HAGAI 2:5 - Biblia Ilagho Jiboie Kwa Wandu Wose

⁵ Sa iji koni neremlaghirieghe mkifuma Misri kukaia nichakaia andwamweri nenyo, ni huwo koni neko chiaimweri nenyo; msakeobua.

HAGAI 2:5 Խաչաձեւ Հղումներ

2 MALAGHO GHA NGELO 20:17

Inyo ndemchaalwa ughu wuda; wadenyi wulalo ghonyu, nenyo mchawona seji BWANA umnekagha wusimi ee wandu wa Juda na Jerusalemu. Msekambo ni chongo; wifumienyi kesho, na BWANA uchakaia andwamweri nenyo.”

NEHEMIA 9:20

Korewinekieghe Roho wako mucha owifundisha; korewinekieghe mana na machi ghenywa.

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

KUFUMA 19:4

‘Mwawonie seji nerewibonyereghe Wamisri, na seji koni neremdwaeghe sa iji koni indu idwagha vana vake aighu ya mawawa ghake; ngamreda aha kwapo.

KUFUMA 19:6

nenyo mchakaia kwapo wuzuri ghwa wakohani, na mbari ya wueli. Agha nigho malagho kuchaawighoria wana wa Israeli.’”

KUFUMA 24:3

Musa ukacha na kuwighoria wandu memu na Sharia rose ra BWANA; na wandu wose kwa wumweri wikatumbulia, “Dichabonya maza rose sa iji BWANA waghora.”

KUFUMA 24:8

Niko Musa ukawusa bagha erekoghe bakulinyi, ukawimichira wandu ukighamba, “Ihi niyo bagha ya ijo ilaghiro BWANA orebonyereghe nenyo, iji oremnekieghe malaghiro agha ghose.”

KUFUMA 34:10

BWANA ukamzera Musa, “Idana nichabonya ilaghano na wandu wa Israeli. Nichabonya malagho mabaa aghadi kwawo, jingi ghisebonywa ni mndungi ndoenyi kose, hata kwa mbari ingi. Wandu wose wichawona maza mbaa ini BWANA nichaaribonya; nichabonya maza reobosha kwa wundu ghonyu.

KUFUMA 34:8

Musa ukabonya shwa-shwa kughoghoma hata chongo chake chikadunga andonyi, ukatasa.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 41:13

Kwa kukaia Ini Bwana Mlungu wako, nichakumaziria kwa mkonu ghwapo ghwa kiwomi; ni Ini nighoragha, ‘Kusakeobua, Ini nichakutesia.’”

ZEKARIA 4:6

Malaika ukanizera nimghorie Zerubabeli agha malagho gha BWANA huwu, “Kuchasima, ela si kwa ndighi ra kiwuda angu kwa ndighi rako, ela kwa Roho wapo.

ZEKARIA 8:13

Inyo wandu wa Juda na Israeli, kokala waghenyi werewasiranagha njowe kwa kughora ‘Wasi ghorewipatireghe wandu wa Juda na Israeli ndeghukupate oho!’ Ela nichamkira, na awo waghenyi wichazerana, ‘Kupate irasimio jerepatiroghe ni wandu wa Juda na Israeli!’ Kwa huwo mkaie na ngolo msakeobua.”

ZEKARIA 8:15

Ela idana naawuyabonya mipango ewirasimia wandu wapo wa Jerusalemu na Juda. Kwa huwo msakeobua.

MATHAYO 28:5

Nao uja malaika ukawizera waja waka, “Inyo msakeobua, angu namanya mwaawuyamlola Jesu uo oresulubishiroghe.

MABONYO GHA WADUMI 27:24

ukanizera, ‘Kusakeobua Paulo, ni suti kukaie kimusi imbiri ya Kaisari. Nao ola, Mlungu wakuneka wandu wose mwawuyadambanya.’

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 8:1

BWANA ukamzera Joshua, “Kusakeobua hata kusakefwa ngolo, wada masikari ghose, kujoke nawo cha Ai; ola namfunya mzuri wa Ai ungie mikonunyi kwako chiaimweri na wandu wake, muzi ghwake, na isanga jake.

WUFUNUO 1:17

Nani iji neremmbonieghe, nereghueghe maghunyi kwake seji naafwa. Ela ukaniwikiria mkonu ghwake ghwa kiwomi ukaghamba, “Kusakeobua, ini nuo wa imbiri, na wa kutua;

1 SAMUELI 12:20

Niko Samueli ukawizera wandu, “Msakeobua hata ngera mwabonyere ugho wuwiwi, bora tu mseghaluke mkimsigha BWANA, ela mumdumikie kwa ngolo renyu rose.