HAGAI 1:6 - Biblia Ilagho Jiboie Kwa Wandu Wose

⁶ Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.

HAGAI 1:6 Խաչաձեւ Հղումներ

HAGAI 1:9

“Morekoghe mkisuwiria kupata vindo vingi, ela mkaapata vitinieri; hata iji mwavireda mzinyi, ngaviduka na mbeo noko. Mwamanyire ni kwaki nibonyere huwo? Ni angu Hekalu yapo iduagha ighacho, ingelo kula umu onyu waawuyabonya malagho gha nyumbenyi kwake.

HOSEA 4:10

Mchaja ifungu jenyu ja vizongona, ela ndemchaaghuda. Mchalala na waka wengi, ela ndemchaakaia na wana, kwa kukaia mwaghulukie mkanilegha ini BWANA, mkanugha milungu mizima.”

HAGAI 2:16

Mundu ukaghenda zighana msigo ghwa viro vake ukisuwiria kupata vipimo mirongo misanu, uapata mirongo iwi.

HOSEA 8:7

Wikawa mbeo, wichakuwida kiremba; mbuwa isewurushagha viro ndeinekagha vindo na hata vikava, vichajighwa ni waghenyi.

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

ISAYA 5:10

Kwa kukaia hekta ikumi ra mbuwa ya mizabibu, ichava lita wunyanya ra divei; na lita ighana na mirongo wunyanya ra mbeu, richava lita ikumi na wunyanya ra viro.”

ZEKARIA 8:10

Imbiri ya matuku agho, ndekorekoghe mndungi oredimagha kuandika mundu angu nyamandu kazi, hata ndekorekoghe na wulindiri ghungi ghokulindia na m'maiza. Nerengirieghe ndasanya aghadi ya wandu.

ZEKARIA 5:4

BWANA Uwadie-Ndighi-Rose waghamba uchaiduma ihi njowe shighadi ingie nyumbenyi kwa kitoi, na nyumbenyi kwa mundu ughemagha kwa tee kwa irina jake; nayo ichakaia nyumbenyi kwawo na kuwinonia vilambo.”

JEREMIA 44:18

Ela kufuma dasigha kufukiria marumba uja Malkia wa Mlungunyi, na kumdungia vizongona venywa, deesowekelwa ni kula kilambo, sena dikamerelwa ni wuda na njala.”

JEREMIA 14:4

Ndoe yaomie angu vua isenyee isangenyi; walimi wafwa ngolo, na kuwadia idumbu kwa wasi.

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

AYUBU 20:28

Vilambo va nyumbenyi kwake vichadukwa noko; vichakurudulwa noko ituku ja machu gha Mlungu.

AYUBU 20:22

Ukeduachura mali, wasi ghuachurikia; uchakaia na wasi m'baa.

1 WAZURI 17:12

Uja muka ukamzera, “Naghema kwa BWANA Mlungu wako uko moyo siwadie mkate. Neeka na kamufu katini mkoponyi, na mavuda matini chupenyi; nawuyashoa iri mbande eri nibonye mkate, dije na mwana wapo diwonebwaghwa ni njala.”

2 SAMUELI 21:1

Matuku gha Daudi, korekoghe na njala inughane kwa miaka idadu; Daudi ukamlomba BWANA aighu ya ilagho ijo. BWANA ukaghamba, “Koko na wuwiwi ghodia bagha kwa Sauli na kivalwa chake; angu werewibwaghieghe Wagibeoni.”

WALAWI 26:26

Nichapunguza vindo venyu, hata ikaie waka ikumi wioche mkate ghonyu andenyi ya iriko jimweri; wichaghuwagha ugho mkate, nenyo mchaghuja na kulemwa ni kughuda.

WALAWI 26:20

Kukufunya kose kwa kazi renyu kuchakaia kwa duu, kwa kukaia ndoe ndeichaava mavalo ghangi, na midi ndeichaafunya matunda ghangi.

NEHEMIA 5:2

Wamu wikaghamba, “Isi deko na familia mbaa; dineke viro vekata dipate kukaia moyo.”

JEREMIA 12:13

Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

HAGAI 1:5

Ndemmbonagha seji mwawuyapatwa ni malagho?

HAGAI 1:7

Huwo ndemuwuewona shekeria yaro seji ifwanagha?

HAGAI 1:10

Iyo niyo sababu vua ndeiwuyenya, hata ndoe ndeiwuefunya mavalo ghangi.

HAGAI 2:17

Neremkabieghe kwa kiremba, na vua ya magho ngano na vindo vose morewaeghe, ela ndemoreherieghe.

WUKUMBUSO 28:17

“Kikapu chako cha viro, chichawadwa ni njowe chiaimweri na chombo chako cheruwia mufu.

MAKATANISHO 11:24

Mndumu uakaia na ishima jeneka mali rake, na ii chia mali riachurikia kuchumba; umu ualegheria, na ii chia uawuya mkiwa na kuchumba.