HOSEA 2:22 - Biblia Ilagho Jiboie Kwa Wandu Wose

²² na ndoe ichava viro, na zabibu, na zeituni kwa wungi.

HOSEA 2:22 Խաչաձեւ Հղումներ

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.

JEREMIA 24:7

Nichawineka ngolo emanya kukaia ini ne BWANA, nawo wichawuya wandu wapo, nani nichakaia Mlungu wawo, kwa kukaia wichaniwuria kwa ngolo rawo rose.

JEREMIA 31:12

Wichacha wikibora kwa lwaka lubaa, aighu ya Mghondi ghwa Sioni; nawo wichaja manori mecha gha BWANA, gha viro, na divei, na mavuda; gha ng'ondi na ng'ombe ngoo, na marangi ghawo ghichawuya sa mbuwa inyoshere nawo ndewichaasowekelwa sena anduangi.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

HOSEA 1:4

BWANA ukamzera Hosea, “Mmbange irina jake Jezreeli, angu yasighwa ngelo ndinieri, nani nichamkaba Mzuri Jehu kwa wundu ghobwagha wandu Jezreeli, nani nichaghumeria wuzuri ghwa wandu wa Israeli.

HOSEA 14:7

Wichacha na kukaia aisi ya wulindiri ghwapo, wichalima na kupata viro, wichakaia nicha sa mzabibu. Wichaboa sa ija divei ya Lebanoni.

JOELI 2:19

BWANA ukawitumbulia wandu wake ukighamba, “Olenyi nimredia viro, na divei na mavuda ghimkate; wandu wa iro mbari zima ndewichaammenya sena anduangi.

ZEKARIA 8:8

na kuwireda kufuma mashariki na magharibi wipate kukaia Jerusalemu. Wichakaia wandu wapo na ini nichakaia Mlungu wawo uwibonyeragha nguma kwa wuloli na kwa hachi.