HOSEA 14:1 - Biblia Ilagho Jiboie Kwa Wandu Wose

¹ Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

HOSEA 14:1 Խաչաձեւ Հղումներ

2 WAZURI 8:12

Hazaeli ukamkotia, “Kuliliaki bwana wapo?” Ukatumbulia, “Ni angu namanya ugho wuwiwi kuchaawibonyera wandu wa Israeli; kwa kukaia kuchakora ngome rawo, na kubwagha wandu wa irika wa Israeli kwa lufu, sena kuchawifasha-fasha wana wawo, na kuwirashua-rashua waka wawo wiko na vifu.”

ISAYA 19:22

Na BWANA uchaikaba Misri, ukikaba na kuboisa; nawo wichamghalukia BWANA, nao uchasikira kuvoya kwawo na kuwikira.

JEREMIA 2:19

Mawiwi ghako gheni ghichakuneka adhabu, na kuwuya nyuma kwako kuchakukemia. Zighana kuwone kukaia ni ilagho iwiwi sena jibirie ja oho kunisigha ini BWANA Mlungu wako; ndekuwadie ghuja wundu ghwa kuniobua ini andenyi kwako.”

JEREMIA 4:1

BWANA waghamba, “Iji kwakunda kuwuya, kuwuye kwapo ee Israeli. Kukainja wuchafu ghwa milimu yako niseiwone, nao kukaie kuseghalukagha,

KILILO CHA JEREMIA 5:16

Vilambo vose derekukasagha navo vasirie. Ni bugha kodu angu dibonyere kaung'a.

EZEKIELI 16:46

Mwanyinyu wa waka m'baa ni Samaria, uo orekoghe cha kaskazinyi yako na mizi yake; na mwanyinyu wa waka mtini, uo orekoghe cha kusinyi chiaimweri na mizi yake ni Sodoma.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

EZEKIELI 33:14

Sena ngamzera mundu mmbiwi, ‘Loli kuchafwa,’ nao ughaluke na kuisigha kaung'a yake, na kubonya agho ghiko gha loli na gha hachi,

HOSEA 10:12

Ngaghamba, ‘Limenyi mbuwa mbishi kwa wundu ghonyu mmbeni, muwe hachi, mkuwide lukundo lukatie kufuma kwapo. Ni ngelo ya kunighalukia ini, BWANA onyu, nani nichacha na kumdiria marasimio.’

HOSEA 12:6

Kwa huwo idana inyo kivalwa cha Jakobo, muwuye kwa Mlungu onyu; mumrumirie na kukuzaisira lukundo na hachi, mummbeserie Mlungu onyu kwa kurumaghia upate kum'bonyera hachi.

HOSEA 12:8

Wadaghamba, ‘Aa, dameria kuwuya wazuri wa mali, damerie kukupatira wuzuri; ndekuwadie mndungi udimagha kudishitakia wei deepata mali kuseko na hachi.’

HOSEA 13:9

“Nichamnona ee wandu wa Israeli! Nani udikagha kumtesia?

HOSEA 4:8

Mwawuyafugha kwa wundu ghwa kaung'a rawuyabonywa ni wandu wapo; nenyo mwaawuyaboilwa iji wachuria kubonya kaung'a.

HOSEA 5:5

Kukukasa kwa wandu wa Israeli kwawuyawishuhudia. Kaung'a rawo rawikuwara wikaghwa, na wandu wa Juda wori wichaghwa chiaimweri.

HOSEA 6:1

Wandu waghamba, “Nndokonyi dimmburie BWANA! Wadivavirie, ela uchadiboisa. Wadishoghonue, ela uchadifunga kushoghonoka kodu.

HOSEA 9:13

BWANA, naawuyawona wana wawo wikidiwa na kubwaghwa.

HOSEA 9:7

Ngelo ekabwa yameria kuvika, agho matuku gha wandu kulipwa agho ghiwifwanagha. Matuku agho ghikacha, Israeli ichaghimanya. Inyo mwaawuyaghamba, “Uhu mlodi ni mkelu; umundu uchulo ni Roho ooka na isu.” Inyo mwaawuyazamilwa ni ini angu kaung'a renyu riko nyingi.

AMOSI 1:13

BWANA waghamba, “Wandu wa Amoni wabonyere kaung'a sena na sena; kwa wundu ugho nichawikaba. Wuda ghwawo ghokunda kuchuria isanga warashue waka wa Gileadi wiko na vifu.