HAGAI 2:12 - Biblia Ilagho Jiboie Kwa Wandu Wose

¹² Mundu ukadwa kipande cha nyama ieleshero ya kizongona, nao uifunge na kidambi cha nguwo yake, ukaadada nacho mkate angu nyungu angu divei, angu mavuda, angu vindo ivo vose, huwo vikaia vieleshero?” Wakohani wikatumbulia, “Hata.”

HAGAI 2:12 Խաչաձեւ Հղումներ

MATHAYO 23:19

Wandu mfue meso inyo! Kibaa ni chiao? Ni jija ifunyo angu madhabahu agho ghibonyagha ijo ifunyo kukaia jielie?

WALAWI 6:27

Mndungi angu kilambo chingi chiadadagha nyama ya iyo nyamandu, uchashoghonolwa ni wueli ghwaro, na kilambo chieleshero; na kilambo chingi angu nguwo ingi ikatarikilwa ni bagha ya iyo nyamandu, ichaoghosherwa ahoeni andu kueleshero.

EZEKIELI 44:19

Na iji wakafuma cha waza ya shighadi wandunyi, wicharua iro nguwo wadumikagha naro, na kuriwika andenyi ya vumba va wueli, na kurwa nguwo zima, eri wisakekuranganya na wandu wikikaia na marwao gha wueli, ghisecheshoghonua wandu kwa kuwibonya wandu wiadade vilambo va wueli.

WALAWI 7:6

Kula mundu wa womi uko aghadi ya wakohani wadima kuja iro nyama; richajilwa andu kueleshero, kwa kukaia ni vindo vieleshero loli loli.

WALAWI 6:29

Kula mundu wa womi uko aghadi ya wakohani, wadima kuja iro nyama; ni vindo vieleshero loli loli.

KUFUMA 29:37

Kubonye huwo kwa matuku mfungade, niko iyo madhabahu ichaaeleshwa putu; hata ichakaia angu icho chose chichaadada madhabahu, chichaeleshwa.

WUKUMBUSO 33:10

Wichawifundisha wandu wako kuisikiria Sharia yako; wichafunya vizongona aighu ya madhabahu yako.

MCHILI 10:1

Izi rifue radabonya marumba ghiboie ghinuke kiwiwi, wokoni na wukelu mtini ghwadainja hikima na ishima.