HOSEA 2:15 - Biblia Ilagho Jiboie Kwa Wandu Wose

¹⁵ Nichammbunjira mbuwa yake ya mizabibu, na kubonya Vololo ya Akori iwuye mnyango ghwa isuwirio. Aho uchanitumbulia sa iji orekoghe wa irika, sa ngelo orefumieghe Misri.

HOSEA 2:15 Խաչաձեւ Հղումներ

1 WAZURI 16:31

Nderekatoghe ni uko kunugha kaung'a ra Jeroboamu mwana wa Nebati; ukachuria, ukamlowua Jezebeli mwai wa Mzuri Ethbaali wa Sidoni; ukatasa Baali.

ZABURI 106:12

Niko wandu wake wikajirumiria ilagho jake; wikam'boria makaso.

ZABURI 129:1

Israeli, dighorie seji kukorongelo ni wamaiza wako kufuma wanake ghwako.

ISAYA 65:10

Sharoni ichawuya andu kolishira ng'ondi, na Vololo ya Akori ichawuya andu kodimishira ng'ombe ra wandu wapo werenilolieghe.

ISAYA 65:21

Wichaagha nyumba na kukaia andenyi yaro, nawo wichawa mizabibu na kuja matunda gharo.

JEREMIA 2:1

BWANA ukaghora nani ukighamba,

JEREMIA 2:2

“Ghenda kuwizere wandu wa Jerusalemu, BWANA waghamba welee, Nakumbuka sa iji korekoghe mloli ngelo ya wanake ghwako, sa iji korenikundeghe kara kara na bibi arusi, sa iji koreninughieghe kireti isanga jisedimagha kuwalwa kindo chingi.

JEREMIA 29:11

Angu naichi mipango niko nayo cha konyu, ni mipango ya sere, iseko ya wuwiwi, nipate kumneka isuwirio ngelo ra kutua.

JEREMIA 3:4

“Na idana kwanizera, ‘Oho ko aba, korenikundieghe kufuma niko mwanake;

JEREMIA 32:15

Angu BWANA wa majeshi uo Mlungu wa Israeli waghamba huwu: Nyumba, na mbuwa ra mizabibu richaghulwa sena andenyi ya iji isanga.’

KILILO CHA JEREMIA 3:21

Ela nadawurilwa ni isuwirio iji nakumbuka ilagho iji:

EZEKIELI 16:22

Na andenyi ya ugho wuchafu ghwako ghose, na wumalaya ghwako, jingi ndekukumbukie matuku gha wanake ghwako, ngelo korekoghe duu putu kukighala-ghala a baghenyi kwako.

EZEKIELI 16:60

elaima nichajikumbuka ilaghano japo nerejibonyereghe na oho ngelo ya wanake ghwako; nani nichajimangisha jiwuye ilaghano ja kala na kala.

EZEKIELI 16:8

“Iji nereidieghe kaavui na oho sena, ngakuzighana na kuwona angu kwameria kuzoghua na kuvika ngelo ekundwa; ngaghorua kidambi cha nguwo yapo, ngakufinikira wuduu ghwako; ee, ngakubonyera ilaghano, na oho kukawuya wapo. Ini Bwana MLUNGU naghamba.

EZEKIELI 28:25

Bwana MLUNGU waghamba huwu, “Ngelo nichaawitumbanya wandu wa Israeli kufuma andu kose kwa awo wandu nerekoghe nawisaghisa, na kuwonyera wueli ghwapo aghadi ya iro mbari ra wandu, wichakaia isangenyi jawo jeni, ijo neremnekieghe mdumiki wapo Jakobo.

EZEKIELI 28:26

Nawo wichakaia banana andenyi ya ijo isanga; wichaagha nyumba na kuwa mizabibu. Wichakaia banana ingelo nichaatanya awo wambao werewikitagha; nawo wichamanya kukaia ini ne Bwana MLUNGU.”

HOSEA 11:1

BWANA waghamba, “Iji Israeli orekoghe mwanake, neremkundeghe; kufuma Misri ngammbanga mwanwapo.

HOSEA 12:13

BWANA oremdumieghe mlodi kuwifunya wandu wa Israeli isanga ja Misri; kwa chia ya uo mlodi, wikalindilwa.

HOSEA 12:9

Ela ini BWANA Mlungu wako nerekulongozereghe kufuma Misri, nichakubonya kukaie hemenyi sena iji nerekukueghe aho kireti.

HOSEA 13:4

BWANA waghamba, “Ini ne BWANA Mlungu wako nikufunyire kufuma isanga ja Misri. Ndekuwadie Mlungu ungi mzima ela ini moni, ndekuwadie mkiri ungi mzima kunichumba ini.

HOSEA 2:12

Nichainja mizabibu na mitini yake, iyo orekoghe ukighamba wei wakundwa wake wedemneka kwa wundu ghowidumikia. Nichaighalua mizabibu na matunda ghake ghiwue kireti.

AMOSI 9:14

Nichawiwunja wandu wapo Israeli isangenyi kwawo. Wichaagha sena maghacho gha mizi yawo inonelo, na kuikaia; wichawa mizabibu na kunywa divei yaro; wichalima mbuwa na kuja matunda gharo.

ZEKARIA 9:12

Wuyenyi inyo m'barishiro muko na isuwirio, wuyenyi andu konyu kwa wubanana. Naghamba nichamlipa marasimio mando awi.

MITALO 21:17

Niko Waisraeli wikabora lumbo ulu: “Vumbuluka machi ee kiriwa, nesi dichakuboria;

JOHANE 10:9

Ini nuo mnyango, uo ungiagha kwa kuidiria kwapo, uchakia; nao uchangia, na kufuma, na kuwona malisho.

MABONYO GHA WADUMI 14:27

Hata iji wavika Antiokia, wikajikwanya ikanisa na kuwighoria malagho ghose Mlungu orekoghe waghibonya andwamweri nawo, na seji urughue mnyango ghwa irumirio kwa wandu wa mbari zima.

JOSHUA 7:26

Wikakumba kitungu cha magho aighu yawo, nacho cheko aho hata linu. Niko machu gha BWANA ghikahoa. Kwa huwo, andu aho kwawangwa Vololo ya Akori hata linu.

WATANYI 8:34

Na wandu wa Israeli ndeweremkumbukieghe BWANA Mlungu wawo, uo orewivuvueghe kufuma mikonunyi kwa wamaiza wawo wose kula andu;