HOSEA 14:7 - Biblia Ilagho Jiboie Kwa Wandu Wose

⁷ Wichacha na kukaia aisi ya wulindiri ghwapo, wichalima na kupata viro, wichakaia nicha sa mzabibu. Wichaboa sa ija divei ya Lebanoni.

HOSEA 14:7 Խաչաձեւ Հղումներ

ZABURI 138:7

Hata ngera naidia andenyi ya wasi, kwadanilindia; kwadawitangala wamaiza wapo wiko na machu, na kunikira kwa ndighi rako.

ZABURI 85:6

Welee, ndekuwuyaadikaisha moyo sena, wandu wako wipate kuboilwa?

ZABURI 91:1

Uo ose ukaiagha aisi ya wulindiri ghwa Uo-Uko-Aighu-Nandighi, uo ukaiagha aisi ya kiju cha Uo-Uwadie-Ndighi-Rose,

LUMBO 2:3

Mkundwa wapo ukakaia aghadi ya wambenyu, ni sa mudi ghwa matunda ghadi na ghadi ya msidu. Naboilwa ni kusea kidombo kijunyi kwake; itunda jake jasingie nandighi.

LUMBO 4:11

Memu yako iadika wuki bibi arusi wapo; lumi lwako luadika mariwa na wuki kwapo. Nguwo rako reeka na irumba jose ja Lebanoni.

LUMBO 6:11

Nereserieghe cha mbuwenyi ya milozi, nizighane seji miwalwa ibukie vololonyi; niwone ngera mizabibu yashekera, angu ngera mikomamanga yawusa.

ISAYA 61:11

Sa iji koni ndoe ibusagha miwalwa, na sa iji koni mbuwa ibonyagha mbeu riwalo ribuke ni huwo koni BWANA uibonyagha hachi na makaso ghiwoneke worinyi kwa mbari rose.

EZEKIELI 17:23

Nichaghuwa aighu ya mghondi mlacha ghwa Israeli ghupate kubonya mbashu na kuva matunda. Ghuchawuya mudi ghwa sida ghwa ishima, na nyamandu ra mbari rose richakaia aisi ya kiju chake, na nyonyi ra mbeonyi wori ra kula kichuku richabonya vijungu aisi ya mbashu rake.

HOSEA 14:5

Nichakaia kwa wandu wa Israeli, sa vua kwa ndoe iomie wichaghoka sa maua; wichadunga miri sa midi ya Lebanoni.

HOSEA 2:21

Ngelo iyo nichatumbulia malombi gha wandu wapo Israeli; nichabonya vua inye ndoenyi,

HOSEA 2:22

na ndoe ichava viro, na zabibu, na zeituni kwa wungi.

HOSEA 6:2

Nyuma ya matuku awi uchadirukisha, na ituku ja kadadu uchadimangisha, dipate kukaia kimusi imbiri kwake.

ZEKARIA 8:12

Wandu wichawa kwa sere, mzabibu ghuchava matunda gharo, na ndoe ichachuria mavalo gharo, na vua ichanya; nani nichawibonya awa wandu wisigharikie wipate agha marasimio ghose.

JOHANE 11:25

Jesu ukamzera, “Ini nuo uko kuruka na irangi. Uo unirumiriagha ini, hata ngera wafwa, uchakaia moyo;

JOHANE 12:24

Namghoria loli, ngera mbeu ya ngano isepotokagha andonyi na kufwa, ichakaia cheni iekeri, ela ikafwa ichava viro vingi.