HOSEA 6:6 - Biblia Ilagho Jiboie Kwa Wandu Wose

⁶ Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

HOSEA 6:6 Խաչաձեւ Հղումներ

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

ZABURI 50:8

Sikukemiagha kwa wundu ghwa vizongona vako, na vizongona vako vekora kuvifunyagha imbiri kwapo tulituli.

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

MCHILI 5:1

Kukakaghenda Hekalunyi kukulindie. Ba kughenda aho kukufundishe, kuchumba kufunya vizongona sa wakelu wisemanyagha mecha na mawiwi.

ISAYA 1:11

BWANA waghamba, “Uko kunifunyira vizongona vingi ni kilamboki kwapo? Nakojere vizongona vekora va bauru; na mavuda gha nyamandu ribandie. Siboilwagha ni bagha ra njau, angu wana wa ng'ondi na fwandi.

ISAYA 58:6

“Nechi kufunga tumu nikukunde ini ni uku: kuvifungua vifungo va makorongo, kuinja ghongolo isena hachi, na kumlekeria uo ukorongelo ukaie huru, chiaimweri na kuchikanya kula ghongolo?

JEREMIA 22:16

Oretanyireghe kwa hachi maza ra mkiwa na uo usowie, nao ukawona nicha. Uko niko kuwangwagha kummanya BWANA.

JEREMIA 7:22

Angu jija ituku neremjosereghe kufuma isanga ja Misri, sereghorieghe na weke ndeyo angu kufunya momu ghungi kwawo aighu ya vizongona vekora na vizongona vizima anduangi.

DANIELI 4:27

Kwa wundu ugho ee mzuri, njama yapo ndeirumirikie imbiri kwako. Sigha kaung'a rako, kuinughe hachi; kusighe mawiwi, kuwonyere wughoma kwa awo wikorongelo eri kukaie na sere na kuwona nicha.”

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

HOSEA 2:20

Nichamangisha ilaghiro japo na kukubonya kukaie wapo; na oho kuchanirumiria kukaia BWANA.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

AMOSI 5:21

BWANA waghamba, “Nadazamilwa ni ndima renyu ra dini, sidimagha kurirumaghia.

MIKA 6:6

Ngakacha kumtasa BWANA Mlungu uko mlungunyi, nimdwaia kii? Niamdwaia ngache riboie kwa vizongona vekoraa anguwada?

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

MATHAYO 12:7

Na ngera modemanya kutambua kwaro malagho agha: Neekunda wughoma ela si kizongona kungi; ndamwawitanyagha wandu wiseko na makosa anduangi.

MATHAYO 5:7

Warasimilwa awa wiko na wughoma, angu awo wichafuilwa wughoma.

MATHAYO 9:13

Ghendenyi mkufundishe kutambua kwaro malagho agha: ‘Neekunda wughoma si kizongona kungi.’ Serechieghe kuwiwanga wandu wecha anduangi, ela wandu wa kaung'a.”

MARKO 12:33

Na kumkunda kwa ngolo yose, na kwa akili rose, na kwa ndighi rose, na kumkunda mmbenyu sa iji kukukunde kumoni, kwachumba putu vizongona vose.”

JOSHUA 5:5

Hata ngera wandu wose werefumieghe Misri wereshamishiroghe, ela awo wandu wose werevailoghe chienyi kireti nyuma ya kufuma Misri, ndewereshamishiroghe anduangi.

1 JOHANE 2:3

Huwu niko didimagha kukaia na wuloli kukaia damwichi Mlungu, iji daiwadia memu yake.

1 JOHANE 3:6

Kula mundu ukaiagha andenyi ya Kristo, ndebonyagha kaung'a, uo ubonyagha kaung'a ndemmbonie jingi, hata ndemmanyire anduangi.

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.