HOSEA 14:4 - Biblia Ilagho Jiboie Kwa Wandu Wose

⁴ BWANA waghamba, “Nichawiwunja wandu wapo cha kwapo. Nichawikunda kwa ngolo yapo yose; hata sichaakaia na machu nawo sena anduangi.

HOSEA 14:4 Խաչաձեւ Հղումներ

ZABURI 10:14

Ela oho kwawuyawona ee Mlungu, kwawuyazighana wasi na kusumbuka kwawo; koko tayari kutesia. Mkiwa wadakuwika kwako, na oho kwadawitesia wana wakiwa.

ZABURI 20:8

Wichadumbuka na kughwa; ela isi dichawuka na kumanga kimusi.

ZABURI 78:38

Ela uo kwa kukaia wa wughoma, orewifuyeghe wughoma kaung'a rawo hata nderewitoteshereghe anduangi. Oreghimazirieghe machu ghake mando mengi, eri ghisechewuka ghose.

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

ISAYA 12:1

Ituku ijo kuchabora huwu: “Nichakufunyira chawucha oho ee BWANA, kwa kukaia hata ngera korekoghe na machu aighu yapo, ela koreghalukieghe na kunihoresha.

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

ISAYA 57:18

Namerie kuwona mighendo yake, ela nichamkira, na kumlongoza, na kumhoresha;

JEREMIA 14:7

Wandu wapo wanililia, ‘Hata ngera mawiwi ghedu ghadishuhudia, bonya ilagho kwa wundu ghwa irina jako ee BWANA, angu kuwuya nyuma kodu ni kubaa; dabonyere kaung'a aighu yako.

JEREMIA 17:14

Kuniboise ee BWANA, nani nichaboa; kunikire nani nichakia angu ni oho kuekeri nikukasagha.

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.

JEREMIA 31:20

“Welee, Israeli si mwana wapo mkundwa? Welee, si mwana wapo, wa ngolo wapo? Kula ngelo nidedagha kiwiwi aighu yake, nadawuya nimkumbuke sena; kwa huwo ngolo yapo yakaia na bea nao, nani kwa loli nichamfuya wughoma.

JEREMIA 33:6

Olenyi nichaghuredia ughu muzi wuboisi na wubanana, nani nichawiboisa wandu waro na kuwiwonyera wungi ghwa mecha na wulindiri.

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

JEREMIA 8:22

Wele wughanga ghungi ghohoresha ndeghuko Gileadi? Ndekuwadie mghanga ungi aho? Kwaki sena wandu wapo wiseboagha?

EZEKIELI 33:14

Sena ngamzera mundu mmbiwi, ‘Loli kuchafwa,’ nao ughaluke na kuisigha kaung'a yake, na kubonya agho ghiko gha loli na gha hachi,

EZEKIELI 36:36

Aho niko iro mbari ra wandu risigharikie rimmarie chia rose richamanya kukaia ini BWANA, namerie kuiagha iyo mizi, na kuibonya iyo mizi eresighiloghe miduu ikailo ni wandu. Ini BWANA najighora ilagho iji, nani nichajikatisha.”

HOSEA 11:7

Wandu wapo wachuria kughaluka na kunilegha. Wichalila kwa wundu ghwa ghongolo iko kwawo, ela ndekuwadie mndungi uchaaiinja kufuma kwawo.

HOSEA 2:19

“Israeli, nichakuwusa kukaie mkapo; nichakaia mhachi na mloli kwako; nichakuwonyera wughoma na lukundo lukatie na kukubonya kukaie wapo kwa kala.

HOSEA 6:1

Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

MITALO 25:11

“Finehasi mwana wa Eleazari wawae mkohani Haruni, wahoresha machu ghapo aighu ya wandu wa Israeli, kwa kulegharumaghia ugho wutasi ghwa milungu mizima iseko ini, nisechewimeria wandu wa Israeli.

MITALO 25:4

BWANA ukamzera Musa, “Wada wabaa wose wa wandu kuwibwaghe na kuwiwika airuwenyi imbiri yapo, eri machu ghapo ghiko mabaa aighu ya wandu wa Israeli ghipate kuhoa.”

WAROMA 3:24

wiatalwa kukaia na hachi duu kwa mvono ghwa Mlungu sa inosi, kwa chia ya wukomboli ghuko kwa Kristo Jesu;

WAEFESO 1:6

upate kukaswa kwa wundu ghwa mvono ghwake ghwa wubaa, ugho oredinekieghe duu andenyi ya uo Mkundwa.

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.

TITO 3:4

Ela iji wucha na wughoma ghwa lukundo lwa Mlungu Mkiri odu ghorewonekieghe,