu.

HOSEA 9:8 Խաչաձեւ Հղումներ

1 WAZURI 17:1

Mlodi uwangwaghwa Elija wa isanga ja Tishbi jiko Gileadi ukamzera Ahabu, “Kwa irina ja BWANA Mlungu wa Israeli ukaiagha moyo, uo Mlungu nimdumikiagha, vua ndeichaanya ndoenyi hata mami ghangi kuwoneka isaakaia kwa ilagho nichaajighora.”

1 WAZURI 18:1

Nyuma ya matuku mengi, mwaka ghwa kadadu ghwa kusowa vua, BWANA ukamzera Elija, “Ghenda kukuwonyere kumoni kwa Ahabu, nani nichanyesha vua.”

1 WAZURI 18:19

Idana duma momu kuwikwanye wandu wose wa Israeli aho Mghondi ghwa Karmeli, chiaimweri na walodi wa Baali maghana ana na mirongo misanu, na wa ghuja mlungu ghwa waka Ashera maghana ana, awo wijagha mezenyi kwa Jezebeli.”

1 WAZURI 22:11

Mlodi umu uwangwagha Zedekia mwana wa Kenaana, ukabonya mbembe ra chuma ukamzera Ahabu, “BWANA waghamba huwu, kuchawisindika Wasiria na iri mbembe hata kuwitoteshe.”

1 WAZURI 22:22

BWANA ukaikotia, ‘Kumkalia-kalia wada?’ Ikatumbulia, ‘Nichaghenda ningire malagho gha tee andenyi ya walodi wake, wipate kuloda malagho gha tee.’ BWANA ukaghamba, ‘Oho kudima kumkalia, ghenda kumkalie, kuchasima.’

1 WAZURI 22:28

Mikaia ukaghamba, “Kawona kwawuya kwa sere, BWANA ndeghorie nani anduangi.” Ukachuria kughamba, “Sikirenyi mmbose seji naghamba.”

1 WAZURI 22:6

Nao Ahabu ukawikwanya walodi chiaimweri, sa wandu maghana ana, ukawizera, “Mmbona wada, nijoke Ramoth-Gileadi kulwa wuda angu nisejoke?” Walodi wikamzera, “Joka, kwa kukaia BWANA uchakuneka wusimi.”

2 WAZURI 13:21

Ituku jimu, iji wandu werekoghe wikirika mndumu, wikawona ijeshi ja wandu jikijoka; wikaikumba ija gharia andenyi ya kaburi ya Elisha. Uendaadada maindi gha Elisha, uja mundu ukaruka na kukaia kimusi.

2 WAZURI 2:14

Niko ukawada ija shuka ya Elija erempotokieghe, ukaghikaba ghaja machi ukighamba, “Uo BWANA, Mlungu wa Elija oko hao?” Umeria kughikaba ghaja machi, ghikadumbuka ghadi na ghadi; Elisha ukaruwuka.

2 WAZURI 2:21

Niko Elisha ukaghenda andu ndoria yaro iko ukadunga icho chumbi ukighamba, “BWANA waghamba huwu, ‘Nameria kughiboisa machi agha, nagho ndeghichaareda kifwa, hata kuibonya ndoe isowe mavalo.’”

2 WAZURI 4:41

Elisha ukaghamba, “Redenyi mufu.” Ukaghudunga ugho mufu nyungunyi, ukaghamba, “Wibeghienyi wije.” Nawo wikaja hata ndevicheekaia na ilagho jingi anduangi.

2 WAZURI 4:43

Ela mdumiki wake ukaghamba, “Nidima wada kuwineka wandu ighana vindo ivi viwikate?” Elisha ukawuria kughora, “Neka wandu vindo wije; angu BWANA waghamba, Wichaja hata wisighare.”

2 WAZURI 5:14

Nao ukaghenda na kukungira Jordani mando mfungade, karakara na ilagho ja mundu wa Mlungu, na mumbi ghwake ghukawuya ghudendere sa ghwa mwana mtini; ukaeleshwa.

2 WAZURI 5:27

Ola sima ya Naamani ichakuwada oho na kivalwa chako kwa kala na kala.” Nao Gehazi ukafuma imbiri ya Elisha wameria kuwadwa ni sima ielie sa thaluji.

2 WAZURI 7:19

uja m'baa ozighana maza ra mzuri odemzera mlodi Elisha, “Hata BWANA moni ukabonya mawingu ghidie viro sa vua inye sa idime jeni, loli idimika ilagho sa ijo jikaie?” Na mlodi ukamtumbulia, “Oho kuchawona na meso ghako, ela ndekuchaaja.”

2 WAZURI 7:2

Uja m'baa ozighana maza ra mzuri ukamzera mlodi Elisha, “Hata BWANA moni ukabonya mawingu ghidie viro sa vua idime jeni, loli idimika ilagho ijo jikaie?” Elisha ukatumbulia, “Ola kuchawona na meso ghako, ela ndekuchaaja.”

ZABURI 124:7

Deefufunuka sa nyonyi ifumie mdeghonyi ghwa mdiwi; mdegho ghoochika, nesi dikaafufunuka!

MCHILI 9:12

Mdamu ndeichi ngelo yake. Sa iji koni samaki riwadwagha ni nyavu, na nyonyi kuwadwa ni mdegho, huwo koni wadamu wadawadwa ni malagho ghizamie shwa wori.

LUMBO 3:3

Walindiri wa muzi wereniwonieghe; ngawikotia, “Mwaniwonia mkundwa wapo ngera?”

ISAYA 62:6

Nawikie walindiri welindia mawurigha ghako ee Jerusalemu, ndewichaanyama na dime hata nakio. Inyo mumkumbusagha BWANA maza, msehore;

JEREMIA 11:19

Ela nerekoghe sa mwana wa ng'ondi uko kima, ughenjwagha kubwaghonyi. Seremanyireghe wei iyo njama ni aighu yapo wereibonyereghe wikighamba, “Nndokonyi dighunone mudi chiaimweri na matunda gharo, ndedim'bwaghe dimuinje isangenyi, irina jake jisechekumbukwa sena.”

JEREMIA 14:13

Niko ngaghamba, “Ee Bwana MLUNGU, ola awo walodi wadawizera awa wandu wei ndewichaabwaghwa wudenyi kungi, hata kwa njala; kedi wei kwalaghirie sere ichakaia andenyi ya isanga jedu.”

JEREMIA 23:13

Nawonie ilagho jizamie na ndighi, kwa walodi wa Samaria; walodere kwa irina ja Baali, na kuwilaghasha wandu wapo Israeli.

JEREMIA 31:6

Ngelo ichacha walindiri wichaawanga andenyi ya isanga ja mighondinyi ja Efraimu, ‘Wukenyi dijoke Sioni kwa BWANA Mlungu odu.’”

JEREMIA 6:14

Waawuyatima kuboisa chonda cha wandu wapo ighu ighu tu; wikighamba, ‘Sere, sere,’ sena sere ingi iseko.

JEREMIA 6:17

Nawikie walindiri aighu yako ngighamba, ‘Sikirenyi lwaka lwa tarumbeta.’ Ela wikaghamba, ‘Ndedilusikiragha.’

KILILO CHA JEREMIA 2:14

Walodi wako weeduakughoria tee; machilo ghawo gheeduakukalia kwa kuleghafunukua kaung'a yako. Wikakubonya kugheshe wei ndekune haja ehea.

KILILO CHA JEREMIA 4:13

Agha gheebonyeka kwa kukaia walodi wake wabonyere kaung'a, na wakohani wake wikabonya makosa ghiwishekerie wandu wa hachi kubwaghwa.

EZEKIELI 3:17

ukighamba, “Mwana wa mdamu, nakubonya kukaie mlindiri aighu ya wandu wa Israeli; kukasikira ilagho jingi kwapo, kuwionye.

EZEKIELI 33:7

“Kwa huwo ee mwana wa mdamu, nakuwika oho kukaie mlindiri aighu ya wandu wa Israeli. Iji kwasikira ilagho kufuma kwapo, kuchawionya wandu.

HOSEA 5:1

“Sikirenyi agha inyo wakohani! Sikirenyi agha ee wandu wa Israeli! Sikirenyi inyo wandu wa kinyumba cha wuzuri! Kutanya uku ni aighu enyu; kwa kukaia mwamerie kuwuya mdegho kwa Mispa, nyavu ideghelo aighu ya Mghondi ghwa Tabori,

HOSEA 9:7

Ngelo ekabwa yameria kuvika, agho matuku gha wandu kulipwa agho ghiwifwanagha. Matuku agho ghikacha, Israeli ichaghimanya. Inyo mwaawuyaghamba, “Uhu mlodi ni mkelu; umundu uchulo ni Roho ooka na isu.” Inyo mwaawuyazamilwa ni ini angu kaung'a renyu riko nyingi.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

MIKA 7:4

Mundu uboie uko mloli kuchumba wose, kwawo wadamenywa na kuwoneka sa isaka. Ituku jekabwa ni Mlungu jameria kuvika; kwa kukaia wawionyere kwa kutumia walindiri wake, awo walodi. Idana walaghalwa ni akili.

JOHANE 15:24

Ngera serechieghe na kuribonya iro kazi mndungi jingi useribonyere, kumangu ndewiwadie kaung'a; ela idana wawonie agha nighibonyere, wikazamilwa ni ini, hata na Aba wori.

WAROMA 3:7

Ela ikakaia kwa chia ya makosa ghapo, loli ya Mlungu iawonyera wubaa ghwake worinyi, kwaki sena ini niduagha ngitanywa kukaia mkaung'a?

WAEBRANIA 13:17

Muvisikire vilongozi venyu na kukuwika aisi kwawo, angu vaawuyacheresha kwa wundu ghwa roho renyu, kwa kukaia wichafunya mtalo ghwa wudumiki ghwawo. Bonyenyi huwo wipate kudumika kwa kuboilwa isakekaia kwa wasi; angu wikabonya kwa wasi, ndempatagha fwaida ingi anduangi.